Skip to content

Muye pa utantiko wa vilimo

Ingilini (opens new window)
Londini Ivyeo pa JW.ORG

Icupo

Icupo

Uzye icupo catandike uli?

Utan. 1:​27, 28; 2:​22-24; Mate. 19:​4-6

U muntu wa musango ci uno Umwina Klistu alinzile ukutwalana nawe?

U mulandu ci uno Umwina Klistu wa cumi atalinzile ukuzumilizya umwanakwe umukazyana nanti umonsi kutwalana nu muntu ataipeela nu kubatiziwa ukuya umuomvi wakwe Yeova?

1 Kol. 7:39; 2 Kol. 6:​14, 15

  • Malyasi aalembwa muli Baibo angamwazwa:

    • Utan. 24:​1-4, 7—Abulahamu wapingulapo ukulondela umuci wa mwanakwe Isaki ukufuma mu antu akaombela Yeova, asi mu Ina Kenani akapepa ya leza yauze

    • Utan. 28:​1-4—Isaki wanena umwanakwe Yakobo ukuti atalinzile ukutwala umwanaci Umwina Kenani, lelo alinzile ukutwala umwanaci akaombela Yeova

Uzye Yeova akauvwa uli pa yantu akatwalana na antu atataila?

Malan. 7:​3, 4

  • Malyasi aalembwa muli Baibo angamwazwa:

    • 1 Yamw. 11:​1-6, 9-11—Yeova wasokela Solomoni pa kukanauvwila ukucelula nu kutwala anaci aku mpanga zyuze alenzile atandike ukupepa ya leza ya ufi

    • Neem. 13:​23-27—Wakwe Yeova, Neemiya nawe wasoka sana lino aonsi Aina Izlaeli yatwala anaci aku mpanga yuze asipepa Yeova, na cii calenga ukuti ayasunde nu kuyalungika

U mulandu ci uno cacindamila ukutwalana nu muntu aakaombela Yeova na ucisinka nupya uwaya ni miyele isuma?

Mapi. 18:22; 31:​10, 28

Loliniko na Efes. 5:​28-31, 33

  • Malyasi aalembwa muli Baibo angamwazwa:

    • 1 Sam. 25:​2, 3, 14-17—Nabali umonsi uwakweti ivyuma ivingi sana, wali u munkalwe nupya atali iya musuma kuli Abigelo

    • Mapi. 21:9—Ndi cakuti tutasoolwile ningo uwa kutwalana nawe tutanga tuye ni nsansa alino nu mutende

    • Loma 7:2—Umwanaci nga watwalwa akatandika ukutungululwa nu monsi aatamalilika, fwandi umwanaci alinzile ukucenjela lino akusoolola uno angatwalana nawe

Kuipekanya ukwingila umu cupo

U mulandu ci uno umonsi alinzile ukusininkizizya ukuti angakwanisya ukusakamala umuci na ana lino atatala watwala?

1 Tim. 5:8

  • Malyasi aalembwa muli Baibo angamwazwa:

    • Mapi. 24:27—Lino umonsi atatala watwala nu kukwata ana alinzile ukuombesya pakuti asakamala ulupwa

U mulandu ci uno aakwizizyanya yalinzile ukuvwila ukusunda ukwa mano nu kumanyana ningo ukucila ukwika mano kuli vino umuntu akaloleka?

Mapi. 13:10; 1 Pet. 3:​3-6

  • Malyasi aalembwa muli Baibo angamwazwa:

    • Luti 2:​4-7, 10-12—Boasi wizile amanya ningo Luti ukupitila muli vino waombesyanga, vino wasunganga Naomi, ukuvwa kuli vino antu atailwe yalandanga pali aliwe nu kupitila muli vino watemilwe Yeova

    • Luti 2:​8, 9, 20—Luti wamanya ningo Boasi ukupitila muli vino waya ni cikuuku, ukapekape na vino watemwa Yeova

U mulandu ci uno akwizizyanya na ataisyanya yalinzile ukuya ni miyele isuma?

