Antu aingi yasilonda ukulauvwila Leza pa mulandu wakuti yakalola ukuti aakalenga ukuti yacula.

Intunguluzi izingi izya mu mipepele zikasambilizya antu umukulungatika nanti umu kukanamanya ukuti Leza aakalenga twacula. Wakwe, yamwi yakalanda ukuti:

• Leza akafulula antu ukuomvya amazanzo akuiponela.

• Ana yakafwa pano Leza akalonda angeli aingi ukwi yulu.

• Leza akatungilila inkondo—i zikalenga antu ukulacula sana.

Uzye icacumi ukuti vino intunguluzi zya mu mipepele zikasambilizya pali Leza ivya ufi? Uzye tulinzile ukutaila vino yakasambilizya?

Leza asilenga ukuti twacula.

Ndi cakuti aakalenga twacula, ale capusana ni miyele isuma ino Baibo ikalanda ukuti wakwata. Wakwe:

“Ivicitwa vyakwe vyaya ivifumaluke. . . . Wene akacita sile ivilungame.”—MALANGO 32:4.

“Pasi pano Leza asicita icintu iciipe, awe. Wamaka yonsi asifyenga umuntu foo.” —YOBO 34:10.

“Wamaka yonsi atange afyenge umuntu.” —YOBO 34:12.

Leza akaakanya imipepele iikasambilizya ivya ufi pali aliwe.

Pa mipepele iyo paya ni mipepele ikasambilizya ukuti Leza aakalenga twacula, ni mipepela ikatungilila inkondo nu unkalwe.

“Yakasema yayo yakusema sile vyaufi umwi zina lyane. Asi nene nayatumile, awe. Ntayapile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.” —YELEMIYA 14:14.

Yesu Wasokolwile Usomvi Wakwe Yasimapepo.

“Asi muntu wensi akangama ati, ‘Mwene, Mwene’ alingila mu wene wa mwi yulu, suka sile yao akacita kulonda kwakwe Tata uwa mwi yulu. Pa wanda ulya uwa upinguzi, aingi yalavwanga kunondi yati, ‘Mwene, Mwene uzye asi mwi zina lyako amuno twakosololelanga? Uzye asi mwi zina lyako amuno twafumizizye mipasi yankota, nu kucita ivinjelengwe?’ Lyene nani ndayanena paswe inti, ‘Ntamumanyile, fumini pano, mwe yakacita ya viipe.’”—MATEO 7:21-23.