Vino Baibo Ingamwazwa—Ukumala Intazi ya Kuyuvwa Kuzukilwa Ukupitila Umu Kukwata ya Cuza
Umu 2023, aasambilila sana pa vya umi yazanyile ukuti intazi ya kuyuvwa ukuzukilwa yali intazi ikulu ikulenga ma umi ya antu ukukanaya ningo. Uzye intazi ii ingasila?
Ya Dr. Vivek Murthy, U.S. surgeon general yalanzile ukuti “ukuvwa ukuzukilwa kukalenga umi witu ukukanaya ningo nupya tutanga tuye ni nsansa.” Nomba yalanzile nu kuti: “Kuli vimwi vino tungacita.” I vyani vino tungacita? “Cila wanda tulinzile ukulacita vimwi ivingalenga tukomye ucuza witu na antu yauze.” a
Ukuya swenga asi ukungalenga sile ukuti twayuvwa ukuzukilwa. Yamwi yakayuvwa ukuzukilwa na lino yali pa yantu. Asi mulandu ni cikalenga twayuvwa ukuzukilwa, Baibo ingatwazwa. Muli Baibo mwaya ukupanda mano ukungatwazwa ukumala intazi ya kuyuvwa ukuzukilwa ukupitila umu kukomya ucuza witu na antu yauze.
Ivisinte vya muli Baibo ivingatwazwa
Mwamanya ivyakulanzyanya ningo na antu. Cii cisikupiliula ukuti mulinzile ukulalanda sile vino mukuyuvwa lelo mulinzile nu kuya ya kuvwa yasuma. Ndi cakuti mukwika mano uku antu ucuza winu na aliyo ulakomelako.
Cisinte ca muli Baibo: “mutalonda sile ivingamuzipila, lelo mwalonda ni vingazipila yauze.”—Filipi 2:4.
Mwapanga Ucuza na antu apusanepusane. Mwaitemelwa ukukwata ya cuza aikolo nanti ance pali mwemwe nanti yano mwapusana inkulilo nanti kuno mwafuma.
Cisinte ca muli Baibo: “mwayula sana imyenzo inu.”—2 Kolinto 6:13.
Pakuti mumanyilepo na vyuze pali vino mungacita pakuti mukwate ucuza ukome na antu yauze, belengini icipande icakuti “Satisfying Our Hunger for Friendship.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
Limwi Mungatemwa Ukulolako na Vii
MAVIDYO YAKWE TUKADOLI TWAKULENGA
Uzye Cuza wa Cumi Waya Uli?
Ya cuza ya ufi yatatala ukuzana, nomba uzye ungacita uli pakuti uzane cuza wa cumi?
