LUPUNGU LWA MULINZI—LWA KUSAMBILILAMO Juni 2018
Muli Magazini wii muli vipande vya kusambililamo ukutandikila mu Mulungu wakwe Ogasiti 6 ukufika Sepetemba 2, 2018.
“Uwene Wane Usi Uwa Muno Nsi!”
Uzye vino Yesu wataalukanga uku vintu ivyaliko lino wali pano nsi vingatwazwa uli ukutaaluka uku vya miteekele ni ntazi zya mu wikazi?
Swensi Kwene Tuye Wenga Wakwe Vino Yeova na Yesu Yaya Wenga
Mungacita uli pakuti namwe mwazwilizye antu yakwe Leza ukuya alemane?
Auvwila Leza Nga Wamutemilwe
Ivyacitikile Leoboamu umwene wa Yayuda, vingatwazwa ukumanya vino Leza akalonda kuli sweswe wenga na wenga.
Lekini Kampingu Winu Aasambiliziwa na Masunde Yakwe Leza ni Visinte Vya Muli Baibo
Leza watupeela kampasi umupuma, nomba tulinzile ukusininkizya ukuti akututungulula umu nzila ino tulinzile ukuyamo.
“Mwaengesa wa Luswepo” Pakuti Mwalumbanya Yeova
Iivingi ivikalondekwa mu mulimo wa kusimikila.
LYASI PA UMI WAO
Nateekeziwe Kuli Vyonsi Ivyansakamikanga
Ya Edward Bazely yaakweti intazi mu lupwa, ukuyakaanya ukupepa, intazi zya pa lwao, nu kusakamikwa sana.
Umulandu Uno Ukulamuka Kwacindamila
Nanti sile ukulamukana panono kungalenga ivisuma ivingi ukucitika.
Uzye Mukwiusya?
Uzye mungasuka mauzyo yaa afumile likwene mu Lupungu Lwa Mulinzi?
