Belengini Utandiko 37:​23-28; 39:​17-23 Pa kuti musambilile pali vino vyazwile Jozefu ukuzizimizya lino yamufyenzile.

Mwalola icikulandwapo. I cani icalenzile Jozefu yamufyenge? (Utan. 37:​3-11; 39:​1, 6-10) Uzye iciputulwa cii ica nsita icapisilepo ala Jozefu acili akuzizimizya intazi ii? (Utan. 37:2; 41:46) I vyani vino Yeova wacitiile Jozefu nupya i vyani vino atamucitiile pa nsita ii?—Utan. 39:​2, 21; w23.01 17 Pala.13.

Mwalondelezya sana. Baibo italandapo ukuti Jozefu waipokololanga lino muka Potifa wamubepizye ufi. Uzye amalembo alondelelapo yangatwazwa uli ukumanya icalenzile Jozefu aikale ukwaula ukuipokolola lino yamubepizye nanti umulandu uno tutalinzile ukumanyila vyonsi pali vino vyacitike? (Mapi. 20:2; Yoa. 21:25; Mili. 21:37) Imiyele cii ivyazwile Jozefu ukuzizimizya?—Mika 7:7; Luka 14:11; Yako. 1:​2, 3.

Mwamanya vino mukusambililako. Muyuzye mweineco muti:

• ‘Pa mulandu wakuti nene musambi wakwe Yesu uwa cumi ulufyengo cii luno ndinzile ukwenekela?’ (Luke 21:​12, 16, 17; Heb. 10:​33, 34)

• ‘I vyani vino ndinzile ukucita ndakai ivilangazwa ukuzizimizya ulufyengo?’ (Masa. 62:​7, 8; 105:​17-19; w19.07 2-7)