U Mulandu ci Uno Antu Yatacindikila Ulupwa Ndakai?
U MULANDU UNO UKUCINDIKA ULUPWA KWACINDAMILA
Ndi cakuti amu lupwa yali nu mucinzi, umu lupwa mukaya umutende.
-
Buku limwi (The Seven Principles for Making Marriage Work) lyalanda ukuti ndi cakuti atwalane yali nu mucinzi, yakalanga vino yatemwana “asi umu vintu ivikulu sile lelo nu mu tuntu tunono kwene.”
-
Ukulingana na vino yalondelezya, ana aakwata umucinzi uku yantu yauze yakayuvwa ukuti yacindama, yakakwata ucuza usuma na avyazi yao, nupya yasilwala sana indwala zya mu melenganyo.
VINO MUNGACITA
Mwaombela pamwi nu lupwa pa kutantika vino mulinzile ukucita. Cakutandikilako, mulinzile ukumanya vino cikapiliula ukuya nu “mucinzi.” Cakwe ciili, mwalemba vino yonsi amu lupwa yalinzile ukulacita alino na vino yatalinzile ukulacita. Cakwe citatu, mwalanzyanya ngu lupwa vino mwatantika pakuti yonsi amu lupwa yangamanya vino yangacita pakuti yalanga umucinzi.
Mwacita ivingalenga amu lupwa yamukolanya. Uzye mukapeela ya lupwa inu imilandu pali vino yakaluvyanya, ukuyaseka pa mulandu na vino yapingulapo, ukukanaikako mano lino yakulanda namwe nanti ukuyapumvyanya lino yakulanda?
Icingamwazwa: Mwaya nu mucinzi kuli yano mwatwalana nayo nanti icakuti mukulola ukuti yasikulondekwa ukuyacindika.
Mwaya nu mucinzi nanti icakuti mutazumilizyanyizye na auzo. Lino mukulanda vino mukuyuvwa, mutalanda mazwi wakwe “lyonsi avino ukacita” nanti “avino waya.” Amazwi ya musango uu yangasosya ya lupwa inu nupya yangalenga intazi inono ukukula.
VINO YA NTE YAKWE YEOVA YAKAAZWA AMU LUPWA UKUYA NU MUCINZI
Ya Nte Yakwe Yeova yakakomelezya amu lupwa ukuya nu mucinzi, yakalemba ivipande, mabuku, tumabuku, alino nu kupanga mavidyo aakalanda pi lyasi kwene lii, nupya aliwensi angaomvya ivintu vii uwila sile.
AATWALANE: Amalyasi aakaya umu ciputulwa cakuti “Ivingazwa Ulupwa” yangazwa ya iya na aci . . .
-
ukuya yakuvwa asuma
-
ukutandika ukulanzyanya nupya
-
ukuta ukupaazyanya
(Londini iciputulwa icakuti “Ivingazwa Ulupwa” pa jw.org)
AVYAZI: Amalyasi aakaya umu ciputulwa cakuti “Ivingazwa Ulupwa” yangazwa avyazi ukusambilizya ana yao . . .
-
ukuya ni cuvwila
-
ukulayazwa ukuomba imilimo ya pa ng’anda
-
Ukulalanda ati “nkulenga” nu kuti “nataizya”
(Londini ciputulwa icakuti “Kukuzya Ana Anono” ni cakuti “Kukuzya Ana Imisepela” pa jw.org)
Lolini ni vyeo vya kumpela, ivyaya umwi ibuku lyakuti, Amauzyo Yano Acance Yakauzya—na Masuko Angayazwa, ibuku 1. Apakuti “Mauzyo Yano Avyazi Yakauzya” (Pakuzana ivyeo mulembe muti “Questions Parents Ask” apa jw.org)
MISEPELA: Iciputulwa icakuti Misepela icaya pa jw.org cakwata ivipande, mavidyo alino na alino ni vintu vyuze ivingayazwa . . .
-
ukulauvwana na avyazi yao alino na ana yauze
-
ukuya nu mucinzi lino yakulanda na avyazi pa masunde
-
ukutailwa na avyazi
(Londini iciputulwa icakuti “Misepela” pa jw.org)
Mungaomvya webusaiti yakwe jw.org uwila sile. kusi ukulipila nanti ukulembesya, nupya mutakulondekwa ukutupeela ivyeo vya pa lwinu.
