ISAMBILILO 55
Mwaazwa Icilongano Cino Mwayamo
Antu aingi yakapepa Yeova umu vilongano ivingi umu nsi yonsi. Yakataizya sana pa vyeo vino yakasambilila, nupya yakalonda ukutungilila cilongano umu nzila izingi. Uzye namwe avino mukayuvwa?
1. U mu nzila ci zimwi muno mungaomvezya insita inu na maka ku kwazwa icilongano?
Swensi kwene tungazwilizyako icilongano. Wakwe, uzye umu cilongano cinu mwaya akoloci nanti aakalwalilila? Uzye mungayazwako umu mipitile pakuti yazanwe umu kulongana? Uzye mungayazwako muli vino yakulondekwa wakwe, ukuyakalilako ivintu nanti ukuyazwa incito zya pa ng’anda? (Belengini Yakobo 1:27.) Nupya tungazwilizyako ukuzifya nu kulungisya ivyativyononeka pa Ng’anda ya Wene. Kusi akatupatikizya ukucita ivintu vii. Ukutemwa Leza na ina u kukalenga ‘twaipeelesya’ ukuomba imilimo ii.—Masamu 110:3.
Ya Nte abatiziwa yangaazwa icilongano umu nzila na zyuze. Aina aafikepo yangasontwa ukuya aomvi aakatumikila nanti ya eluda. Nupya aina na ya nkazi yonsi yangatungilila umulimo wa kusimikila nga yakuombako upainiya. Aina na ya nkazi yamwi yangaazwilizyako kukuula vikuulwa ivya kupepelamo nanti kukukila ku cilongano icikulondekwa uwazwilizyo.
2. Tungaomvya uli impiya ni vintu vino twakwata ku kutungilila icilongano?
Tungacindika “Yawe [nanti Yeova] umu kumutuula icuma [vintu vino twakwata].” (Mapinda 3:9) Tukaya ni nsansa ukusangwilako impiya ni vintu vyuze pa kutungilila icilongano nu mulimo wa kusimikila umu nsi yonsi. (Belengini 2 Kolinto 9:7.) Imisangulo itu ikaomba nu kukwazwa atiyaponelwa na mazanzo. Antu aingi yakasoolola “ukupaatulako vimwi” pakuti yangaasangwilako lyonsi. (Belengini 1 Kolinto 16:2.) Tungasangwilako ukuomvya utumbokosi utukaya apa ncende zya kupepelapo nanti ukuomvya intaneti pa donate.pr418.com. Tungalanga ukuti twatemwa Yeova nga tukuomvya impiya zitu na vino twakwata kukwazwa icilongano
LONDELEZYINI NA VYUZE
Sambililini pa nzila zimwi zino mungaazwilamo cilongano.
3. Tungaomvya ivintu vino twakwata
Yeova na Yesu, yatemwa antu akaitemelwa kupeela. Yesu wataizye mukamfwilwa uwakweti utupiya utunono nupya uwaitemiilwe ukusangwilako. Belengini Luka 21:1-4, alino mulanzyanye mauzyo yaa:
-
Uzye tulinzile ukusangwilako impiya izingi sana pakuti tuzanzye Yeova?
-
Uzye Yeova na Yesu yakauvwa uli pali vino tukaitemelwa ukusangwilako?
Pakuti mumanye vino misangulo itu ikaomviwa, tambini VIDYO. Lyene alino mulanzyanye iuzyo ilyatililondelelapo.
-
Uzye imisangulo ikaomviwa uli ku kwazwa ivilongano umu nsi yonsi?
4. Tungaipeelesya ukuombako
Mu nsita ino ivyalumbulwa muli Baibo vyacitikanga, ya kapepa yakwe Yeova yaombesyanga ukuzifya ivifulo vya kupepelapo. Nomba pakuti tucite vii kuli na vyuze vino tulinzile ukucita kucila sile pa kusangwilako. Belengini 2 Milandu 34:9-11, alino mulanzyanye iuzyo lii:
-
Uzye aina Izlaeli yonsi yacitanga uli pakuti yazwilizyeko ukusakamala ing’anda yakwe Yeova nanti cifulo ca kupepelapo?
Pakuti mumanye vino ya Nte Yakwe Yeova yakakolanya vino antu aalembwa muli Baibo yacitanga, tambini VIDYO. Lyene alino mulanzyanye mauzyo atiyalondelelapo.
-
U mulandu ci uno cacindamila ukusunga Ing’anda ya Wene iyausaka nu kuzifya ivikononeka?
-
Iinzila ci zimwi zino mungazwilizizyamo?
5. Aina yalinzile ukuombesya pakuti yalinge ukupeelwa imilimo imwi umu cilongano
Malembo yakakomelezya aina Klistu aonsi ukuombesya pakuti yasakamala icilongano. Pakuti musininkizye, tambini VIDYO. Lyene alino mwasuke iuzyo ilyatililondelelapo.
-
Muli vidyo, i vyani vino mwina Ryan uwacita pakuti atandike ukwazwilizyako sana mu cilongano?
Baibo ikalondolola ningo sana vino aina yalinzile ukucita pakuti yalinge ukuya aomvi akatumikila nanti ya eluda. Belengini 1 Timoti 3:1-13, alino mulanzyanye mauzyo yaa:
-
I vyani vino aina yalinzile ukucita pakuti yaye aomvi aakatumikila na ya eluda?
-
I vyani vino indupwa zyao zilinzile ukucita?—Lolini vikomo 4 na 11.
-
Uzye ivintu vingazipila uli amu cilongano ndi cakuti aina yafika pa vikalondekwa?
UMWI ANGAMUZYA UKUTI: “Aekwi kuno ya Nte Yakwe Yeova yakafumya impiya zino yakaomvya?”
-
Mungasuka mutuuli?
VINO TWASAMBILILA
Yeova akataizya vino tukaomvya insita itu, amaka, na vino twakwata uku kwazwa cilongano.
I vyani vino mwasambilila?
-
Tungaomvya uli insita itu na amaka uku kwazwa icilongano?
-
Tungaomvya uli vino twakwata uku kwazwa icilongano?
-
Inzila ci zimwi zino mungatemwa ukwazwilamo icilongano?
LONDELEZYINI
Lolini umulandu uno Leza asilondela ya kapepa yakwe ukupeela icikumi ndakai.
“I Vyani Vino Baibo Yalanda pa Kupeela Icikumi?” (Cipande ca pa intaneti)
Baibo yalanda pa milimo imwi ino aina abatiziwa yakwata. Nomba, nga ndi cakuti calondekwa ukuti nkazi umubatiziwe aombe imilimo iyo?
“Kumanya Amaka Yano ya Eluda Yapeelwa Umu Cilongano” (Lupungu Lwa Mulinzi, Febuluwale 2021)
Lolini ya Nte yamwi aakaipeelesya ukutwalila ya kapepa yauze impapulo.
Lolini vino tukazana impiya izyakuomvya mu mulimo witu ukupusanako na vino amu mipepele yuze yakacita.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