Gala. 5:19; Kolo. 3:5; 1 Tesa. 4:4

  • Malyasi aalembwa muli Baibo angamwazwa:

    • Mapi. 5:​18, 19—Atwalane sile aliyo yangalanga inzila zimwi izyakulangilamo citemwiko

    • Lwimbo 1:2; 2:6—Kacema umulumendo nu mukazyana umwina Syulamu yalanganga vino yatemwanine umu nzila isuma

    • Lwimbo 4:12; 8:​8-10—Umukazyana umwina Syulamu watwalilila ukuya umusanguluke nu kuikanya; nupya yamukolanya uku calo cino yapindilila icimpinda

U mulandu ci uno aakutwalana yalinzile ukutwalana ukulingana ni sunde lya uteeko?

Mate. 22:21; Loma 13:1; Tito 3:1

Umulimo uno iya wakwata

I milimo ci ino Yeova wapeela ya iya?

Efes. 5:​23, 25, 28-31, 33

Uzye aweni wino umonsi uwatwala alinzile ukukolanya?

1 Kol. 11:3; Efes. 5:23

U mulandu ci uno iya alinzile ukulangila ukuti watemwa umuci nu kwika mano kuli vino akayuvwa?

Kolo. 3:19; 1 Pet. 3:7

  • Malyasi aalembwa muli Baibo angamwazwa:

    • Utan. 21:​8-12—Yeova wanena Abulahamu ukukutika kuli Sala umuci wakwe, nanti cakuti atatemilwe vino Sala akwelenganya

    • Mapi. 31:​10, 11, 16, 28—Umonsi uwatwala mama uwa mano asiezya ukumutungulula muli vyonsi nanti ukulalola sile iviipe muli aliwe, lelo akamutaila nu kumutaizya

    • Efes. 5:33—Amazwi yano Paulo walemvile yakalangilila ukuti umuci alinzile ukuyuvwa ukuti iya wamutemwa

Umulimo uno umuci wakwata

I milimo ci icindame ino Yeova wapeela aci Aina Klistu?

Utan. 2:18; Kolo. 3:18; Tito 2:​4, 5

Uzye milimo ino aci yakwata itacindama sana?

Utan. 1:​26-28, 31; 2:18

  • Malyasi aalembwa muli Baibo angamwazwa:

    • Mapi. 1:8; 1 Kol. 7:4—Leza wapeela aci na avyazi anaci imilimo imwi icindame umu lupwa

    • 1 Kol. 11:3—Umutumwa Paulo walondolola ukuti ukulingana na vino Yeova watantika, swensi kwene tukalondela utunguluzi uno Leza wikako

    • Aeb. 13:​7, 17—Aonsi na anaci umu cilongano yalinzile ukuvwila nu kulondela utunguluzi uno yayo asontwa ukulatungulula yakapeela

Uzye umwanaci uwatwalwa uku muntu asipepa Yeova angalenga uli Yeova ukuya ni nsansa?

1 Kol. 7:​13-16; 1 Pet. 3:​1, 2

U mulandu ci uno umuci Umwina Klistu alinzile ukulacindikila iya?

Efes. 5:33

  • Malyasi aalembwa muli Baibo angamwazwa:

U muci wa musango ci uno yataizya muli Baibo?

Mapi. 19:14; 31:​10, 13-31

Kucimvya intazi

I visinte ci ivya muli Baibo ivingazwa aatwalane kucimvya intazi zino yangakwata umu cupo?

1 Kol. 13:​4-8; Efes. 5:33; Kolo. 3:​12-14

I visinte ci ivya muli Baibo ivingazwa aatwalane ukulapingula ningo pali vino yalinzile ukulaomvya mpiya?

Luka 12:15; Filipi 4:5; 1 Tim. 6:​9, 10; Aeb. 13:5

Loliniko na pakuti “Impiya”

I visinte ci ivingazwa aatwalane kucimvya intazi izikumile ya lupwa yakwe ya wao?

