Kulingana na vino Baibo ikalanda, Mwene Davidi wa mu Izlaeli waliko umu myaka yakwe ya 1100 B.C.E. nupya na amu mupanda wakwe yateesile pa myaka iingi. Nomba yamwi yakakana ukuzumila ukuti Davidi akuno wali, yakalola ukuti ilyasi lilyo i lya ufi nanti akalai sile kano antu yakasimikilako yauze. Uzye i cacumi Umwene Davidi akuno wali?

Mu 1993, wino akazikula vintu vya mpiti, Avraham Biran alino na auze yano akaomba nayo yazanyile akampilinsya ki iwe ku Tel Dan, ku katutu ka mpanga ya ku Izlaleli, api iwe lilyo palemvilwe ukuti “Ng’anda Yakwe Davidi.” Amazwi yayo yalemvilwe mu vilembo vya ci Semitic nupya vyalemvilwe mu myaka yakwe ya 900 B.C.E na.800 C.E Cimpilinsya ci iwe lilyo cisilwe na pa cikuulwa ca kwiusizyapo asilika acimvizye aina Izlaeli mu ulwi icakuziilwe na Aramaeans.

Cipande cimwi mu lupapulo lwakuti Bible History Daily calondolola ukuti: “yamwi yakatwisika vilembo vino yazanyile ivyakuti ‘Ng’anda Yakwe Davidi’. . . Lelo aingi asambilila sana Baibo alino na yano yakazikula ivintu vya mpiti yazumila ukuti vino yazanyile api iwe lya ku Tel Dan vikangilila ukuti cumi kwene Umwene Davidi uwalumbulwa muli Baibo akuno wali, fwandi uu waya u sininkizyo onga ucindame pa mausininkizyo yano yalembwa mu mabuku yamwi [Biblical Archaeology Review].”