Swensi kwene cikatutalila ukukwata insita ikulu iya kuisambilizya Baibo. Tungaomvya uli ningo insita ino tukakwata pa kuisambilizya? Ca nkoleelo, mwakwata insita ikulu iya kwelenganya pali vino mukubelenga. Mulaipakizya sana ndi cakuti mukuisambilizya ivyeo ivinono ukucila ukuisambilizya ivyeo ivingi pa nsita inono.

Mwalola ivicindame vino mungatandikilapo ukuisambilizya. (Efes. 5:15, 16) Vimwi ivingamwazwa ukucita vivyo aevi:

• Mwabelenga Baibo cila wanda. (Masa. 1:2) Mungatandikilapo ukubelenga Baibo ukuomvya utantiko uwa kubelenga Baibo uno tukakwata pa kulongana kwa mukasi ka mulungu.

• Mwapekanyizizya limwi Lupungu Lwa Mulinzi ulwa kusambililamo alino nu kulongana kwa mukasi ka mulungu. Mwapekanya ningo pakuti mungaca mwasukepo.

• Nga mwakwata insita, mwabelenga ya magazini, ukutamba mavidyo, alino ni vyeo vyuze ivikaya pa jw.org.

• Mwalondelezya ivyeo api lyasi lino imutemwa sana. Mungalondelezya ivyeo na pa ntazi ino mukweti, api iuzyo lino mwakwata, nanti pi lyasi limwi ilya mu Baibo lino mungatemwa ukuvwikisya. Pakuti mumanye na vyuze vino mungacita, pitulukini apa ciputulwa icakuti “Bible Study Activities” icaya pa jw.org.