ISAMBILILO 13
Vino Imipepele ya Ufi Ikasambilizya Ivya Ufi Pali Leza
Ndi cakuti Leza u kutemwa, u mulandu ci uno amu mipepele aingi aakalanda nu kucitila ivintu umwi zina lyakwe Leza yakacitila ivintu iviipe ivingi? Tungati imipepele ii i ya ufi; vino yakalanda nu kucita vikalenga antu yazumila ivya ufi pali Leza. I vya ufi ci vino yakalanda pali aliwe? Uzye akauvwa uli pali vino yakacita? Nupya i vyani vino alacita?
1. Uzye imipepele ya ufi ikalanda uli ivya ufi pali Leza muli vino ikasambilizya?
Mipepele ya ufi yakauzya icumi “pali Leza nu ufi.” (Loma 1:25) Wakwe, imipepele iingi isisambilizya antu pi zina lyakwe Leza. Nomba Baibo ikalanda ukuti tulinzile ukulaomvya izina lyakwe Leza. (Loma 10:13, 14) Intunguluzi zimwi izya mu mipepele zikalanda ukuti ndi cakuti cimwi iciipe cacitika ale u kulonda kwakwe Leza. Nomba uwo ufi. Leza asilonda iviipe ukucitika. (Belengini Yakobo 1:13.) Ufi uno amu mipepele yakabepa, walenga citalile antu ukutemwa Leza.
2. Uzye imipepele ya ufi ikasambilizya uli antu ivya ufi muli vino ikacita?
Amu mipepele ya ufi yasilola antu wakwe vino Yeova akayalola. Baibo ikati imembu zyao ‘zyatulumana ukufika umwi yulu.’ (Kusokolola 18:5) Pa myaka iingi, imipepele ikatungilila ivikanza vya miteekele, inkondo, nupya yazumilizya ukuti antu aingi yakomwe. Ya simapepo yamwi yakalondesya ukuya akankala, fwandi yakapatikizya antu kulayatwalila impiya. Vino yakacita vikalangilila ukuti yatamanya Leza nupya yatakwata ni nsambu zya kusambilizya antu pali aliwe.—Belengini 1 Yoane 4:8.
3. Uzye Leza akauvwa uli pali vino imipepele ya ufi ikacita?
Ndi cakuti vino imipepele ya ufi ikacita vikalenga mwauvwa uyi, uzye mukwelenganya ukuti Yeova wene akauvwa uli? Watemwa antu, nomba akasoka pali vino intunguluzi zya mu mipepele zikayacitila na pali vino zikayasambilizya ivya ufi pali aliwe. Walaya ukuti alonona imipepele ya ufi yonsi nupya italatala iyeko. (Kusokolola 18:21) Likwene sile, Leza alonona imipepele yonsi iya ufi.—Kusokolola 18:8.
LONDELEZYINI NA VYUZE
Sambililini na vyuze pali vino Leza akayuvwa pa mipepele ya ufi. Sambililini pali vino imipepele ya ufi yacita, nupya musambilile nu mulandu uno vivyo vitalinzile ukumulesya ukusambilila pali Yeova.
4. Leza asizumilizya imipepele yonsi
Antu aingi yazumila ukuti imipepele yaya kwati inzila izipusanepusane izikayatungulula kuli Leza. Nomba uzye vivyo i vya cumi? Belengini Mateo 7:13, 14, alino mulanzyanye iuzyo lii:
-
I vyani vino Baibo ikalanda pa nzila iikatungulula uku umi?
Tambini VIDYO, alino mulanzyanye iuzyo ilyatililondelelapo.
-
Uzye Baibo ikalanda ukuti kwaya imipepele iingi ikazanzya Leza?
5. Imipepele ya ufi isilanga vino Leza waya nu kutemwa
Amu mipepele ya ufi yakasambilizya ivya ufi pali Leza mu nzila izipusanepusane. Inzila yonga iipisye ino yakacitilamo vivyo u kutungilila inkondo. Pakuti mulole vimwi vino yakacita, tambini VIDYO. Lyene mulanzyanye amauzyo alondelelapo.
