Ukwasuka Mauzyo Amuli Baibo
U mulandu ci uno tulinzile ukwiusizya imfwa yakwe Yesu?
Uzye imfwa yakwe Yesu yaleenga ukuti ivintu vikaye uli uku nkoleelo?
Imfwa yakwe Yesu cali icintu icicindame sana icacitike—wafwile pakuti umi wa yantunze ukaye wakwe vino ulinzile ukuya. Umuntu ataumvilwe ukuti aelenganya pa kucita iviipe, ukulwala, nanti ukufwa. (Utandiko 1:31) Nomba iifyo lingile umu nsi ukupitila umu muntu wenga, Adamu. Yesu wapeezile umi wakwe pakuti atutuule ukwi ifyo ni mfwa.—Welengini Mateo 20:28; Loma 6:23.
Leza walangiliile ukuti watutemwa lino watumile umwanakwe pano nsi ukwiza tufwila. (1 Yoane 4:9, 10) Yesu waneenyile alondezi yakwe ukuti yaiusya imfwa yakwe ukuomvya umukate na waini. Ndi tukucita vii cila mwaka ala tukulanga ukuti tukataizya sana pa kutemwa kuno Leza na Yesu yaatulanga.—Welengini Luka 22:19, 20.
Uzye aaweni aalinzile ukulya umukate nu kumwa waini?
Pa muku wakutandikilako lino Yesu waneenyile asambi yakwe ukuti yaiusya imfwa yakwe, walanzile pa upangano, nanti ukuzumilizyanya. (Mateo 26:26-28) Calenzile ukuti asambi na antu yauze anono sile yaye ni syuko lya kwizaya yakateeka nupya ya simapepo pamwi na Yesu ukwiyulu. Nanti icakuti antu aingi wakwe cimwi yakazevya imfwa yakwe Yesu, aakalya umukate nu kumwa waini a yaayo sile aaya umu upangano.—Welengini Umbwilo 5:10.
Apiipi ni myaka 2,000 iyapitapo, Yeova akaasoolola yaayo aalaya yakateeka. (Luka 12:32) Icipendo ca yantu yaa icinono sana ndi twacilinganya kuli yaayo aalikala manda pe pano nsi.—Welengini Umbwilo 7:4, 9, 17.
Limwi Mungatemwa Ukulolako na Vii
PALI SWESWE
Ciusyo ca Mfwa Yakwe Yesu
Ya Nte Yakwe Yeova yakumwama ukuti mukize mukazanweko ukukuzevya imfwa yako Yesu pa 12 Epulelo, 2025.
MASUKO KU MAUZYO AMULI BAIBO
U Mulandu ci Uno Yesu Wafwilile?
Antu aingi yamanya ukuti Yesu wafwile pakuti tuye nu umi. Nomba i visuma ci ivikacitika pa mulandu wa mfwa yakwe Yesu?
MAUZYO YANO ANTU YAKAUZYA SANA
U Mulandu ci Uno ya Nte Yakwe Yeova Yakazevezya Icakulya ca Manguzi Ica Mwene Umu Nzila Ipusane na Vino Amu Mipepele Yuze Yakazevya?
Icikaamwa nu kuti Icakulya ca Manguzi Ica Kusyalikizya nanti Iciusyo ca mfwa yakwe Klistu, ya Nte Yakwe Yeova yacindika sana Iciusyo. Sambililini pali vino Baibo ikalanda.
