Uwanda umwi nkazi uwa ku New Zealand watamvile vidyo iyapa jw.org iikalanda pali vino Yeova akauvwa nu kulanga uluse. (Eza. 63:​7-9.) Wezizye ukuomvya vino wasambilile lino wakweti isyuko ilyakwazwa umwi. Uwanda uwa kwene lino waile umukukala vimwi, wazanyile umwanaci aatakweti umwakwikala nupya wamuzizye ndi cakuti angamukalilako ivyakulya. Umwanaci wazumile. Lino nkazi wamupeelanga ivyakulya, wamusimikile ukuomvya kapepala ki landwe, akakati Uzye Ukucula Kulatala Kusile?

Umwanaci watandike ukulila. Walondolwile ukuti wakulile umu lupwa lwakwe ya Nte Yakwe Yeova, nomba wasile cumi apa myaka iingi. Lino nkazi wamusimikile, ala patalengile pano umwanaci wapepanga ukuti Yeova amwazwe ukuswilila kuli aliwe. Nkazi wapeezile umwanaci wii Baibo nu kutantika ukutandika ukusambilila nawe. a

Tungalanga uluse kuli yalupwa nu ku ina na ya nkazi umu cilongano wakwe vino Yeova akacita uku yantu yonsi. Nupya tungalanga uluse lino tukusimikilako yauze.