Ukuya Cuza Wakwe Leza Ali Cintu Cicindame Sana Umu Umi
ILYASI LYAKUTANDIKILAKO | MUNGAPALAMA KULI LEZA
Ukuya Cuza Wakwe Leza Ali Cintu Cicindame Sana Umu Umi
Uzye mungacita uli pakuti muye cuza wakwe Leza? Itusambilila pa vintu ivitantikwe apisika ivingamwazwa ukuti muye cuza wakwe Leza:
1. Ukumanya alino nu kuomvya izina lyakwe Leza ilyakuti, Yeova.
2. Ukulanzyanya na Leza ukupitila umwipepo nu kusambilila Baibo.
3. Ukwezya na maka lyonsi ukucita ivikazanzya Yeova.
Uzye ndi mwelenganya pa vintu kwene vii, mungati mukacita ivikalondekwa pakuti muye cuza wakwe Leza? Uzye pali mumwi muno mukwelenganya ukuti mulinzile ukuzifya? Icisinka icakuti, cikalondekwa ukuombesya, nomba mwaya ivintu ivisuma umu kucita vivyo.
Ya Jennifer aakaikala uku United States yaalanzile yati, “Ukuombesya pakuti umwi aye cuza wakwe Leza, i cintu icisuma sana. Muli ucuza wa musango uwo mwaya ivintu ivisuma ivingi: ukutaila sana Leza, ukumanya ningo vino Leza waya, ni cacindamisya, u kutemwa sana Leza. Ukuya cuza wakwe Leza ali cintu cicindame sana umu umi!”
Ndi mukulonda ukuya cuza wakwe Leza, ya Nte Yakwe Yeova yalatemwa ukumwavwa ukucita vivyo. Yangapekanya ukuti mwasambilila Baibo nayo, ukwaula ukumulipilisya. Nupya mwemwe yantungwa ukuzanwa pa kulongana kwao pano yakasambilila Baibo apa Ng’anda ya Wene iyayela ukupiipi nu kumwinu. * Ndi mukucita vii, namwe mulaayuvwa vino kalemba wa masamu walanzile ati: “Nemo natemwisya ukukupalamila, we Leza!”—Masamu 73:28.
[Futunoti]
^ pala. 9 Pakuti mulenge ukusambilila Baibo nanti ukuzana Ing’anda ya Wene iyayela uku piipi nu kumwinu, muce mulande na wino wamuletiile magazini wii nanti mukalole pali Webu saiti witu uwa, www.pr418.com, muce muyule apa mutwe wakuti, TUNENINI VINO MUKULONDA, uwayeela apisika.
[Cikope api’fwa 7]
Mwapalama kuli Leza ukupitila umu kuomvya izina lyakwe, ukupepa kuli aliwe, ukusambilila Baibo, nu kucita ivintu ivikamuzanzya
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
