•  Amazwi Aakuyulila Ukulongana 2

•  Ivyuma Ivyaya Umwi zwi Lyakwe Leza 3-5

  •  Lyasi 3

  •  Ukuvwikisya Sana Ivyaya Umu Malembo 4

  •  Kubelenga Baibo 5

•  Sambililini Kuomba Ningo Umulimo wa Kusimikila 6-14

  •  Vya Kutandika Ukulanzyanya 7

  •  Kuswililako 8

  •  Mwapanga Asambi 9

  •  Mwalondolola Vino Mwazumilamo 10

  •  Lyasi 11

  •  Vyakuomvya Ciputulwa Cakuti Vya Kutandika Ukulanzyanya ni cakuti kuswililako 12

  •  Inzila Zyakusimikililamo 13

  •  Vya Kuomvya Mavidyo ni Mpapulo 14

•  Vino Swe Ina Klistu Twaaya 15-16

  •  Sambililo Lya Baibo pa Cilongano 16

•  Amazwi Aakuyalila Ukulongana 17

•  Kutaizya nu Kwazwa Umusambi 18

•  Insita 19

•  Kutandala Kwa Mwangalizi wa Ciputulwa 20

•  Mulungu wa Ukongano wa Ciputulwa Nanti wa Citungu 21

•  Mulungu Uno Kuli Iciusyo 22

•  Umwangalizi wa Kulongana Ukwakuti Swe Ina Klistu nu Mulimo Witu 23

•  Ceyamani wa Kulongana Ukwakuti Swe Ina Klistu nu Mulimo Witu 24

•  Kasunda Muiyele 25

•  Makalasi Yauze 26

•  Mavidyo 27

1. Ivyeo ivili muli fomu yii, vilaazwa yonsi aatiyakwata malyasi mu kulongana ukwakuti Swe Ina Klistu nu Mulimo Witu. Aali na malyasi yalinzile ukupituluka umu vyeo ivili mu Kabuku Kakuomvya pa Kulongana ni vili muli fomu kwene wii ivikulanda pi lyasi lyao lino yatatala yatandika ukupekanya lyasi. Ya kasimikila yonsi yangakomeleziwa ukuipeelesya ukulalanda malyasi aayasambi. Lyene yonsi aakazanwa ku kulongana yano yasi ya kasimikila, limwi yangapelwa ndi cakuti yaazumila ivisambilizyo vya muli Baibo nupya yaya ni miyele isuma ino Aina Klistu yalinzile kukwata. Umwangalizi wa Kulongana Ukwakuti Swe Ina Klistu nu Mulimo Witu, alinzile ukulanzyanya nu muntu atatala wabatiziwa ivikalondekwa pakuti uumwi atandike ukulanda amalyasi nupya alinzile ukumanyisya umuntu wiyo ndi cakuti watalinga. Nupya alinzile ukucita vii ala pali wino akamusambilizya Baibo (nanti avyazi yakwe ndi cakuti aya Nte). Ivikalondekwa pakuti umwi aalanda malyasi ivili vimwi ni vikalondekwa pakuti umwi aye akasimikila aatatala wabatiziwa.—od cipa. 8 pala. 8

2. Mineti wenga. Cila mulungu, apa cisila ca lwimbo ni pepo, ceyamani uwa kulongana kuu, alalanda vino amalyasi aali umu kulongana kwa mulungu uwo yali. Ceyamani alinzile ukulanda sile apa visinka ivingazwa sana amu cilongano.

 3. Lyasi: Mamineti 10. Umutwe wi lyasi umuli ivisinka viili nanti vitatu, alino nu mwakufumya ivyeo, ivilembwa umu Kabuku Kakuomvya pa Kulongana. Aalinzile ukupeelwa ilyasi lii, a eluda nanti umuomvi umulinge sana. Ndi cakuti mukutandika ibuku lipya umu kubelenga Baibo ukwa mulungu, kulaaya ukutamba vidyo iilalondolola panono ivyeo ivyaya umwi buku kwene lilyo. Umwina aakulanda ilyasi lii, angalondolola ivyeo ivili muli vidyo pakuti vyuvwane na vino umutwe wi lyasi uli. Lelo, alinzile kusininkizya ukuti walanda ivisinka vyonsi ivili umu kabuku. Nupya mu nsita kwene iyo, alinzile nu kulondolola ningo ivikope alino ni visinka ivikulangilila ivyeo ivimalandwa umulungu uwo. Limwi angikamo ni vyeo vyuze ndi cakuti ivyeo vivyo vikutungilila ningo ivisinka ivikulandwapo umwi ilyasi.

