LISOMU LA 10

Mikutanu Jaka Mashahidi Bika Yehova Jiwesa Kugunufaisha Bole?

INA

Bo, awaiki kugualika guhuzulia nkutanu gwaka Mashahidi bika Yehova? Ana ngaseguwaiki kuhuzuli, pangi gwibya na wasiwasi paagualika guhuzuli kwa mala ja kwanza. Pangi gwalilalukya: ‘Ndo ki sekihengeka mu mikutanu heje? Ndaba jaki mikutanu heji ndo muhimo? Ndaba jaki mbaswa kuhuzulia?’ Mulisomu lende gwalibola jinsi mikutanu heji ejiwesa kugunufaisha nukugujangati gubya nu uhusianu gwa pambipi ngani pamu na Mungu.

1. Ndaba jaki kubi muhimu ngani kuketangana pamo?

Mwandikaji fulani jwa Bibilia jwalogula sababu ju muhimu ngani jukuketangana pamu, jwapwaga: “Mulikutaniku likolongu, nansifwa Yehova.” (Zaburi 26:12) Ahelahela aka Mashahidi bika Yehova atogule ngani kuketangana pamu. Pundema powa, bombi aketangana kila wiki ili kunsifu Mungu, kujemba, nu kusali. Kila mwaka, bombi aketangana mala chache muikundi ikolongu ngani ili kunhabudu Mungu.

2. Gwalibola ki mumikutanu jito?

Mu mikutanu, twe tulibola lilobi lika Mungu, “[tulifafanu] waziwazi nu kuelesa maana jaki.” (Soma Nehemia 8:8.) Anaguhuzuli mikutanu, gwalibola kunhusu Yehova na sifa yaki yeipendesa. Pagulibola gingi kuhusu jinsi ejugupaili, ndo egwizidia kuba nu uhusianu gwa pambipi pamu naku. Kabe gwalibola jinsi ejuwesa kugujangati gubya na maisha gagalizisha.—Isaya 48:17, 18.

3. Gwinufaikabo kukushilikiana na bangi mu mikutano?

Yehova jutulagalaki “tufikiliana ili kuchocheana katika upalani na matendu gasapi, bila kukotoka kuketangana pamu.” (Waebrania 10:24, 25) Katika mikutanu jitu, gwiketangana na bandu baapalini sana ambabu, kama gweapa, apala kulibola gingi kunhusu Mungu. Gwaajogwa bakalongalya mambu gagajege mwoju kuhuma Mmbibilia. (Soma Waroma 1:11, 12.) Kabe gwaamanya bangi ba awesiki kukabiliana na matatisu gaga apata bandu baapungiki ndoa au ambabu ngaseapungiki ndoa. Heyi ndo baazi ya sababu isokopi yeifanya tupwata liagizu lika Yehova lu kuketangana ku ukawaida!

HEMBA NGANI

Libola mambu gagahengeka mu mikutanu jaka Mashahidi bika Yehova na kwa ndaba jaki kubi muhimu tulikasa kuhuzuli mikutanu heji.

4. Mikutanu jaka Mashahidi bika Yehova

Katika kalne ja kwanza, Akristo baketangana ku ukawaida ili kunhabudu Yehova. (Waroma 16:3-5) Soma Wakolosai 3:16, halafu nndongalya liswali lende:

Akristo ba kalne ja kwanza bunhabudua Yehova jinsi bole?

Lelenu, Akamashahidi bika Yehova aketangana ku ukawaida mu maeneu gabu giibada. Ili kugabona mambu gagahengeka mu mikutanu, langia KIDEU. Halafu, nndinga picha ji mikutanu jejibi mu ukulasa gongo nu kulongale maswali ganga.

KIDEU: Ki Sekihengeka mu Lijumba lu Ufalme? (2:12)

Gugabonika mambu bo mu lijumba lu Ufalme ga agalogwi mu Wakolosai 3:16?
Libi lijambu bo lelugupendisi mu kideu au picha kuhusu mikutano?

Soma 2 Wakorintho 9:7, halafu nndongalya liswali lende:

Ndaba jaki ngakuba malepu gikiingiliu mu mikutanu jaka Mashahidi bika Yehova?

Sungusa pamu na mwalimu jwaku mambu gabilongalya mu mikutanu wiki jenze.

Guwasali gwitogulya au kunufaika ngani na sehemu bo jimikutano?

Bo, gumanyike?

Mu jw.org, guwesa kupata mahali na wakati ambagu ahenga mikutanu pundema pani powa.

Mikutanu jitu jijege nkati otuba, maigizu, ni ideu. Mikutanu jianza nu kujomoka ku nhambu na sala
Katika sehemu ji mikutanu baadhi ja bahudhuli ba akalibisha kuboa maelesu
Bandu bowa baakalibisha—babi na familia, waseja, ba asejiki, na bana
Nga malepu wala kiingiliu wala sadaka ye akusanya mu mikutanu jaka Mashahidi bika Yehova

5. Jitihada jihitajika ili kuhuzuli mikutanu

Holalya hali ejabi mu familia jika Yesu. Kila mwaka, ajendika kumasoba kazaa umbali gwa kilometa 100 ana mwiitombi kuhuma Kunazaleti hadi Kuyelusalemu ili kujenda mulihekalu. Soma Luka 2:39-42, halafu nndongalya maswali ganga: