Ndakaai, ya Nte Yakwe Yeova yakupokelela sana impapulo na mavidyo pa intaneti kucila vino cali mpiti. Nomba aina umu mpanga izingi yasikwata ivya kuomvya pa kuya pa intaneti. Yamwi yakaikala uku ncende zino intaneti yatala nanti kutaya.

 Lelo nanti ciye vivyo, aina na ya nkazi yangacita daunilodi impapulo nanti sile umu ncende umutaya intaneti. Uzye cico cingacitika uli?

 Ka JW Box a kambokosi kanono akakatumwa uku vilongano ivyaya uku ncende ukutaya intaneti. Mwaya kano yakaama ukuti ka router kano yakala uku makampani, mwaya na apu ino Aakaombela Uku Makompyuta ya pa Betele yapanga alino ni mpapulo na mavidyo ivyaya pa jw.org. Ka JW Box konga kakakalwa pa mpiya madola 75.

 Pa Ng’anda ya Wene aina na ya nkazi yangacita daunilodi impapulo na mavidyo pa ma foni yao na ma tabuleti kuomvya WIFI yakuli ka JW Box. Na yano yakwata mafoni na matabuleti aa mpiti nanti aatakoma umutengo yangacita daunilodi impapulo na mavidyo ivyaya muli ka JW Box. Ndi cakuti ukwaela icilongano kutaya intaneti, uzye muli ka JW Box mukaya uli impapulo izipya? Cila nsita aa ku musambo yakatumila aa mu vilongano vivyo mafulasyi yano yakakala pa madola 4, ala iikamo impapulo na mavidyo ivipya ivyaya pa jw.org vino yakaika muli ka JW Box.

 Uzye ka JW box kazwa uli aina na ya nkazi? Ya Nathan Adruandra umuvyazi aakaikala uku Democratic Republic of Congo Yatile: “Pa nsita itali nezizyanga ukucita daunilodi icangalo icakuti We Yeova, . . . Nataila Muli Wewe, ni cakuti Iusyini Muci Wakwe Loti. Nomba nafilwanga ukucita daunilodi, fwandi natoovwike. Lyene pa nakwanisya ukucita daunilodi mavidyo yaa, na cii cikalenga twasambilizya ningo ana itu.”

 Umwina aakaazwilizya aa mu vilongano ivya ku Nigeria kumanya ivya kuomvya ka JW Box watiile: “Aina yakalola ka JW Box ukuti uwila kufuma kuli Yeova. Yaya sana ni nsansa pano lyene yakakwanisya ukucita daunilodi impapulo na mavidyo ivyaya pa Viombelo Vino Tukaomvya pa Kusambilizya.

 Twaatuma tuma JW Box kucila pali 1,700 uku ina umu Africa, ku Oceania, nu ku South America, nupya tukupekanya ukutuma na tuze uku vilongano ivingi. Uzye impiya izikaomviwa kuomvya uku tuma JW Box zikafuma kwi? Zikafuma pa misangulo iya mu nsi yonsi, ino aingi yakasangula ukuomvya donate.pr418.com. Tukumutaizya pali ukapekape winu.