 4. Ukuvwikisya Sana Ivyaya Umu Malembo: Mamineti 10. Ilyasi lii i lya mauzyo na masuko ukwaula kulanda amazwi akutandikilako nanti akusyalikizya. Aalinzile kulanda ilyasi lii a eluda nanti umuomvi umulinge sana. Kalanda, alinzile ukuzya mauzyo yonsi ukwaula kusyako. Nupya alinzile kupingulapo ndi cakuti angabelenga ivikomo vyonsi nanti foo. Yonsi akwasukapo, yalinzile ukwasuka sile umu masekondi 30 nanti ukucepako.

 5. Kubelenga Baibo: Mamineti 4. Umonsi aalinzile ukulanda ilyasi lii. Umusambi alinzile ukutandika sile ukubelenga ukwaula ukulanda amazwi ali yonsi pa kutandika nanti pa kumaliila. Ceyamani wa kulongana alaikako sana amano ukukwavwa umusambi ukuti aabelenga ningo, aabelenga ivyuvwike, aalumbula ningo amazwi, aalinga iciunda, aaimilila apalinzile, alino nu kubelenga mu civyalilwa. Vino amalyasi ya kubelenga Baibo yamwi yakaya aipi alino yauze nayo yakaya aatali, mwangalizi wa Kulongana Ukwakuti Swe Ina Klistu nu Mulimo Witu alinzile ukulola ndi cakuti umusambi wino akulonda ukupeela ilyasi lilyo angakwanisya ukubelenga umu nsita ilinge.

6. Mamineti 15. Iciputulwa cii cayelako ukuti yonsi yakwata isyuko lya kusambilila ivya kulanzyanya ningo na antu lino ya kusimikila nu kusambilizya. Ndi cakuti icilinga ya eluda yangapelwa malyasi aayasambi. Cila musambi alinzile ukuombela pa cisinka cino watapelwa icifumile mu kabuku kakuti Mwasambilizya nanti mu kabuku kakuti Mwatemwa Antu cino yayalila muli tuu () mu kabuku kakuti Swe Ina Klistu nu Mulimo Witu. Insita zimwi, umu ciputulwa cii mulaaya ni lyasi lya kulanzyanya. Nupya aalinzile kulanda ilyasi lii a eluda nanti umuomvi umulinge sana.—Lolini  palaglafu 15 iikulanda pa vya kutungulula malyasi aakulanzyanya.

 7. Vya Kutandika Ukulanzyanya. Musambi umonsi nanti umwanaci aliwe alaapeelwa ukucita icilangililo cii. Ndi mwapeela umonsi ale kaazwa alinzile ukuya umonsi kwene nanti lupwa wakwe, nupya ndi mwapeela umwanaci ale kaazwa alinzile ukuya umwanaci kwene nanti lupwa wakwe. Yano yakucita cilangililo ndi yakulonda yangiikala nanti ukwimilila. Pakuti mumanyilepo na vyuze pali vino ilyasi lilinzile ukuya mulole  mapalaglafu 12 na  13.

 8. Kuswililako: Aalinzile ukulanda ilyasi lii lya yasambi umonsi nanti umwanaci. Ndi mwapeela umonsi ale kaazwa alinzile ukuya umonsi kwene, nupya ndi mwapeela mwanaci ale kaazwa alinzile ukuya umwanaci kwene. (km 5/97 ifwa 2) Umusambi na kaazwa wakwe yangikala nanti ukwimilila. Umusambi alinzile kulangilila sile vino tungacita ndi cakuti twaya kuli wino walondesyanga kusambilila lino twamusimikile pa muku wa fumako. Pakuti mumanyilepo na vyuze pali vino ilyasi lilinzile ukuya mulole  mapalaglafu 12 na  13.

