U Mulandu ci Uno Antu Aingi Ndakai Yakailolela ukuti Yatacindama?
MULANDU UNO CACINDAMILA UKULAILOLA UKUTI MWACINDAMA
Antu aakalola ukuti yacindama yakakwanisya ukucimvya intazi zya mu umi. Yasitoovoka zuwa.
-
Ukulingana na vino yalondelezya, antu aasiilola ukuti yatacindama ilingi yakalwala ulwale wa mu melenganyo, kusakamala sana nupya imilile yao isiya ningo. Nupya cazanwa nu kuti antu yaa yakamwa sana uwengwa alino nu kuomvya imilembo ikavulunganya uongo.
-
Antu aakalola ukuti yacindama yasiilinganya kuli yauze, cii cikalenga yauvwana na antu yauze nupya yakakwata ucuza usuma na antu. Nomba antu aakailola ukuti yatacindama sana yene ilingi yakapusana na antu nupya cii cikalenga ucuza ukononeka.
-
Antu aakailola ukuti yacindama, yakatwalilila ukuya asipe na lino iyakwata intazi; yasileka ukuti intazi zilenge yafilwe ukufikilizya uyo uno imika. Nomba antu aakailola ukuti yatacindama sana nga yakwata ntazi yakalola kwati intazi iyo ikulu icakuti yatanga yakwanisye ukuimala. Cii cikalenga ukuti yatoovoke.
VINO MUNGACITA
Mwasoolola ya cuza aangamukomelezya. Mwazanwa na antu aya nu mucinzi, yano ika mano uku umi winu, nupya aangamukomelezya.
Mwaazwa yauze. Ndi cakuti muli ni cikuuku uku yantu yauze nupya mukuyacitila ivisuma kumwi na yano yatanga yamucitile icili consi, mulaya ni nsansa izikaiza pa mulandu nu kupeela. Mulaya ni nsansa nanti cakuti antu yauze yatisile mano uku visuma vino imucita
Mwaazwa ana inu ukulailola ukuti yacindama. Inzila yonga ino mungacitilamo vivyo, ukuleka ukuti ana inu yaimalila intazi zino yangakwanisya. Ukucita vii kulazwa ana inu ukumanya ivya kumala intazi. Nupya cii cilalenga ukuti yailola ukuti yacindama ndakai alino na lino yalakula.
VINO YA NTE YAKWE YEOVA YAKACITA PA KWAZWA ANTU UKULAILOLA UKUTI YACINDAMA
Ya Nte Yakwe Yeova yakaomvya ukulongana alino nu kusambilila Baibo pa kwazwa antu ukusenuka umu umi alino nu kulalola ukuti yacindama.
KULONGANA KUNO TUKAKWATA CILA MULUNGU
Pa kulongana kuno tukakwata cila mulungu, tukaipakizya ukukutika nu ku malyasi aakalanda pali vino vingatwazwa ukulalola ukuti twacindama. Pa kulongana kwitu tusilipilisya nupya aliwensi angazanwako. Vimwi vino mungasambilila pa kulongana aevi . . .
-
mulandu uno mwacindamila kuli Leza
-
mulandu uno mwayelako
-
vino mungacita pakuti mwakwata ucuza usuma nupya uusisila
Nupya mulazana ya cuza asuma ‘aakasakamalana.’—1 Kolinto 12:25, 26.
Pa kuti mumanyilepo na vyuze pali vino tukalongana, londini vidyo iipi iyaya pa jw.org iyakuti I Vyani Vikacitika pa Ng’anda ya Wene?
KUSAMBILILA BAIBO
Tukasambilizya antu Baibo uwila sile umwi buku lyakuti Mungaya ni Nsansa Manda pe! Mwi buku lii mwaya malembo aangamwazwa, ulondolozi, mauzyo asuma, mavidyo, alino ni vikope ivisuma. Vino tukasambilizya antu vikayazwa ukutandika ukulola ukuti yacindama alino nu kusenuka umu umi.
Pa kuti mulole vino ukusambilila Baibo na ya Nte Yakwe Yeova kungamwazwa, lolini vidyo iipi iyaya pa jw.org iyakuti U mulandu ci Uno Mulinzile Ukusambilila Baibo?
Limwi Mungatemwa Ukulolako na Vii
MASUKO KU MAUZYO AMULI BAIBO
Uzye Baibo Ikalandapo Uli pa Kuitemwa Wemwineco?
Yesu watiile: “Uwatemwa umuzo ndi vino waitemwa.” Uzye walozizye mwi?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
ABOUT US
Zanwako ku Kulongana Kwakwe ya Nte Yakwe Yeova
Zanini kuno tukalonganila na vino tukapepa. Yonsi angatemwa ukulongana naswe, kalibu sana napya kusiiya nu kupoka umutuulo.
