Nanti icakuti Baibo italanda ivingi pi lyasi lii, italesya ukuzwala iviyembelo,ukuipenta umwili, alino nu kuomvya ivintu vyuze ivyakuiemvyezyako. Nomba ukucila ukwika sana mano kuli vino umuntu akaloleka ukunzi, Baibo ikakomelezya “kukwata myenzo ifuke nupya itekele”—1 Petulo 3:3, 4.

•   Anaci ya Utailo Alembwa Muli Baibo Yaiyemvyanga. Labeka, wino Isaki umwana wakwe Abulaamu watwazile, wazwalanga iyelena lyakwe zaabu pa mpuno, tubango, alino ni viyembelo vyuze ivya mutengo vino wapokeelile kufuma kuli wino wali nu kwizaya isi vyala. (Utandiko 24:22, 30, 53) Munzila ili imwi kwene, Esita nawe waomvyangako “ivyakuiyemvya” pa kuipekanyizizya limwi pa mulimo uno wali nu kukwata uwakuya namwene waku Pesya. (Esita 2:7-9, 12) Umukuiyemvya kuu, mwali nu kuomvya ivintu ivili wa “mafuta ni vintu vyuze ivyakwika pa manso” nanti “imisango yuze iya vintu vyakuipentela.”—New International Version; Easy-to-Read Version.

•   Baibo Ikaomvya iviyembelo lino ikulanda pa kupingula ningo pa vintu. Wakwe, umuntu akapeela ukupanda mano kusuma waya wa “maelena yakwe zaabu.” (Mapinda 25:12) Leza wakolinye vino watungululanga uluko Lwa Ina Izlaeli kuli iya akayemvya na winga wakwe nu tubango, ukasi wa munsingo, alino na maelena. Iviyembalo vii vyalenzile uluko ‘kuyemba wakwe cimwi.’—Ezekelo 16:11-13.

 Ufi: Ivyacitikile Yezebele namwene umwipe vyalangilile ukuti ukuomvya ivyakupentela umu manso nanti ‘kupenta ivipa,’ kutazipa.—2 Yamwene 9:30.

 Icisinka: Yezebele, uwakweti uwanga nupya uwakomanga antu, yamupingwilile pa viipe vino wacitanga, asi pa mulandu na vino walolekanga.—2 Yamwene 9:7, 22, 36, 37.