 9. Mwapanga Asambi: Aalinzile ukulanda ilyasi lii lya yasambi umonsi nanti umwanaci. Ndi mwapeela umonsi ale kaazwa alinzile ukuya umonsi kwene, nupya ndi mwapeela umwanaci ale kaazwa alinzile ukuya umwanaci kwene. (km 5/97 ifwa 2) Umusambi na kaazwa wakwe ndi yakulonda yangikala nanti ukwimilila. Ciputulwa cii cilinzile ukulangilila ukuti isambililo lya Baibo lyatilitandika mpiti ukutungululwa. Aakulangilila ivya kutungulula isambililo atalinzile kulanda amazwi akuyulila nanti akuyalila, suka sile ndi cakuti akuombela pa cisinka kwene cico. Citakulondekwa ukubelenga ivyeo vyonsi vino musambi apeezilwe nanti icakuti insita zimwi avino cingaya.

 10. Mwalondolola Vino Mwazumilamo: Ndi cakuti lyaya ilyasi, ale umonsi aliwe alinzile ukulanda ilyasi lii lya yasambi. Lelo ndi cakuti icilangililo, ale umonsi nanti umwanaci aliwe alinzile ukulangilila. Ndi mwapeela umonsi ale kaazwa alinzile ukuya umonsi kwene, nupya ndi mwapeela umwanaci ale kaazwa alinzile ukuya umwanaci kwene. Umusambi alinzile ukuomvya umucenjelo pa kwasuka iuzyo kuomvya ivyeo ivili mu lupapulo luno iyalangilila. Lino umusambi akulanda ilyasi angasoololapo kuomvya ivyeo ivili mu lupapulo vino iyalangilila nanti foo.

 11. Lyasi: Aalinzile kulanda ilyasi lii umusambi umonsi nupya aalinzile ukulilanda kwati ilyasi ku cilongano. Ndi cakuti ilyasi lifumile mu vyeo na vyuze pa A mu kabuku kakuti Mwatemwa Antu, umusambi alinzile ukulanda pali vino vikomo ivili umwi lyasi lino watapeelwa vingaomviwa mu mulimo wa kusimikila. Wakwe limwi angalondolola lino icikomo cico cingaomviwa, upiliulo wi lembo, ni vya kulanzyanya na antu ilembo kwene lilyo. Ndi cakuti ilyasi lino akulanda ilifuma umu cisinka cimwi icaya mu kabuku kakuti Mwatemwa Antu, umusambi alinzile ukwika mano ku kulanda vino tungaomvya icisinka cico lino tuli mu mulimo wa kusimikila. Limwi angalanda pa cilangililo icili umu cisinka 1 icili mwi sambililo lino akuombelapo nanti ukulanda pa malembo aali mwi sambililo kwene lilyo, ndi cakuti vingazwa iumba.

   12. Vyakuomvya Ciputulwa Cakuti Vya Kutandika Ukulanzyanya ni Cakuti Kuswililako: Vyeo vili muli palaglafu yii vikulanda pali vino mungacita pa kuomvya ciputulwa cakuti “Vya Kutandika Ukulanzyanya” ni cakuti “Kuswililako”. Uyo uno umusambi alinzile ukukwata uwa kusimikila icumi ca muli Baibo mu nzila iyangupale kulingana na vino wino akusimikilako akulondekwa, nu kulanda ivyeo ivingalenga akwate pa kuyatandikila ukulanzyanya ku nkoleelo suka sile ndi cakuti yaminena ukuti mutacita vivyo. Musambi alinzile ukusoolola ilyasi kulingana ni nsita alino ni vikucitika ku ncende kuno akaikala. Angasoololapo ndi cakuti angapeela ulupapulo kuli wino akusimikilako nanti kumutambisya vidyo iyaya pa Viombelo Vino Tukaomvya pa Kusambilizya. Kucila ukucita icilangililo umuli mazwi yano umusambi watasungila, musambi alinzile ukulangilila inzila izyakulanzyanyizizyamo na antu, wakwe ukulanga ukuti itwika mano uku yantu nu kuvwanga wakwe vino tukavwanga lyonsi.

   13. Inzila Zyakusimikililamo: Umusambi alinzile ukuomvya inzila yakusimikililamo ino watapelwa kulingana na kuno akaikala. Wakwe:

1.  (1) Ku Ng’anda ni Ng’anda: Mu nzila yii yakusimikililamo mwaya nu kusimikila ku muntu ala muli pamwi nawe, kusimikila pa foni, nanti kumulembela kalata, alino nu kuswilila ku muntu wino twasimikile kucisila lino twasimikilanga ku ng’anda ni ng’anda.

