Kuicefya
Uzye Yeova akalola uli antu aicefya na antu aya ni cilumba?
Masa. 138:6; Mapi. 15:25; 16:18, 19; 22:4; 1 Pet. 5:5
Loliniko na Mapi. 29:23; Eza. 2:11, 12
-
Malyasi aalembwa muli Baibo angamwazwa:
-
2 Mila. 26:3-5, 16-21—Umwene Uziya waya ni cilumba; watama isunde lyakwe Leza nupya wakana ukuvwila ukusunda; Leza wamulwalika tembwe
-
Luka 18:9-14—Yesu waomvya icilangililo pa kulondolola vino Yeova akauvwa pa mapepo ya antu acilumba na aicefye
-
Uzye Yeova akauvwa uli pa yantu aicefye nupya aakalapila ukufuma pansi ya mwenzo?
2 Mila. 7:13, 14; Masa. 51:2-4, 17
-
Malyasi aalembwa muli Baibo angamwazwa:
-
2 Mila. 12:5-7—Umwene Leoboamu ni ntunguluzi zya mu Yuda yaicefya nu kulapila, na cii calenga Yeova atayonona
-
2 Mila. 32:24-26—Umwene umusuma Hezekiya waya ni cilumba, lelo lino waicefya Yeova wamwelela
-
Uzye ukuya aicefye kukatwazwa uli ukulauvwana ningo na yauze?
Efes. 4:1, 2; Filipi 2:3; Kolo. 3:12, 13
-
Malyasi aalembwa muli Baibo angamwazwa:
-
Utan. 33:3, 4—Yakobo wapanga umutende nu mwina wakwe Esau umusoke sana pa mulandu wakuti wataicefya lino yakomenkana
-
Yakapi. 8:1-3—Kapingula Gidyoni waicefya nu kunena Aina Efulemu ukuti yacindama ukumucila, na cii calenga Aina Efulumu ukukanalwa nawe
-
Uzye Yesu wasambilizye uli u mulandu uno cacindamila ukuya aicefye?
Mate. 18:1-5; 23:11, 12; Mako 10:41-45
-
Malyasi aalembwa muli Baibo angamwazwa:
-
Eza. 53:7; Filipi 2:7, 8—Wakwe vino ya kasesema yasoowile, Yesu waicefya nu kuitemelwa ukwiza pano nsi nu kufwa imfwa iipisye nupya iyamuzewanya
-
Luka 14:7-11—Yesu walanda pa mulandu uno cacindamila ukuya aicefye lino waomvya icilangililo icikalanda pa yantu aasoololanga apa kwikala pa cindame lino yamilwe uku cakulya
-
Yoa. 13:3-17—Yesu walangilila alondezi yakwe ivya kuya aicefye lino wafula ingazo zya yasambi yakwe, umulimo uwali usuulwe
-
Uzye ukumanya vino Yeova akatulola na vino akalola yauze kungatwazwa uli ukuya aicefye?
U mulandu ci uno ukuicefya kwa usomvi kwaipila?
Limwi Mungatemwa Ukulolako na Vii
ZYUKINI!
Mwasambilizya Ana Ukuya Aicefye
Kusambilizya ana inu ukuya umuicefye kulayavwa ndakai nu ku nkoleelo.
VINO MUNGASAMBILILA UKU MALYASI YA MULI BAIBO
Yakobo na Esau Yapanga Umutende
Uzye Yakobo wacisile ulu pakuti malaika amupaale? Uzye wacisile uli pakuti apange umutende na Esau?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
