TWALILILINI UKUYA AITEYANYE!
2022: Mwaka wa Masakamika ni Vimvulunganya—Uzye Baibo Yalandapo Uli?
Umu mwaka wakwe 2022 manyuzi yalandanga sana apa nkondo, kuulizya impiya, alino na mazanzo yakuiponela. Baibo sile iikalondolola umulandu uno ivintu vii vikacitikila.
Vino ivyacitikanga umu 2022 vikalangilila
Ivyacitiike umu mwaka uwafumako vikalangilila sile ukuti tuli mu insita ino Baibo ikati “manda akusyalikizya.” (2 Timoti 3:1) Manda yaa yatandike umu 1914. Lolini vino ivikucitika ndakai vikalangilila vino Baibo yalanzile ukuti ivilacitika umu manda itu:
“Nkondo.”—Mateo 24:6.
“Umu 2022 mu Europe Nupya Kwene Mwali Intazi Izipisye pa Mulandu ni Nkondo.” a
Lolini cipande cakuti “Ya Russia Yazanza Impanga ya Ukraine.”
“Ivipowe.”—Mateo 24:7.
“Umwaka wa 2022 Wali U Mwaka wa Nzala.” b
Lolini cipande cakuti “Inkondo Iili Uku Ukraine Itilenga Kuye Ukuulizya Sana Ivyakulya Umu Nsi Yonsi.”
“Vikuko.”—Luka 21:11.
“Ulwale wakwe polio wawezile nupya, ulwale wakwe monkeypox walesile intazi izingi, nupya COVID-19 watwalilile ukwipilako. Ivyacitikanga vyalenzile ciloleke paswe vino indwala izikaambukila zyaipa na vino antunze yatakwata amaka pa vintu vyonsi.” c
Lolini cipande cakuti “Antu 6 Milyoni Iyafwa Kuli COVID.”
“Kulaloleka ni vintu vya kutiinya.”—Luka 21:11.
“Kukaya, vilala, moto wakuitandikila, alino na mulamba. Antu yalaiusya umwaka wa 2022 pa mulandu na vino ukusenuka kwa micele kwalenzile ivintu ivingi ukononeka, antu aingi ukufwa, na vino antu aingi umu nsi yonsi yaponzizye amang’anda yao.” d
Lolini cipande cakuti “Insi Ikukaya Sana Ndakai.”
“Vimvulunganya.”—Luka 21:9.
“Umu 2022 antu yakatukilanga sana mauteeko pa mulandu na vino kwali intazi iya kuulizya impiya na vino ivintu vyakomile sana imitengo.” e
Lolini cipande cakuti “Kukwela Kwa Mitengo Umu Nsi Yonsi.”
I vyani ivilacitika umu mwaka walondelelapo?
Kusi umuntu ali wensi uwatamanya ningo ivilacitika umu 2023. Cino tumanyile sile icakuti likwene sile Uwene Wakwe Leza nanti uteeko uwa kwi yulu, uli nu kusenula ivintu umu nsi. (Danieli 2:44) Uteeko uu ulafumyapo vyonsi ivikalenga antu yacula alino nu kufikilizya ukulonda kwakwe Leza pano nsi.—Mateo 6:9, 10.
Tukumukomelezya ukuti mwalondela ukusunda kwakwe Yesu Klistu nu kutwalilila ukuya ‘aiteyanye’ pakuti mwalola vino ivintu ivikucitika umu nsi vikufikilizya mausesemo amuli Baibo. (Mako 13:37) Mukwai mukatutumile pakuti mukamanyilepo na vyuze pali vino Baibo ingamwazwa ndakai na vino ingalenga ukuti mwemo pamwi nu lupwa lwinu muye nu upaalilo uwakuti ivintu vilazipa uku nkoleelo.
a Jill Lawless walanzile ukuti, “Umu 2022 mu Europe Nupya Kwene Mwali Intazi Izipisye pa Mulandu ni Nkondo.”—AP News, 8 December, 2022.
b “Umu Nsi Yonsi Mwali Ukuulizya ivyakulya.”— World Food Programme.
c Lawrence O. Gostin, JD walanzile ukuti, “Tukwikala Umu Nsita ya Vikuko, Kutandikila Kuli COVID-19 Kufika Kuli Monkeypox, Polio, Alino ni Ndwala Zyuze Izitamanyikwa Ningo.”—JAMA Health Forum, 22 Sepetemba, 2022.
d Martina Igini walanzile ukuti, “Uzye Ukwipa Kwa Miceele Umu 2022 Kukulangilila Vyani?”—Earth.Org, 24 Okotoba, 2022.
e Thomas Carothers na Benjamin Feldman yalanzile ukuti, “Ukuulizya Impiya nu Kukoma Kwa Mitengo Vyalezile Ukuti Antu Yapanga Sana Ivimvulunganya Umu Nsi Yonsi.”—Carnegie Endowment for International Peace, 8 Dizemba, 2022.
Limwi Mungatemwa Ukulolako na Vii
MASUKO KU MAUZYO AMULI BAIBO
I Vyani Vikalangilila “Manda ya Kusyalikizya Nanti “Insita ya Mpelelekezyo”?
Baibo ikalondolola ivintu ivilinzile ukucitika ukutungulula uku “manda akusyalikizya”.
LUPUNGU LWA MULINZI
Leza Wasya Afumyepo Macuzi Yonsi
Likwene sile Leza wasya afumyepo uyi onsi nu lufyengo?
MASAMBILILO AA MULI BAIBO AACINDAME
Uzye Uwene Wakwe Leza I Cani?
Mu mulimo wakwe onsi, Yesu wasambizyanga antu pa Wene Wakwe Leza kucila vino wasambizya pa vintu vyuze. Pa myaka iingi, alondezi yakwe yakapepa ukuti Uwene uwo wize.
PALI SWESWE
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