2.  (2) Kusimikila Konsi Kuno Tuli: Inzila yii yakusimikililamo ikalondolola vino tungaomvya isyuko lino twakwata pakuti tusimikile umwi lyasi. Mu nzila yii, limwi mungaya nu kulanzyanya na umwi vimwi ivyaya muli Baibo lino muli uku ncito, ku sukulu, ku ina mupalamano, kuli yano muli nayo pa lwendo, nanti kuli konsi kuno tuli lino tukuomba imilimo imwi.

3.  (3) Kusimikila Ukukazanwa Antu Aingi: Mu nzila yii yakusimikililamo mwaya ukusimikila ukuomvya tu masitandi twa mpapulo, kusimikila umu ncende mukucitikila ivya uculuzi, kusimikila mu miseo, kusimikila muno aantu yakaizizya, kusimikila mukaimilila yamotoka, nanti kuli konsi kukazanwa antu.

 14. Vya Kuomvya Mavidyo ni Mpapulo: Musambi limwi angasoololapo ukutambisya vidyo nanti kupeela ulupapulo kulingana na vino ivintu vili. Ndi cakuti lyasi lino umusambi akweti muli ukutambisya vidyo, nanti ndi cakuti umusambi aliwe wasoololapo ukutambisya vidyo imwi, alinzile ukutambisya vidyo nu kulanzyanya na wino akusimikilako nomba atalinzile ukulizya.

15. Ndi cakuti ulwimbo ulwa kuyulila ciputulwa cii lwasila, umu mamineti 15 aaciputulwa cii, mulaaya ilyasi lyonga nanti yaili aalaavwa ali umwiumba ukulondela ivyaya umwi Zwi Lyakwe Leza. Malyasi yayo yalalandwa na ya eluda nanti aaomvi alinge sana, suka nga yati mutacita vivyo, lelo aalinzile kulanda ilyasi lya vikulondekwa pa cilongano aa eluda sile. Ndi cakuti ilyasi i lya kulanzyanya, umwina uwatapeelwa ilyasi lilyo angaipangila mauzyo umwi lyasi lyakwe lyonsi ukulunda pa mauzyo aalimo. Mazwi akutandikilako yalinzile ukuya anono pakuti insita ikulu iomviwe ku kulanda pa visinka vikalamba na pakuti aa mwi umba yalandepo. Ndi cakuti umwi lyasi muli ukuzya umwi pali vino vyamucitikile cingaya ningo ukuti uno yakuzya aye pa pulatifomu kucila ukumuzizya ala ali umwi umba ndi cakuti icilinga ukucita vivyo.

  16. Sambililo Lya Baibo pa Cilongano: Mamineti 30. Aalinzile ukutungulula a eluda umulinge sana. (Mu vilongano muno ya eluda yatavula, limwi yangaomvya aomvi alinge sana.) Iumba lyakwe ya eluda lifwile kusoolola wino angalinga kutungulula Sambililo Lya Baibo pa Cilongano. Yano yasoololwa ukutungulula yalinzile kusambilizya ningo pakuti yatapitilila mu nsita, yalinzile kulalandapo sana pa malembo aakukomya icisinka, nupya yalinzile ukulaavwa yonsi aali umwi umba kulalola vino yangasambililako ku vyeo vivyo. Nupya aatiyasololwa cingayazwa ndi cakuti yakupituluka umu vyeo ivikalanda pa mitungulwile ya malyasi umukaaya mauzyo na masuko. (w23.04 kambokosi pi fwa 24,) Nga mwamala ukusambilila iciputulwa consi ca kusambililamo umulungu uwo, mutalinzile ukutwalilila ukutungulula isambililo. Nga cingalinga, cila mulungu mungaaomvya ya katungulula na ya kabelenga apusanepusane. Ndi cakuti ceyamani wa kulongana, walanda ukuti mulinzile kwipimpazya isambililo lya Baibo pa cilongano, ale katungulula alinzile kulola vino amacita pakuti aipimpazye. Limwi angasoololapo kukanabelenga mapalaglafu yamwi.

