Pa 3 Epuleo, 2021, Baibo wa Malembo ya Nsi Ipya Aa Cigiliki Aa Ina Klistu wafumile umu Cimambwe-Lungu aangabelengwa pa komputa nanti pa foni na pa viombelo ivikolineko. Umwina Albert Musonda uwaya muli Komiti ya Musambo Umu Zambia, wafumizye Baibo yii muli puloglamu ikopelwe limwi ino ya kasimikila umu Zambia nu ku Tanzania yaatamvile. Cimambwe-Lungu cikalandwa na ya kasimikila 2,531 mu Zambia alino na ya kasimikila 325 umu Tanzania, kuno camanyikwa nu kuti i Cifipa.

Iumba lyakwe ya kasenula yatatu yaomvile umulimo uu pa mwaka onga ni myezi 9. Kasenula wenga walondolwile ukuti yamwi yazana ukuti Baibo wa Cimambwe-Lungu uwayako mpiti wakoma sana ukubelenga pano mwaya amazwi ampiti sana. Ukulozya kuli Baibo wii uwatafuma umupya uwa Malembo ya Nsi Ipya, kasenula muze walanzile ukuti: “Muli Baibo wii muli mazwi yano antu yakaomvya cila wanda.”

Tusikutwisika ukuti upe uu usuma ukufuma kuli Yeova, ulaazwa antu aingi aakabelenga Cimambwe-Lungu ukuipakizya ukubelenga izwi lyakwe Leza.—Masamu 1:2.