Tukapepa Yeova asi sile lino tuli pa kulongana, pa maukongano anono na akalamba lelo na lino tuli swenga alino nu lupwa. Lolini vimwi vino mungacita lino mukuisambilizya na pa kupepa kwa lupwa:

• Kupekanya ukulongana. Nupya mungasambilila ni nyimbo alino nu kwazwa amu lupwa yonsi ukupekanya ivyasuko.

• Kubelenga ilyasi limwi ilya muli Baibo. Pa cisila, mungalenga ivikope ivikulangilila ivyacitikanga umwi lyasi lilyo nanti ukulemba vino mwasambililako.

• Kubelenga api pepo limwi ilyalembwa muli Baibo, nu kwelenganya vino lingamwazwa ukuzifya amapepo inu.

• Kutamba vidyo pa jw.org nu kulanzyanya nu lupwa nanti ukulemba vino mwasambilila muli vidyo.

• Kupekanyizizya limwi ivya kusimikila, limwi mungalanzyanya na vino mungaya mukalande lino mukusimikila.

• Kulola uumbo nu kwelenganyapo nanti ukulanzyanya vino ukumisambilizya pali Yeova. a