17. Mamineti yatatu. Ceyamani uwa kulongana alaapituluka panono umu visinka ivingavwa icilongano ivyativisambililwapo. Alinzile ukulandako ni ivili umu mulungu ulondeliilepo. Limwi angiusyako na asambi aalalanda amalyasi umulungu ulondelilepo, nga kuli insita iyakucita vivyo. Ndi cakuti kuli ivyakumayisya ivikulondekwa sana nanti ukubelengelako aamu cilongano makalata yamwi, ceyamani kwene aliwe alinzile ukulanda ivintu vivyo pa nsita kwene ino akulanda amazwi aakuyalila ukulongana, manye ndi cakuti iyamunena ukuti atacita vivyo. Ivya kumanyisya ivikalondekwa lyonsi ivili wakwe kuya umu mulimo, utantiko wa mizifizye, mutalinzile kuvilandila pa pulatifomu lelo mulinzile sile ukwika pa cipampa ca vyeo. Ndi cakuti ivyakumanyisya alino na makalata akubelengela icilongano vitanga vilandwe umu nsita iyo, lyene ceyamani alinzile ukunena aina aali na malyasi umu ciputulwa cakuti Vino Swe Ina Klistu Twaaya, ukwipimpazyako malyasi yao. (Mulole  mapalaglafu 16 na  19.) Kulongana kulaasila nu lwimbo ni pepo.

18. Umu malyasi yano asambi yalaalanda, ceyamani wa kulongana alaaomvya sile mineti wenga uku kutaizya nu kwazwa umusambi api lyasi lyakwe, alaaomvya isambililo lino umusambi akuombelapo. Lino ceyamani wa kulongana akwama umusambi ukuti akalande ilyasi, atalinzile kulumbula icisinka pano umusambi akuombela. Lelo ndi cakuti umusambi wamala ukulanda ilyasi nupya ceyamani walanda na mazwi akumutaizya, ali lino angalumbula icisinka cino umusambi wali akuombelapo nupya angalanda nu umulandu uno umusambi wataombela ningo pa cisinka cico nanti ukulondolola mu cikuuku umulandu uno cingazipila ukuti umusambi akikisyeko sana mano uku cisinka kwene cico na vino angacita pakuti akacite vivyo. Ndi cakuti cikulondekwa sana ukwavwa umusambi nanti aamu cilongano, ceyamani angaomvyako ni cilangililo. Nupya, ceyamani angaomvya kabuku kakuti Mwatemwa antu, na kaakuti Mwasambilizya nanti ibuku li Sukulu pa kwazwa umusambi pa insita yuze pali vimwi ivingalenga ukuti aalanda ningo malyasi. Pakuti mumanye umulimo uno ceyamani uwa kulongana ukwakuti Swe Ina Klistu na kasunda muiyele yalaomba, mulole  mapalaglafu 19,  24, na  25.

19. Kusi ilyasi lino lilinzile kupitilila mu nsita, nanti a ceyamani wa kulongana kwene atalinzile ukupitilila umu nsita yakwe. Nanti icakuti mu Kabuku Kakuomvya pa Kulongana yalangilila insita ilinzile ukupitapo pali cila lyasi, nga kalanda walanda ilyasi mu nsita ilinge atalinzile ukwikamo ivyeo pakuti sile amalilile insita yatilangililwa mwi lyasi lyakwe. Ndi cakuti malyasi yapitilila umu nsita, ceyamani wa kulongana ukwakuti Swe Ina Klistu nu Mulimo Witu nanti kasunda muiyele yalinzile ukuya yasundila apa mbali. (Lolini  mapalaglafu 24, na  25.) Ukulongana konsi kulinzile ukusila sile pi awala lyonga na mamineti 45, umu nsita kwene ii ala muli nu kwimba inyimbo na mapepo.

