Ee, ndi cakuti kwali vino yangacita pakuti yatalaala umu ng’anda iliimwi, komiti ya upinguzi ingapangwa ndi cakuti kuli usininkizyo wakuti kwacitiike upulumusi.​—1 Kol. 6:18.

Iumba lyakwe ya eluda lingapituluka muli vino vyacitiike pakuti yalole ndi cakuti komiti ya upinguzi ingapangwa. Limwi mungezya ukuzana masuko uku mauzyo wakwe yaa: Uzye aaizi umu ng’anda iliimwi yakalonda ukutwalana? Uzye yacelulwapo pali vino yakacita ndi yali yoili? I vyani ivyalenzile yalale umu ng’anda iliimwi? Uzye yapangine ukuti avino cimaya? Uzye kwali vino yangacita pakuti yatalaala umu ng’anda iliimwi, nanti uzye kutaali umwakulozya, limwi kwacitiike vimwi ivyaula ukwenekela nanti kwali ivyacitiike ivyalondekwanga ukuombelwapo zuwa icakuti yataakweti umwakulozya suka sile ukulaala umu ng’anda iliimwi? (Kasa. 9:11) Uzye imilaalile yaali uli? Pa mulandu wakuti ivikacitika vikapusana pusana, kungaya na vyuze vino ya eluda yangelenganyapo.

Ndi cakuti ivisinka vyamanyikwa, iumba lyakwe ya eluda lingapingulapo ndi cakuti yangapanga komiti ya upinguzi nanti foo.