Ndakai tukwikala umu manda yano Yeova akutwazwa ukuvwikisya ulondolozi wa muli Baibo ukucila vino cali mpiti. (Dan. 12:4) Nanti ciye vivyo, insita zimwi cingatutalila ukuvwikisya ulondolozi upya uwa malembo. Aekwi kuno tungazana ivyeo ivipya nu ulondolozi?

• Muli Watch Tower Publications Index apa mutwe wakuti “Ukwalula Ulondolozi wa Malembo” paya amalyasi akalanda pali vimwi ivyasenuka aatantikwa ukulingana ni myaka. Pakuti mulole amalyasi ayapo, lembini muti “ukuvwikisya ulondolozi” (ukwikako nu tumanyililo utukulangilila ukuti amazwi yaa iyambulwa) umu kambokosi ka kulondela ivyeo akaya pa Watchtower Laibulale nanti Watchtower LAIBULALE WA PA INTANETI^™.

• Umwi buku lyakuti Ibuku Ilya Kwazwa Inte Zyakwe Yeova Ukulondelezya Ivyeo mwaya amalyasi aipi aatantikwa ukulingana ni mitwe. Yangini apakuti “Ya Nte Yakwe Yeova,” lyene muye apakuti “Vino Yakalola Ivintu na Vino Yazumilamo,” alino muye apakuti “Ukwalula Ulondolozi wa Malembo.”

Lino mukuisambilizya, uzye mutange musoolole ukuisambilizya apa ulondolozi upya nu kulondelezya umu vyeo ivipya alino nu kulola imilandu ya mu malembo iyatilenga kuye ukusenuka kuko?