Masa. 34:14; Mate. 19:​5, 6; 1 Kol. 13:​4, 5

I visinte ci ivingazwa aatwalane api lyasi lya kupanga icupo?

Mapi. 5:​15-20; Mate. 5:​27, 28; 1 Kol. 7:​3-5; 10:24; Filipi 2:4; Aeb. 13:4

U mulandu ci uno cazipila ukwika mano ku miyele isuma ino iya nanti umuci wakwata ukucila ukwika mano kuli vino akaluvyanya?

Masa. 103:14; 130:​3, 4; Mapi. 17:9; 1 Pet. 4:8

U mulandu ci uno cazipila kuombela pa ntazi zuwa zuwa nupya umu nzila isuma ukucila ukutwalilila ukuya umusoke?

Masa. 37:8; Mapi. 14:29; Efes. 4:​26, 27; Yako. 1:​19, 20

U mulandu ci uno Umwina Klistu atalinzile ukuya ni icipyu, ukukalipa, miponto alino ni miyele yuze iipe?

Masa. 11:5; Gala. 5:​19-21; Efes. 4:​31, 32; Tito 3:2

Ndi cakuti aatwalane yafilwa ukuzumilizyanya pali vimwi, i vyani vino yonsi yoili yalinzile ukucita?

Masa. 34:14; Mate. 5:9; Loma 12:​17, 18, 21

I visuma ci vino aya umu cupo yakaipakizya ndi cakuti yakucita ivintu ukulingana na vino Yeova katandika wa cupo akalonda?

Kasa. 4:​9-12

Visinte ivikalanda pa cupo

A masunde ci yakwe Yeova aakalanda pa kupanga icupo na pa kutwalana?

Mapi. 6:32; Mate. 5:​27, 28; 1 Kol. 6:​9, 10; Aeb. 13:4

Uzye Aina Klistu yazumiliziwa ukutwala impali?

Mate. 19:​8, 9; 1 Kol. 7:2; 1 Tim. 3:​2, 12

Uzye twamanya uli ukuti umonsi na mama aliyo yalinzile ukutwalana?

Utan. 2:​18, 22, 24; Mate. 19:​4-6; Loma 1:​23-27

U mulandu ci uno aatwalane yalinzile ukutwalilila ukuya pamwi?

Mako 10:​6-9; Loma 7:​2, 3; 1 Kol. 7:​10, 11

U mulandu ci onga uno Baibo yalanda ukuti ali uno ungalenga icupo ca Ina Klistu ukusila?

Mate. 5:32; 19:9

Uzye Yeova akauvwa uli ndi cakuti aatwalane yataana apaula umulandu wa mu malembo?

Malaki 2:​13-16

Uzye ndi cakuti umwi wafwilwa uwakwe, angatwala nanti ukutwalwa nupya?

Loma 7:​2, 3; 1 Kol. 7:39

 

Limwi Mungatemwa Ukulolako na Vii

ZYUKINI!

Ivingaavwa Indupwa Ukuya ni Nsansa​—Kuombela Pamwi

Uzye mwemo naya winu mwaya wa yantu sile aakaikala mu ng’anda yonga?

ICUPO NU LUPWA

Ivyakulanga Ukutemwa

Uzye atwalane yangacita uli pakuti yalange ya wao ukuti yakasakamalana? Uvwini ivintu 4 ivyemelela pa visinte vya muli Baibo.

PALI SWESWE

Leengini Ukuti ya Nte Yakwe Yeova Yakamutandalile

Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.

MALEMBO AANGAZWA AINA KLISTU

Icupo

Cimambwe-Lungu
Icupo
https://assetsnffrgf-a.akamaihd.net/assets/ct/46e9307b0a/images/syn_placeholder_sqr.png
scl mafwa 20-24
INZILA ZYA KUCITILAMO DAUNILODI
Icupo
Vya kukopa impapulo Malembo Aangazwa Aina Klistu