ISAMBILILO 36
Mwaya Acisinka Muli Vyonsi
Swensi kwene tukalonda ukukwata cuza uwaya ni cisinka. Yeova nawe kwene akalonda ya cuza yakwe ukuya na ucisinka. Nomba citanguka umu nsi yii muno antu aingi yataaya na ucisinka. I visuma ci ivikacitika nga twaya na ucisinka umu vintu vyonsi?
1. U mulandu ci ucindamisye sana uno tulinzile ukuyela na ucisinka?
Nga tuli na ucisinka uku yantu yauze, tukalanga ukuti twatemwa Yeova nupya twamucindika. Elenganyini pali ci: Yeova wamanya vyonsi vino tukaelenganya na vino tukacita. (Aebele 4:13) Akalola ndi cakuti twasoololapo ukuya na ucisinka, nupya akaya ni nsansa. Izwi lyakwe likalanda ukuti: “Yawe [nanti Yeova] wapata umuntu akaifya uku mufulo, lelo aololoke ali yakundwe yakwe.”—Mapinda 3:32.
2. Iinzila ci zimwi zino tungalangilamo ukuti twaya na ucisinka cila wanda?
Yeova akalonda ukuti ‘twalanzyanya ivyacumi.’ (Zakaliya 8:16, 17) Uzye cii cikupiliula cani? Asi mulandu tukulanda na ya lupwa, yano tukaomba nayo, aina na ya nkazi, nanti amu uteeko, tusibepa nanti ukulanda ivyeo vya ufi. Antu aaya na ucisinka yasiiyila yauze nanti ukuyacenjezya. (Belengini Mapinda 24:28; na Efeso 4:28.) Nupya yakalipila imisonko yonsi ino yalinzile ukulipila. (Loma 13:5-7) Umu nzila zii alino nu mu nzila zyuze, “tukalonda ukuya acisinka umu vintu vyonsi.”—Aebele 13:18.
3. I visuma ci ivikacitika nga twaya na ucisinka?
Ukuya na ucisinka kukalenga yauze yatutaile. Tukaazwa yonsi umu cilongano ukuyuvwa ukuti yatemwikwa, wakwe vino cikaya umu lupwa umwaya antu aatemwana. Tukaya na kampingu musanguluke. Ucisinka witu ungalenga antu aingi ukucindika “ivisambilizyo vyakwe Leza, Kapususya witu,” nu kulenga antu aingi ukwiza umu kupepa kwa cumi.—Tito 2:10.
LONDELEZYINI NA VYUZE
Lolini vino ukuya na ucisinka kwakuma Yeova namwe, na vino mungaya acisinka mu vintu ivipusanepusane umu umi.
4. Ukuya na ucisinka kukazanzya Yeova
Belengini Masamu 44:21 na Malaki 3:16, alino mulanzyanye mauzyo yaa:
-
U mulandu ci uno mukwelenganyizizya ukuti caipa ukukanalanda icisinka?
-
Uzye mukwelenganya ukuti Yeova akayuvwa uli ndi cakuti twasoololapo ukulanda icisinka, nanti cakuti icitala ukucita vivyo?
Ndi cakuti ana yali na ucisinka, yakalenga avyazi yao ukuya ni nsansa. Nga tukulanda icisinka, tukalenga Yeova ukuya ni nsansa
5. Mwaya acisinka insita zyonsi
Antu aingi yazumila ukuti citanga cicitike ukuya ni cisinka insita zyonsi. Nomba lolini umulandu uno tulinzile ukuyela ni cisinka insita zyonsi. Tambini VIDYO.
Belengini Aebele 13:18, alino mulanzyanye pali vino tungaya acisinka . . .
-
kuli ya lupwa.
-
ku ncito nanti uku sukulu.
-
nu mu vintu vyuze.
6. Ukuya na ucisinka kukatwazwa
Pa kutandika cingaloleka kwati ukuya na ucisinka kungaleta intazi. Nomba mukuya kwa nsita, mungiluka ukuti ali cintu ca mpomvu ukucita.Belengini Masamu 34:12-16, alino mulanzyanye iuzyo lii:
-
Uzye ukuya na ucisinka kungalenga uli umi winu ukuya usuma?
-
Ya iya na aci aaya na ucisinka yakalenga icupo cao ukuya icikome
-
Aomvi aaya na ucisinka yakayataila kuli yano yayalemba incito
-
Uteeko ukatemwa sana antu aaya ni cisinka
YAMWI YAKALANDA UKUTI: “Insita zimwi ungabepako ndi cakuti ufi uwo unono.”
-
U mulandu cino uno mwasininkizizya ukuti Yeova wapata ufi onsi?
VINO TWASAMBILILA
Yeova akalonda ya cuza yakwe ukuya acisinka muli vyonsi vino yakalanda nu kucita.
I vyani vino mwasambilila?
-
Iinzila ci zimwi zino mungalangilamo ucisinka?
-
U mulandu ci uno caipila ukwelenganya ukuti tungabepako?
-
U mulandu ci uno mukulondela ukuya acisinka insita zyonsi?
LONDELEZYINI
Uzye avyazi yangasambilizya uli ana yao ukuya na ucisinka?
Umulandu ci uno cazipila ukufikilizya vyonsi vino twalaya ukucita?
Nga Mukufikilizya Vino Mwalaya, Mulapokelela Icilambu (9:09)
Sambililini ndi cakuti tulinzile ukulipila imisonko nanti icakuti isikuomviwa ningo.
“Uzye Mulinzile Ukulipila Imisonko?” (Lupungu Lwa Mulinzi, Sepetemba 1, 2011)
I cani icalenzile umonsi ataali na ucisinka ukusenuka?
“Nasambiliile Ukuti Yeova Wakwata Uluse Nupya Akaelela” (Lupungu Lwa Mulinzi, Mei 1, 2015)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
