Nga yatamipatapo, ale mufwile mwalolapo yamwi yano yapata. Ilingi tukalola antu yano yapata pa mulandu ni mpanga kuno yafuma, inkanda, nanti pa mulandu wakuti aonsi nanti anaci. Na cii calenga ukuti mauteeko iikeko masunde angayazwa ukucefyako ulupato.

Ilingi antu yano yapata nayo yakapata yauze, na cii cikalenga ukuti ulupato lwatwalilila ukukulilako.

Limwi yatala yamifyengapo, ukumipata pa mulandu na vino mwaya, ukumizewanya, ukumituka, alino nu kumitiinya. Lelo ulupato lwene lwacila na pali vii. Ilingi lukalenga ukuti antu yacuzya auze, ukupanga ivyongo, ukucisa auze, ukupanga nayo icupo uku maka, alino nu kukoma yauze.

Magazini ii imaasuka mauzyo alondelelapo nupya imatwazwa ukulola vino tungacimvya ulupato:

• U mulandu ci uno ulupato lwavulila?

• Tungacimvya uli ulupato?

• Uzye ulupato lulatala lusile?