Avyazi yakwata umulimo ukulu uwa kusambilizya ana yao pali Yeova. (Efes. 6:4) Iuvi likako iviombelo ivingi ivyakwazwa avyazi. Mungaviomvya uli ukukwazwa ana inu?

• Lolini ivingamwazwa. Pa JW.ORG mungazanapo ivyeo ivingazwa alumendo na akazyana, wakwe amavidyo na pano ana yangalemba. a Pakuti muzane vii, yangini apakulondela ivyeo alino mulembepo “Ana” nanti “Alumendo na Akazyana”.

• Sololini ivingazipila ana inu. Pa ciputulwa cakuti “Ana” mungasoololapo mavidyo, inyimbo alino na vyuze ivingazipila ana inu. Pakuti muzane iviputulwa vii, yangini apakuti “Vyakucita Ivipusanepusane.”

• Mwalanzyanya na ana inu. Mutasila sile ana inu ukutamba mavidyo nanti ukulemba ivyeo. Lelo mwalanzyanya nayo nu kuyazwa ukukomya ucuza wao na Yeova.