20. Ndi cakuti umwangalizi wa ciputulwa watatandalila icilongano cinu, ukulongana kufwile ukuya vivikwene vino kutantikwe umu kabuku kakuomvya apa kulongana akakuti Swe Ina Klistu nu Mulimo Witu; kano sile api Isambililo Lya Baibo pa Cilongano umu ciputulwa icikuti Vino Swe Ina Klistu Twaaya, aali pano palaaya ilyasi lya mulimo ilya mamineti 30 ililaalandwa nu mwangalizi wa ciputulwa. Lino ilyasi lya mulimo litatala lyatandika, ceyamani wa kulongana, alaaya pa pulatifomu nu kupituluka umu malyasi ya wanda uwo alino nu kulandako ivili umu mulungu ulondeliilepo, angalandako ni vyakumanyisya ivikulondekwa nupya angabelenga na makalata akulondekwa ukubelenga, lyene pa cisila alaama umwangailizi wa ciputulwa. Ndi cakuti umwangalizi wamala ukulanda ilyasi lya mulimo, aliwe kwene alalanda nu lwimbo luno atasoolola umwineco pa kumalila ukulongana. Angama umwina muze ukuti apepe ipepo lya kusyalikizya. Umu mulungu wa kutandala ukwa mwangalizi wa ciputulwa, kutalinzile kuya makalasi na yauze umu lulimi luno cilongano cico cikaomvya. Iumba ilikaomvya ululimi luze lingaikwatila ukulongana na lino mwangalizi akutandalila cilongano cico. Nomba iumba lilyo lifwile kuwela kwi kalasi nu kwiza ikala mu vilimba apa nsita lino mwangalizi wa ciputulwa akulanda ilyasi lya mulimo.

21. Lino kuli ukongano wa ciputulwa nanti uwa citungu, kutalinzile ukuya kulongana kwa pa cilongano. Aa mu cilongano yalayamanyisya ukuti ivyeo vya kusambilila umu mulungu uwo, yalinzile ukuvisambilila uku ng’anda pa kupepa kwa lupwa nanti lino yakuisambilizya Baibo.

22. Ndi cakuti Iciusyo cili umu manda ya mukasi ka mulungu, ale kutalaya ukulongana kwa mukasi ka mulungu.

23. Eluda wino iumba lyakwe ya eluda lyasoolola aliwe alaaomba ngu mwangalizi wa kulongana ukwa kuti Swe Ina Klistu nu Mulimo Witu. Umulimo wakwe, u wakusininkizya ukuti ukulongana kuu uukupekanyiziwa ningo nupya kukupitika ukulingana ni vyativilondololwa muli fomu kwene ii. Alinzile ukulalanzyanya ningo sana na kasunda muiyele. Ndi cakuti twapokelela sile kabuku kakuti Swe Ina Kistu nu Mulimo Witu, umwangalizi wa kulongana kuu alinzile ukutantikila calimwi yonsi alalanda malyasi mu kulongana kwa mukasi ka mulungu pa myezi iili. Mu kucita vii muli nu ukutantika malyasi asi ayasambi, ya ceyamani yano iumba lyakwe ya eluda lyasoolola kumwi sile na malyasi ayasambi. (Lolini  mapalaglafu 3-16 na  24.) Lino akutantika malyasi ayasambi, alinzile ukwelenganya pa musinku wa musambi, vino wamanya, nanti ndi cakuti angayuvwa umuntungwa lino akulanda ilyasi lilyo. Vikwene avino alinzile ukucita na lino akutantika malyasi yauze aa mu kulongana. Mulinzile ukupeelela calimwi malyasi lino kucili imilungu nanti itatu pano yalalandila ilyasi. Fomu iyakuti Kupeelwa Ilyasi Umu Kulongana Ukwakuti Swe Ina Klistu nu Mulimo Witu (S-89) ilinzile ukuomviwa ku malyasi ayasambi. Mwangalizi wa kulongana ukwa kuti Swe Ina Klistu nu Mulimo Witu alinzile ukusininkizya ukuti utantiko onsi uwa kulongana kuu iukambatikwa pa cipampa ca vyeo. Iumba lyakwe ya eluda lingasoolola eluda muze nanti umuomvi akatumikila uwa kumwazwa. Lelo ya eluda sile aliyo yangaomviwa uku kutantika malyasi asi ayasambi.

