UKWASUKA MAUZYO AMULI BAIBO

Uzye i cumicumi Yesu watuutulwilepo antu?

Baibo ikati Yesu watuutulwilepo antu. Malyasi yaa asi tulai sile; yaacitikile umu vifulo ivyayako nupya pa nsita izyamanyikwa. Umu nsita ya cisanya umu mwaka wa 31 C.E., iumba ilikalamba lyapitanga pamwi na Yesu ukufuma uku Kapenaumu ala yakuya uku musumba wa Naini. Lino yafisile uku Naini, yazanyile iumba nalyuze. Mungataila ukutuutuluka ukwacitike pa nsita ii pano kwalembwa muli Baibo, nupya kwacitike ala antu aingi yakulolako.—Welengini Luka 7:11-15.

Nupya Yesu watutulwile Lazalo, uwafwile pa manda 4. Mungazumila ukuti i cumicumi cintu cii cacitike pano napo kwene paali antu aingi aaweniko.—Welengini Yoane 11:39-45.

U mulandu ci uno Yesu watuutulwilanga antu?

Yesu watuutululanga antu pano uvwilanga antu yaayo uluse. Nupya wacitanga vivyo ukulanga ukuti Isi, Kaumba wa umi, wamupezile amaka pa mfwa.—Welengini Yoane 5:21, 28, 29.

Malyasi aakalanda pali vino Yesu watuutululanga antu yakatulenga ukuya nu usininkizyo wakuti vyonsi vino walaya vilafikiliziwa. Alatuutulula antu aingi cuze, ukwikako sile na aatalungama aataamanyile nanti cimwi pali Leza wa cumi. Antu yaayo yalapeelwa isyuko lya kumanya Yeova nu ku mutemwa.—Welengini Milimo 24:15.

Pakuti mumanyilepo navyuze, lolini cipande 7 umwibuku lii, Uzye Baibo Ikasambilizya Ukuti Uli? ilyapangwa na ya Nte Yakwe Yeova

Mungaliwelenga na pa www.pr418.com

[Cikope apifwa 32]

Yesu watuutulwile Lazalo, uwali umufwe pa manda 4