Awe. Ya Nte Yakwe Yeova yazumila ukuti Leza waumvile ivintu vyonsi. Lelo tutazumila ukuti ivintu vyaumvilwe umu manda 6. U mulandu ci? Pano vino aingi asambilila pa miumbilwe ya vintu yakasambilizya vyapusana na vino Baibo ikasambilizya. Lolini ivisinka vii viili:

1.   Vino amanda 6 aakuumba ivintu yaatalimfile. Antu yamwi azumila pa vya uumbo yakati cila wanda mu manda yaaya 6 alandwa muli Baibo wali u wa maawazi 24. Nomba Baibo nga yalanda apa “wanda” ala ikulozya uku nsita iitali, asi wanda uwa maawazi 24.​—Utandiko 2:4; Masamu 90:4.

2.   Imyaka ino insi iikala. Aazumila pa vya uumbo yakasambilizya yakuti insi iikala sile imyaka mazimbi anono sile. Nomba ukulingana na Baibo insi nu lwelele vyaliko lino manda 6 aa kuumba ivintu yatali yatandike. (Utandiko 1:1) Fwandi ya Nte Yakwe Yeova yasikaana vino ya sayansi acumi yalondelezya nu kuzana uku insi ikala imyaka mabilyoni.

 Nanti cakuti ya Nte Yakwe Yeova yazumila umu uumbo, yasikaanya vyonsi vino ya sayansi yakalanda. Twazumila ukuti vimwi vino ya sayansi yakasambilizya i vya cumi napya na Baibo yavilandapo.