Uzye ya Nte Yakwe Yeova a Ina Klistu?
Ee. Ivyalondela apisika i vyalenga tusininkizye ukuti sweswe Ina Klistu:
Tukalondela sana vino Yesu Klistu wasambilizyanga alino na vino wacitanga vintu.—1 Petulo 2:21.
Twazumila ukuti Yesu aliwe angalenga kuti tukapusuke, “pano muno nsi yonsi kusi zina na lyuze lino Leza wapeela kuno tuli lyakuti tutuulilwemo.”—Milimo 4:12.
Antu akaaya ya Nte Yakwe Yeova yakawatiziwa umwi zina lyakwe Yesu.—Mateo 28:18, 19.
Tukapepa mapepo kuli Leza umwi zina lyakwe Yesu.—Yoane 15:16.
Twazumila ukuti Yesu ali Mutwe, kuli kuti aliwe wapeelwa maka pa onsi yonsi.—1 Kolinto 11:3.
Lelo umu vintu ivingi sile, swemo twapusana ni mipepele yuze ino ikaamwa ukuti a Ina Klistu. Conga cino twapusanamo i cakuti swemo twazumila ukuti Baibo ikasambilizya ukuti Yesu u Mwana wakwe Leza, ataaya a Leza wa muli ya Leza yatatu. (Mako 12:29) Tutazumila nu kuti umuntu ndi wafwa kwaya cimwi cikasyala icipuma umu mwili, nupya twazumila ukuti pataaya pano Baibo yalanda ukuti Leza akafulula antu mu moto usizima, nanti ukuzumila ukuti intunguluzi zya mipepele zilinzile ukupeelwa mazina alumbuke pakuti zicile auze.—Kasambilizya 9:5; Ezekelo 18:4; Mateo 23:8-10.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye ya Nte Yakwe Yeova Yazumila Muli Yesu?
Sambililini mumanye umulandu uno ukuya nu utailo muli Yesu kwacindamila ku Ina Klistu ya cumi.
MAUZYO YANO ANTU YAKAUZYA SANA
I Cani Cino Ya Nte Yakwe Yeova Yasiomvezya Umusalawa pa Kupepa?
Nanti cakuti sweswe Ina Klistu, tusiomvya umusalawa pa kupepa. U mulandu ci?
ABOUT US
U Mulandu ci Uno Mulinzile Ukusambilila Baibo?
Baibo ika-azwa antu aingi sana umu nsi yonsi ukuzana masuko ku mauzyo acindame sana. Nga mwemo mutanga mutemwe?
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.