ISAMBILILO 33
Vino Uwene Wakwe Leza Ulacita
Uwene wakwe Leza watandika mpiti ukuteeka. Likwene sile ulalenga ivintu ivingi ukusenuka umu nsi. Lekini tulande pa vintu vimwi ivisuma vino mukalondesya vikacitike umu Wene wakwe Leza.
1. Uzye Uwene wakwe Leza ulaleta uli mutende nu mulinganya pano nsi?
Yesu, Umwene wa Wene wakwe Leza, alonona antu yonsi aipe na mauteeko pa nkondo ya Amagedoni. (Kusokolola 16:14, 16) Pa nsita iya, ulayo wa muli Baibo uwakuti: “Kwasyala sile akasita kanono umwipe atalaya penepo,” ulafikiliziwa. (Masamu 37:10) Umu Wene wakwe Leza, Yesu alasininkizya ukuti umu nsi yonsi muli umutende nu mulinganya.—Belengini Ezaya 11:4.
2. Uzye ivintu vilaya uli lino kulonda kwakwe Leza kulacitika pano nsi?
Lino Uwene wakwe Leza ulaateeka, “antu aololoke yalikala umutende umu mpanga, nu kuipyana umuyayaya.” (Masamu 37:29) Elenganyini vino cilaya ukwikala umu nsi umulaya sile antu aololoke, aatemwa Yeova nupya aatemwana! Kutalaya ukulwala, nupya antu yonsi yalikala amanda pe.
3. I vyani vino Uwene wakwe Leza ulacita pa cisila cakuti antu yonsi aipe yononwa?
Pa cisila cakuti antu yonsi aipe yononwa, Yesu alateeka pa myaka 1,000. Pa nsita iyo, wene na ya 144,000 yano yalateeka pamwi nawe yalaazwa antu ukuya amalilike. Pa cisila ca myaka 1,000, insi yonsi ilaya paladaise, nupya antu yonsi yalaya ni nsansa pano yalauvwila masunde yakwe Yeova. Lyene pa nsita iyo Yesu alaswilizya Uwene kuli Isi, Yeova. Nupya ‘izina lyakwe Leza lilacindikwa.’ (Mateo 6:9, 10) Cilamanyikwa ukuti Yeova ali Kateeka musuma akasakamala ateekwa yakwe. Lyene Yeova alonona Satana, iviwa, alino na yauze aalapondokela ukateeka wakwe. (Kusokolola 20:7-10) Ivintu visuma vino Uwene wakwe Leza ulaleta vilatwalilila ukuyako amanda pe.
LONDELEZYINI NA VYUZE
Sambililini umulandu uno tungatailila ukuti Leza alaomvya Uwene wakwe ukufikilizya malayo yonsi yano Baibo yatulaya aku nkoleelo.
4. Uwene wakwe Leza ulafumyapo amauteeko ya antunze
“Antu yamwi amaka yakateeka auze mu unkalwe.” (Kasambilizya 8:9) Yeova alaomvya Uwene wakwe ukufumyapo ulufyengo.
Belengini Danieli 2:44 na 2 Tesalonika 1:6-8, alino mulanzyanye mauzyo yaa:
-
I vyani vino Yeova nu Mwanakwe, Yesu, yalacita kuli ya kateeka antunze alino na yayo aakayatungilila?
-
Uzye vino mwasambilila pali Yeova na Yesu vyalenga musininkizye uli ukuti yalaya nu mulinganya muli vino yalacitila antu?
5. Yesu u Mwene umusuma sana
Vino Yesu u Mwene wa Wene wakwe Leza, alazwilizya antu aingi pano nsi umu nzila izingi. Tambini VIDYO pakuti mulole vino Yesu walanga mpiti ukuti akalondesya ukwazwa antu nu kuti Leza wamupeela maka ya kucita vivyo.
Vino Yesu wacitanga lino wali pano nsi, vyalangililanga vino Uwene ulacita. A mapaalo ci yamwi pali yaa yano mukalondesya ukwizaipakizya? Belengini malembo ali apisika akutwazwa kusambilila na vyuze pa mapaalo kwene yaa.
|
LINO YESU WALI PANO NSI . . . |
LINO YESU ALI KWI YULU . . . |
|---|---|
|
|
|
|
|
|
|
|
6. Uwene wakwe Leza ulaleta ivintu ivisuma uku nkoleelo
Uwene ulalenga antu ukuipakizya ivintu ivisuma wakwe vino Yeova walondanga pa kutandika. Yalikala manda pe umu paladaise pano nsi. Tambini VIDYO pakuti mulole vino Yeova akaomvya Umwanakwe, Yesu, ukucita ukulonda kwakwe.
Belengini Masamu 145:16, alino mulanzyanye iuzyo lii:
-
Uzye ukumanya ukuti Yeova ‘alikusya consi ica umi vino cikulonda’ kwalenga mwayuvwa uli?
YAMWI YAKALANDA UKUTI: “Ndi cakuti swensi tukuombela pamwi, tungafumyapo intazi izyaya umu nsi yii.”
-
Iintazi ci zino Uwene wakwe Leza ulafumyapo zino mauteeko ya antunze yatange yafumyepo?
VINO TWASAMBILILA
Uwene wakwe Leza ulacita vino Leza akalonda. Ulalenga insi ukuya paladaise umulaya antu asuma aalapepa Yeova manda pe.
I vyani vino mwasambilila?
-
Uzye Uwene wakwe Leza ulalenga uli izina lyakwe Yeova ukucindikwa?
-
U mulandu ci uno tungasininkizizya ukuti Uwene wakwe Leza ulalenga malayo aya muli Baibo ukufikiliziwa?
-
I vyani vino Uwene ulacita vino mukalondesya ukwizalola?
LONDELEZYINI
Manyini vino Amagedoni ikapiliula.
“Uzye Inkondo ya Amagedoni Ali Cani?” (Cipande ca pa intaneti)
Lolini ivintu i vilacitikalino kulaya “ucuzi ukalamba“ uno Yesuwalanzilepo.—Mateo 24:21.
Lolini vino amu lupwa yangaelenganya pali vino yalikala pamwi umu paladaise.
Umu cipande icatangi “Nakweti Amauzyo Aingi Ancuzyanga,” sambililini vino umuntu umwi uwapondokiile uteeko wazanyile amasuko ku mauzyo yano wakweti.
“Baibo Ikasenula Antu” (Lupungu Lwa Mulinzi, Januwale 1, 2012)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
