ACANCE YAKAUZYA UKUTI
Ningacita Uli Ndi Cakuti Anji Yansosya?
Vino ulinzile ukumanya
Kutaya ya cuza aasikwata intazi. Vino tutamalilika, na cuza witu uwaya ningo nanti sile ali wensi wino tukulola ukuti acuza witu sana, angalanda nanti ukucita vimwi ivingatusosya. Nupya nawe kwene utamalilika. Ukulanda sile cisinka, uzye utanga uwiusye insita imwi ino nawe wasosizyepo umwi?—Yakobo 3:2.
Intaneti ingalenga uwasoka zuwa. David uwa mwaka 15 walanzile ukuti: “Ndi cakuti uli pa intaneti nupya walola ukuti umuzo wataikapo icikope cino wali ku kumwi kuno izizyanga pamwi, kukaya kutandika ukwelenganya ukuti umulandu ci uno nemo yatangamiileko. Ungatandika ukuyuvwa ukuti auzo iyakusenuka nupya ungasoka.”
Ungasambilila ivya kucimvya intazi.
Vino ungacita
Waiceceta. Baibo ikati: “Mutasoka zuwa, pano ukukwata kaikila uwelewele.”—Kasambilizya 7:9.
“Insita zimwi cikazanwa ukuti ivyali vyakusosya vitalondolwike nu kulondoloka.”—Alyssa.
Vino ulinzile ukwelenganyapo: Uzye ukasoka zuwa? Uzye ungasambilila ivya kuomba na antu aatamalilika?—Kasambilizya 7:21, 22.
Mu kwelela yauze mukafuma amapaalo. Baibo ikati: ‘Cazipa ukusuula imilandu.’—Mapinda 19:11.
“Asi mulandu watukwata ivya kuilizyanya, ulinzile ukwelela nu kwililako, nupya utalinzile ukutwalilila ukuilizyanya nu kuleka uwakusosizye alenga uwelelo lyonsi lino wailizyanya pali vino wakucisile. Ndi cakuti wamwelela uwaililako.”—Mallory.
Vino ulinzile ukwelenganyapo: Uzye ivyativicitika ivicindama sana? Uzye ungelela uwatakusosya pakuti paye mutende?—Kolose 3:13.
Ukuilizyanya lyonsi pa ntazi zino mukakwata muli ucuza winu kungaya kwati u kuyulayula icisaasa nu kuleka umuza uzuke waingila mu muputule umwatimukaya
Ulinzile ukulangulukilako umuntu uwatakusosya. Baibo ikati: “Mutacita vingamuzipila mwenga sile lelo mwacita vingazipila na auzo kwene.”—Filipi 2:4.
“Ndi cakuti muli ucuza winu muli sana ukutemwa nu mucinzi ucuza ukakoma icakuti kukaya nu kumala zuwa intazi pano ala mwaombesya sana muli ucuza winu. Nupya mutanga mutemwe nu kuuponzya.”—Nicole.
Vino ulinzile ukwelenganyapo: Uzye utanga ulole nanti ivisuma vimwi muli vino umuzo akalola ivintu?—Filipi 2:3.
Icisinka icicindame: Ukumanyila limwi ivya kumala intazi ya kusoka zuwa kulakwazwa ndi wakula. U mulandu ci uno utanga usambililile ukucita vivyo likwene?
Limwi Mungatemwa Ukulolako na Vii
MAVIDYO YAKWE TUKADOLI TWAKULENGA
Uzye Cuza wa Cumi Waya Uli?
Ya cuza ya ufi yatatala ukuzana, nomba uzye ungacita uli pakuti uzane cuza wa cumi?
MASUKO KU MAUZYO AMULI BAIBO
Uzye Ukwelela I Cani?
Baibo yatunena ivintu 5 vino tungacita pa kwelela umwi.
