ISAMBILILO 59
Mungakwanisya Kuzizimizya Ndi Cakuti Yakumicuzya
Likwene sile, aina Klistu yonsi yali nu kutandika kuyakanya nu kuyacuzya. Uzye cico cilinzile ukutusakamika?
1. U mulandu ci uno tulinzile ukwenekela ukuti yalatucuzya?
Baibo ikalanda ukwaula nu kupita umumbali ukuti: “Asambi yakwe Klistu Yesu yonsi aakalonda ukupepa Leza, yalacuziwa.” (2 Timoti 3:12) Yesu yamucuzizye pa mulandu wakuti atatungililanga insi yakwe Satana. Naswe kwene tusi amu nsi ii, fwandi citalinzile ukutuzungusya ndi cakuti mauteeko nu tuungwe twa mipepele yatandika ukutucuzya.—Yoani 15:18, 19.
2. Tungacita uli pakuti tuipekanye uku ntazi izili nu kwiza uku nkoleelo?
Tulinzile ukutaila sana Yeova ndakai. Mwapaatulako insita cila wanda iya kupepa kuli aliwe nu kubelenga iciputulwa cimwi umwi Izwi lyakwe. Mwazanwa lyonsi umu kulongana. Ukucita ivintu vii kulamwazwa ukuya asipe lino mulaazunyiwa nanti cakuti kuzunyiwa kuko kwafuma kuli ya lupwa inu. Umutumwa Paulo uno yacuzyanga insita izingi walemvile ukuti: “Yeova ali kaazwa wane; ntalatiina.”—Aebele 13:6.
Nupya tungaya asipe ndi cakuti lyonsi tukusimikila. Kusimikila kukalenga tutaile Yeova nu kuta ukutiina antu. (Mapinda 29:25) Ndi cakuti mwasipa nu kulasimikila ndakai, cilamwazwa ukutwalilila ukusimikila na lino uteeko ulalesya umulimo witu.—1 Tesalonika 2:2.
3. I visuma ci ivikacitika ndi cakuti twatwalilila ukuya acisinka kuli Yeova lino yakutucuzya?
Kwene tusiuvwa ningo ndi cakuti yakutucuzya, lelo nga twazizimizya utailo witu ukakomelako. Tukapalama sana kuli Yeova pa mulandu wakuti tukalola vino akatwazwa ndi twatoovoka. (Belengini Yakobo 1:2-4.) Yeova akauvwa sana uyi nga walola tukucuula, nomba akauvwa ningo sana nga tukuzizimizya. Baibo ikalanda ukuti: “Ndi cakuti mukuzizimizya macuzi pa mulandu wa kucita icisuma, ala cili sile ningo kuli Leza.” (1 Petulo 2:20) Yeova alapeela umi wa pe kuli yayo yonsi aalatwalilila ukuzizimizya.—Mateo 24:13.
LONDELEZYINI NA VYUZE
Sambililini mulole umulandu uno mungasininkizizya ukuti mungatwalilila ukuya acisinka kuli Yeova asi mulandu yakumucuzya ni visuma ivingacitika nga mwacita vivyo.
4. Mungazizimizya ndi cakuti ya lupwa yakumucuzya
Yesu wamanyile ningo ukuti ya lupwa itu yamwi yatalatemwa ndi cakuti twasoololapo ukuombela Yeova. Belengini Mateo 10:34-36, alino mulanzyanye iuzyo lii:
-
I cani icingacitika ndi cakuti umwi umu lupwa wasoololapo ukuombela Yeova?
Pakuti mulole ivikacitika, tambini VIDYO, alino mulanzyanye iuzyo ilyatililondelelapo.
-
Uzye mungacita uli ndi cakuti lupwa nanti cuza winu wamunena ukuta ukuombela Yeova?
Belengini Masamu 27:10 na Mako 10:29, 30. Pa cisila ca kubelenga ilembo lyonga na lyonga, mulanzyanye iuzyo lii:
-
Uzye ulayo u ungamwazwa uli ndi cakuti amu lupwa nanti ya cuza inu yatandika ukumucuzya?
5. Twalililini ukupepa Yeova asi mulandu yakumucuzya
Tukalondekwa ukuya asipe lino tukuombela Yeova ndi cakuti yamwi yakutulesya ukucita vivyo. Tambini VIDYO, alino mulanzyanye iuzyo ilyatililondelelapo.
-
Uzye vino twatamba muli vidyo ii vyamukomelezya uli?
Belengini Milimo 5:27-29 na Aebele 10:24, 25. Pa cisila ca kubelenga ilembo lyonga na lyonga, mulanzyanye iuzyo lii:
-
U mulandu ci uno cacindamila ukutwalilila ukupepa Yeova nanti cakuti yainda umulimo witu?
6. Yeova alamwazwa ukuzizimizya
Ya Nte yakwe Yeova amisinku ni nkulilo izipusanepusane yatwalilila ukuombela Yeova asi mulandu yakuyacuzya. Pakuti mulole ivyayazwile, tambini VIDYO. Alino mulanzyanye iuzyo ilyatililondelelapo.
-
Muli vidyo, i vyani ivyavwile ya Nte yaa ukuzizimizya?
Belengini Loma 8:35, 37-39 na Filipi 4:13. Pa cisila ca kubelenga ilembo lyonga na lyonga, mulanzyanye iuzyo lii:
-
Uzye ilembo lii lyalenga musininkizye uli ukuti namwe kwene mungazizimizya intazi?
Belengini Mateo 5:10-12, alino mulanzyanye iuzyo lii:
-
U mulandu ci uno mungayela ni nsansa asi mulandu yakumucuzya?
Ya Nte Yakwe Yeova aingi yatwalilila ukumuombela na ucisinka asi mulandu nu kuyacuzya. Namwe kwene mungakwanisya!
YAMWI YAKALANDA UKUTI: “Ntange nzizimizye intazi.”
-
A malembo ci aangayakomelezya?
VINO TWASAMBILILA
Yeova akataizya pali vino tukamuombela asi mulandu yakutucuzya. Nupya nga watwazwa, tungazizimizya.
I vyani vino mwasambilila?
-
U mulandu ci uno aina Klistu yalinzile ukwenekela ukucuziwa?
-
I vyani vino mungacita ndakai pakuti muipekanye uku ntazi izili nu kucitika uku nkoleelo?
-
I vyani vingalenga musininkizye ukuti mungaombela Yeova asi mulandu ni ntazi?
LONDELEZYINI
Tambini umwina uwacance aakulondolola vino Yeova wamwavwile ukuzizimizya lino wali mu cifungo pa mulandu wa kukanaika mu vikanza vya miteekele.
Lolini ivyazwile atwalane yamwi ukutwalilila ukuombela Yeova na ucisinka pa myaka iingi asi mulandu nu kucuziwa.
Sambililini vino mungaya asipe lino yakumucuzya.
“Muipekanye Likwene Lino Insita ya kuzunyiwa Itali Ifike” (Lupungu Lwa Mulinzi, Julai 2019)
Uzye tulinzile ukulola uli ya lupwa aakatucuzya, nupya tungacita uli pakuti tutwalilile ukuvwana nu kuombela Yeova?
“Icumi Cisileta ‘Umutende, Lelo Cikaleta Inkondo’” (Lupungu Lwa Mulinzi, Okotoba 2017)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