24. Cila mulungu eluda wenga alaomba nga ceyamani umu kulongana ukwakuti Swe Ina Klistu nu Mulimo Witu. (Ndi cakuti ya eluda yataavula pa cilongano, aomvi alinge sana, yangaomviwa.) Ceyamani alaapekanya amazwi aakuyulila ukulongana na aakuyalila. Nupya aliwe alaama yonsi ali na malyasi, nupya umu vilongano umutavula sana ya eluda, angalaandako na malyasi na yauze kwene apa kulongana kuu, sana sana malyasi umuli mavidyo aakutambisya ukwaula ukulanzyanyapo pa cisila ca kutamba. Atalinzile kuvuzya ivyakulandapo lino kalanda wamala kulanda ilyasi. Iumba lyakwe ya eluda i lilasoolola ya eluda aangalinga ukuomba uceyamani. Ya eluda atiyalinga ukuomba uceyamani, yalalekanila cila mulungu. Insita zimwi, umwangalizi kwene uwa kulongana kuu aliwe angaaomba sana uceyamani ukucila ya eluda yauze nanti cakuti iyalinga. Ndi cakuti eluda atalinga ukutungulula Isambililo Lya Baibo pa Cilongano, ukwaula nu kutwisika eluda wiyo angaomba na uceyamani pa kulongana. Lelo, cino mulinzile ukwiusya i cakuti eluda wino wasoololwa ukuomba nga ceyamani wa kulongana alinzile ukutaizya nu kwavwa asambi akulanda malyasi nga icilinga ukucita vivyo, alinzile ukucita vivyo umu nzila isuma nupya alinzile ukuya nu kutemwa. Ceyamani alinzile nu kusininkizya ukuti ukulongana kukusila umu nsita. (Mulole  mapalaglafu 17 na  19.) Ndi cakuti pa pulatifomu pali incende, ceyamani nga kulonda angaikwatila maikulofoni pano akwamila ya kalanda ya malyasi pakuti wino akulanda ilyasi ndi yamwama sile, aya zuwazuwa pali maikulofoni yuze iikuomviwa kuli ya kalanda ya malyasi. Nupya ceyamani nawe kwene ndi akulonda angaikala apa pulatifomu kwene apali tebulo apa nsita ino musambi akubelenga Baibo nu mu ciputulwa cakuti Sambililini Kuomba Ningo Umulimo wa Kusimikila. Ukucita vivyo kungalenga ukuti ukulongana kutapitilila umu nsita.

25. Kwene cazipa sana ukuti eluda uwamanya ningo ukusambilizya aliwe aomba nga kasunda muiyele. Kasunda muiyele alaaomba umulimo uwa kwazwa ya kalanda ya malyasi pa mbali ndi cakuti icilinga ukuyavwa, alaavwa ya eluda na aomvi ndi cakuti yalanda ilyasi ilili lyonsi, kwikako sile na malyasi aali umu kulongana ukwakuti Swe Ina Klistu nu Mulimo Witu, amalyasi aayantu yonsi, ukutungulula nu kubelenga Lupungu Lwa Mulinzi nanti umwi Isambililo Lya Baibo pa Cilongano. (Mulole  palaglafu 19.) Ndi cakuti umu cilongano cinu mwaya ya eluda aingi aakalanda malyasi nu kusambilizya ningo, lyene cila mwaka ale kungaya ukuomvya eluda muze ukuti aliwe aye kasunda muiyele. Kwene asi lyonsi lino kasunda muiyele angaazwa aina lyonsi lino yalanda malyasi yao.

26. Ndi cakuti umu cilongano cinu mwaya asambi aingi aakalanda amalyasi, limwi mungakwata makalasi na yauze ukwakuti asambi yalandila malyasi. Cila kalasi lifwile ukukwata kasunda umulinge, cingazipa kasunda wiyo ukuya a eluda. Nga cingalinga, umuomvi umulinge sana angaomba. Iumba lyakwe ya eluda i lifwile ukusoolola aangalinga ukuomba nupya nanti citale uli atalinzile kuya aali umwi lyonsi. Kasunda alinzile ukulondela ivyativilandwa umu  palaglafu 18. Ndi cakuti kuli ukuomvya ikalasi na lyuze, aasambi ali umu kalasi lilyo yalinzile ukuya umu kalasi pa cisila ca ciputulwa cakuti Ukuvwikisya Sana Ivyaya Umu Malembo. Yalinzile ukuwelela pamwi nu musambi wakusyalikizya pa kulongana kuko.

27. Umu kulongana kuu, mulaaya nu kutamba amavidyo aalasoololwa ukuomviwa. Mavidyo aakuomvya pa kulongana kwa mukasi ka mulungu yalaaya pa JW Library® app nupya puloglamu ii ingazumila pa mafoni na matabuleti apusanepusane.

© 2023 Watch Tower Bible and Tract Society of Pennsylvania

S-38-MWL 11/23