-
U mulimo ci uno maceici yaomvile lino kwali Inkondo Yakwe Ciili Iya Nsi Yonsi?
-
Uzye mukuyuvwa uli pa mulimo uno yaomvile?
Belengini Yoani 13:34, 35 na 17:16. Lyene mulanzyanye mauzyo yaa:
-
Uzye mukwelenganya ukuti Yeova akauvwa uli ndi cakuti amu mipepele yakutungilila inkondo?
-
Imipepele ya ufi i yalenga ivintu ivingi iviipe ukulacitika. U mu nzila ci zimwi muno mwalola ukuti imipepele isikolanya ukutemwa kwakwe Leza?
Amu mipepele ya ufi yasikolanya vino Leza waya nu kutemwa
6. Leza akalonda ukwazwa antu ukufuma umu mipepele ya ufi
Belengini Kusokolola 18:4, a alino mulanzyanye iuzyo lii:
-
Uzye ukumanya ukuti Leza akalonda ukupususya antu yonsi yano imipepele ya ufi yaponzya kwamulenga ukuvwa uli?
7. Twalililini ukusambilila pali Leza wa cumi
Uzye iviipe vino amu mipepele yakalanda nu kucita vingalenga mwalola uli Leza? Elenganyini pa mwana uwakana ukuvwila ya isi, wafuma pa ng’anda nupya watandika ukucita ivintu iviipe. Ya isi yatazumilizye vino umwanao akucita. U mulandu ci uno citanga ciyele ningo ukupeela ya isi umulandu pa viipe vino umwanao akucita?
-
Uzye cingaya ningo ukupeela Yeova umulandu nu kuta ukusambilila pali aliwe pa mulandu na vino amu mipepele ya ufi yakacita??
YAMWI YAKALANDA UKUTI: “Nsikulonda ukusambilila pali Leza, pano imipepele iikalenga ivintu ivingi iviipe ukulacitika.”
-
Uzye namwe avino mukayuvwa?
-
U mulandu ci uno tutalinzile ukuleka vino amu mipepele ya ufi yakacita ukutulesya ukusambilila pali Yeova?
VINO TWASAMBILILA
Imipepele ya ufi ikalanda ivya ufi pali Leza muli vino ikasambilizya na vino ikacita. Leza alonona imipepele ya ufi.
I vyani vino mwasambilila?
-
Uzye mukauvwa uli pali vino imipepele ya ufi ikasambilizya na vino ikacita?
-
Uzye Yeova akayuvwa uli pa mipepele ya ufi?
-
I vyani vino Leza alacita uku mipepele ya ufi?
LONDELEZYINI
Sambililini pa nzila ziili izikalangilila ukuti imipepele iingi isicindika Leza.
U mulandu ci uno Yeova akalondela ukuti twapepa kuli aliwe pamwi na antu yauze?
“Uzye Cacindama Ukuya mu Mipepele Imwi?” (Cipande ca pa intaneti)
Simapepo yamucuzyanga kuli yano wapepanga nayo. Nomba cico citamulesizye ukusambilila icumi pali Leza.
“Umulandu Uno Simapepo Wafumiile Mu Ceici Cino Wapepangamo” (Zyukini!, Febuluwale 2015)
Pa myaka ingi, imipepele yalanda ivya ufi pali Leza ivyalenga antu yalola ukuti asitusakamala nupya wakoma umwenzo. Sambililini icumi pa vintu vii vitatu vino yakabepa.
“Ufi Uukalenga Caloleka Kwati Leza Ataya nu Kutemwa” (Lupungu Lwa Mulinzi, Novemba 1, 2013)
a Pakuti mumanye umulandu uno ibuku lya Kusokolola likaamila imipepele ya ufi ukuti umwanaci, kuli kuti Babiloni Mukulu, lolini Vyeo Vya ku Mpela pa namba 1
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
