Umu ciputulwa cii, tumalola vino Paulo amacita lino maumba ya yantu asoke yakumuzanza, lino akuzizimizya ukunyepwa umu vifungo, na lino yakumutwala ukuli ya kapingula apusanepusane umu vilye vya ina Loma. Asi mulandu na vii vyonsi, mutumwa Paulo watatwalilila ukusimikila pa Wene wakwe Leza. Lino mukumalilila ukusambilila malyasi asuma aya umwi buku lya Milimo, muyuzye mweineco muti, ‘Uzye ningakolanya uli kasimikila wii uwali umucincile nupya umusipe?’