Ufi: Leza watandike Isabata lino wapuziile pa wanda uwalenga 7.

 Icisinka: Baibo ikati: “Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.” (Utandiko 2:3, Amazwi Yakwe Leza) Umu cikomo cii mutaya masunde ku yantu lelo amazwi pali vino Leza wacitile pa wanda uwalenga 7 lino wamala ukuumba. Baibo italandapo aliwensi uwalondelanga isabata lino Mose atatala wapeela masunde.

 Ufi: Aina Izlaeli yalondelanga Isunde li Sabata ala yatali yapokelele Masunde Yakwe Mose.

 Icisinka: Mose wanenyile aina Izlaeli ukuti: “Yeova Leza witu wapangine upangano naswe pa Mwamba wa Holebu,” impanga iyazingulwike Umwamba wa Sinai. Umu upangano uu mwali ni sunde lya kulondela Isabata. (Malango 5:2, 12) Ivyacitikilanga aina Izlaeli pa wanda wi sabata vyalangilila sile ukuti yatasunganga isabata lyonsi. Ndi cakuti aina Izlaeli yalondela isunde li sabata uku cisila lino yali umu Eguputo, uzye isabata nga lyaiusyanga uli uku kululwa kwao ukufuma umu Egupto wakwe vino Leza walanzile ukuti avino cali nu kuya? (Malango 5:15) U mulandu ci uno yanenyilwe ukukanasoola mana pa wanda walenga 7? (Kufuma 16:25-30) Nupya u mulandu ci uno yatamanyile vino yangacita umuntu uwatandikilepo ukutama isunde lya kusunga Isabata?—Mpendwa 15:32-36.

 Ufi: Isabata upangano utalinzile ukuputuka fwandi sabata lilinzilwe ukusungwa.

 Icisinka: Mabaibo yamwi yakalanda api Sabata ukuti “upangano wa manda pe.” (Kufuma 31:16, King James Version) Nomba izwi lya Ciyebulai ilyasenulwa ukuti “amanda pe” lingapiliula nu kuti “ukufika pa nsita imwi itamanyikwe uku nkoleelo” cisikupiliula ukuti amanda pe. Baibo ikaomvya izwi ilililimwi ukukulondolola pali usimapepo wa mu Izlaeli uno Leza watiile ukuomvya imyaka 2000 iyatipita.—Kufuma 40:15; Ayebulai 7:11, 12.

 Ufi: Aina Klistu yalinzile ukusunga Isabata pano Yesu wasunganga Isabata.

 Icisinka: Yesu wasunganga Isabata pano wali Umuyuda, uwalondekwanga ukuvwila Masunde Yakwe Mose. (Galatiya 4:4) Lino Yesu wafwile, Isunde lii ilya upangano ukwikako ni li Sabata vyafumiziwepo.—Kolose 2:13, 14.

 Ufi: Paulo wali Umwina Klistu nomba wasunganga Isabata.

 Icisinka: Paulo wingile umu ng’anda ya mapepo pa wanda wi Sabata, nomba wene atasunzile Isabata pamwi na Ayuda. (Milimo 13:14; 17:1-3; 18:4) Lelo walondile intambi izyaliko pa nsita iya lino wasimikile ilandwe lisuma umu mang’anda ya mapepo, pano yakalanda aenyi yayamanga ukuti yangakomelezya yonsi akongine. (Milimo 13:15, 32) Paulo wasimikilanga “cila wanda” asi api Sabata sile.—Milimo 17:17.

 Ufi: Isabata lya Ina Klistu likayako pa Mulungu.

 Icisinka: Muli Baibo mutaya isunde ilyalanda ukuti Aina Klistu yalinzile ukupeela insita yao ikulu apa wanda wa pa Mulungu uku kupuuza nu kupepa. Aina Klistu akutandikilako, uwanda wa pa Mulungu wali uwanda wa kuomba wakwe vino yacitanga uku manda yauze. Baibo ya The International Standard Bible Encyclopedia yalanzile ukuti: “Muli ya 1300 ali muno yatandike ukucita ivintu vino yakacita pa kusunga isabata pa wanda wa pa Mulungu, lino [imipepele ya ufi iyali umu mpanga ya Loma] Constantine wapeezile isunde lyakuti imilimo imwi italinzile ukuombwa pa wanda wa pa Mulungu.” a

 Nomba tungalanda uli pa vipande vimwi ivikaloleka kwati vikalanda ukuti uwanda wa pa Mulungu u wanda uiyele? Baibo ikalanda ukuti umutumwa Paulo walilile pamwi na Ina Klistu yauze “pa wanda wakutandika mulungu,” kuli kuti pa Mulungu, nomba ukucita vii kwali sile ningo pano uwanda uwali nu kulondelelapo Paulo wali nu kupita. (Milimo 20:7) Vivyo kwene avino cali nu ku vilongano vyuze, yayanenyile ukusunga impiya “pa wanda wakutandika mulungu,” kuli kuti pa Mulungu, izyali nu kuomba uku mulimo wa kwazwa yauze, nomba litali isunde yali nu kuipingwila aineco. Imisangulo yasungilwanga uku ng’anda itaali nu kutwalwa kuno yalonganilanga.—1 Kolinto 16:1, 2.