Uzye Baibo Ikalanda Ikuti Uli pa Koca Icitumbi mu Moto?
Vino Baibo yalandapo
Baibo italanda mu kulungatika pa koca vitumbi mu moto. Nupya kutaya isunde ilililyonsi ilya muli Baibo ilyalanda pa kuzika nanti pa koca afwe.
Baibo yalanda pa yaomvi yakwe Leza azikanga antu yao afwanga. Abulaamu waombisye sana pakuti sile azane incende isuma iyakuzikamo umuci Sala.—Utandiko 23:2-20; 49:29-32.
Baibo yalumbulapo antu ya utailo aocanga ivitumbi ivyasyalangako. Lino Umwene Saulo na ana yakwe yatatu aonsi yakomilwe mu ulwi, ivitumbi vyasile mu ncende ya yalwani yao nupya yavizewanyizye sana. Lino aina Izlaeli yuvwile ivyacitike, aonsi ya ulwi acisinka yaile yasenda ivitumbi vyakwe Saulo na ana yakwe, nu kuvyoca nupya ivyasile yavizisile. (1 Samueli 31:8-13) Baibo ikalanda ukuti inzila ii iyakuzikilamo aonsi yaa, yali izumiliziwe.—2 Samueli 2:4-6.
Ivya ufi ivyaseeka vino antu yakalanda pa koca ivitumbi mu moto
Ivya ufi: Ukoca icitumbi mu moto kusiilanga mucinzi.
Icisinka: Baibo ikalanda ukuti antu akafwa yakasanguka ulukungu, vikwene ivikacitika ku citumbi consi ndi caola. (Utandiko 3:19) Ukoca vitumbi mu moto kukalenga umwili ukupya zuwa uusanguka itwi nanti ulukungu.
Ivya ufi: Muli Baibo, antu sile atali acumi kuli Leza ayano yocanga mu moto ndi yafwa.
Icisinka: Ivitumbi vimwi ivya yantu atali acisinka kuli Leza, wakwe Akani nu lupwa lwakwe yavyosile mu moto. (Yoswa 7:25) Nomba nanti ciye vivyo, litaali isunde. (Malango 21:22, 23) Wakwe vino itulandapo mpiti, ni mili ya antu aali acisinka kuli Yeova, wakwe Yonatani umwana wa Mwene Saulo, yayocanga mu moto ndi yafwa.
Ivya ufi: Umuntu ndi yamoca mu moto Leza atanga ace aize amutuutulule.
Icisinka: Ukulozya ku kutuutululwa kwa yafwe, kutaya iciliconsi icingalesya Leza ukuzyula afwe, asi mulandu citumbi ca muntu yacizika, yacoca, capongela muli yemba nanti caliwa ku nyama. (Umbwilo 20:13) Uwa Maka Yonsi angaumba nu mwili wa muntu cipya cipya.—1 Kolinto 15:35, 38.
Limwi Mungatemwa Ukulolako na Vii
MASAMBILILO AA MULI BAIBO AACINDAME
Uzye Afwe Yaaya Uli?
Baibo yatulaya ukuti uku nkoleelo antu aingi sana yalatuutuluka, wako vino cali kuli Lazalo.
MASUKO KU MAUZYO AMULI BAIBO
Uzye Ukutuutululwa Kuli Kuti Uli?
Mungazunguka sana nga mwamanya antu yano yalatuutululwa ukuya nu umi uku nkoleelo.
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.