LUPUNGU LWA MULINZI Na. 3 2021 | Vino Mungacita Pakuti Mukaye nu Umi Usuma Uku Nkoleelo

LIZYINI

Vipande ivili muli magazini ii, ivilanda pa vintu ivipusanepusane vino antu yakaelenganya ukuti i vingayazwa ukuti yakaye nu umi usuma. Nupya vimamwazwa ukulola inzila ino mungasoolola pakuti mukaye nu umi usuma.

Antu Yonsi Yakalonda Ukucingililwa

Lino ivintu vyaula ukwenekela vyacitika, utunguluzi ci ungamwazwa?

I Vyani Ivikalanga Vino Umi Winu Ulaya Uku Nkoleelo?

Antu aingi aakapendoola ukuomvya intanda, ukusaapoola, ukupepa ivikolwe, ukwikako sile na azumila umu kutuutulukila umu cintu cuze, yakaelenganya ukuti kwaya amaka yamwi aasiloleka aakatungulula vino umi wao ulaya uku nkoleelo.

Uzye Amasambililo ni Mpiya Vingalenga Mukaye nu Umi Usuma?

Antu aingi aingi yazana ukuti umu kusambilila sana nu kukwata ivyuma mukafuma ivintu ivyaula ukwenekela.

Uzye Ukuya Umuntu Musuma Kungalenga Umwi Akaye nu Umi Usuma?

Ukuya umuntu umusuma kwacindama, nomba ukuya sile viyvo asi ukungalenga umwi akaye nu umi usuma uku nkoleelo.

I Cani Cingatwazwa Pakuti Tukakwate Umi Usuma ku Nkoleelo?

Ilingi nga tukulonda ukupingula pali vimwi tukauzyako umuntu uwikolo pali sweswe nupya uwamanya ivintu ukutucila. Umu nzila ili imwi kwene tungazana utunguluzi utailwe pakuti tukaye nu umi usuma ku nkoleelo.