Uzye mwawelenga ningo ya magazini aafumile likwene aa Lupungu Lwa Mulinzi? Lolini vino mungasuka amauzyo aali apisika:

Ivintu ci 4 vino tungacita pakuti twaimba ningo?

Tulinzile ukwimilila ningo ala twatitukatusya ulwimbo mupela. Tulinzile ukufuuta ningo. Ndi cakuti tukuyula sana akanwa nu kwasama pa kwimba, tulaimba ni zwi ilyuvwike.—w17.11, ifwa 5.

I vyani vino mwatemwapo pali kuno kwayelile imisumba yakuzinamo mu Izlaeli alino ni miseo isuma sana iyakupitamo pa kuyako?

Kwali imisumba 6 iyakuzinamo mu izlaeli, alino ni miseo isuma sana iya kupitamo pa kuyako. Umuntu uwakoma umuze wali nu kuzana zuwa sana ukwakuzina.—w17.11, ifwa 14.

U mulandu ci uno impolelwa yakwe Yesu yayeela ali wila ucindame sana uno Leza watupeela?

Yalenga tukwate isyuko lya kutwalilila ukuya nu umi, nupya yalenga tukululwe ku luyembu ni mfwa. Pa mulandu wakuti Leza watemilwe ya mwana Adamu, wapekinye ukuti Yesu aize atufwile nanti icakuti sweswe yayembu.—wp17.6, mafwa 6-7.

Uzye Ilembelo lya Masamu 118:22 likalanda uli pa kuzyukuka kwakwe Yesu?

Yesu yamukanyile ukuti asi Mesiya nupya yamukomile. Fwandi pakuti aize aye “iwe lya pitungi,” walondekwanga ukututuluka.—w17.12, mafwa 9-10.

Uzye umutande wakwe Mesiya wapisile sile mu mayeli?

Insita zimwi umutande uwatungululanga kuli Mesiya wapitanga mu mayeli aonsi, nomba asi lyonsi. Davidi ataali iyeli lyakwe Yese, nomba Mesiya wafumile mu mutande wakwe Davidi kwene.—w17.12, mafwa 14-15.

I vyeo ci vimwi vimwi ivyaya muli Baibo ivingatwazwa ukuya nu umi usuma?

Masunde yakwe Mose yalanzile ukuti antu alwile amalwale yamwi yali nu kwikala yonga. Antu yaali nu kufulala iminwe ndi cakuti yalema icitumbi. Isunde lyatile usaali wa yantu wali nu kusumbwa ningo. Nupya lyalanzile nu kuti ukusilamulwa kwali nu kucitwa ndi cakuti akanya kakumanya amanda 8, cii cali nu kulenga kacingililwe pa mulandu wakuti ala lino uwazi watandika ukutimba zuwa.—wp18.1, ifwa 7.

U mulandu ci uno ukuitemwa mu nzila isuma kutaipila ku Mwina Klistu?

Tulinzile ukutemwa aina mupalamano itu wakwe vino twaitemwa. (Mako 12:31) Yaiya nayo yalinzile “yatemwa aci yao wakwe vino yatemwa mili yao.” (Efes. 5:28) Kwene insita zimwi ukuitemwa kutanga kuye ningo, kungayamo na kapatulula.—w18.01, ifwa 23.

I vyani vino tungacita pakuti twalunduluka muli vyakwe Leza?

Tulinzile ukuwelenga Baibo lyonsi, ukwelenganya pali vino tukuwelenga alino nu kulondela vivyo kwene vino tukusambilila. Nupya tulinzile ukuleka umupasi wa muzilo watungulula melenganyo ni myenzo itu nu kuitemelwa ukuuvwa ndi yauze yatulungika.—w18.02, ifwa 26.

U mulandu ci uno ukumanya ivintu ukuomvya intanda nu kusapoola visilangilila ivya cumi pali vino vilacitika ku nkoleelo?

Kwaya imilandu iingi, nomba umulandu ukalamba uwakuti Baibo yalesya ukuomvya ivintu vii vyoili kwene.—wp18.2, mafwa 4-5.

Uzye tulinzile ukucita uli ndi cakuti yamwi yatwama ku mwao?

Ndi cakuti twazumila ukuya kuno iyatwama, tulinzile ukwezya na maka ukucita vino twalaya. (Masa. 15:4) Tutalinzile ukukana ukuyako na lino pasi vya mpomvu ivingalesya. Pano ala limwi atiyatwama yaombisye pa kupekanya ivya kulya.—w18.03, ifwa 18.

I vyani vino aonsi asoontwe yangasambilila kuli Timoti?

Timoti wasakamalanga sana antu nupya wikanga uwene inkoleelo. Waombesyanga mu mulimo wakwe Leza, nupya waomvyanga vino wasambililanga. Watwalilile ukuisambilizya nu kutaila mupasi wakwe Yeova. Fwandi ya eluda na yonsi sile yalinzile ukumukolanya.—w18.04, mafwa 13-14.