Mwalondelezya nu kuomvya ivyeo ivitailwe. Ivyeo vino mukulanda vilinzile ukufuma Umwi Izwi Lyakwe Leza, mwaviwelenga muli Baibo kwene ndi calondekwa ukucita vivyo. Ndi mwalanda pa vyeo vimwi vyakwe sayansi, ivili umwi lyasi limwi pa vintu ivyativicitika, pa vintu vimwi ivyacitikile yamwi, nanti ivyeo vyuze ivya kumwazwa ukulondolola, mwasininkizya ukuti i vyacumi nupya vicili vikaomba.

Mwalondelezya ningo ivyeo. Mwalondolola vino malembelo yangaomviwa ukulingana na mazwi ali umu vikomo vyuze umwi lembelo lino mwawelenga ni vyeo vyonsi ivyaya muli Baibo, alino ni vyeo ivyaya umu mpapulo zya ‘muomvi mutailwe uwa mano.’ (Mateo 24:45) Mwaomvya ivyeo vino antu yalemba ukulingana na vino vyalemvilwe alino nu mulandu uno kalemba wavilembiile.

Mwalondolola ningo ivyeo ivingazwa ya kakutika. Pa cisila ca kuwelenga ilembelo nanti ukulanda umufumile ivyeo, mwauzya mauzyo asuma nanti ukuomvya ivilangililo pali vino mukulandapo pakuti mwazwe ya kakutika ukulola vino yangaomvya ivyeo.