LISOMU LA 11

Jinsi Eguwesa Kunufaika Ngani Pagusoma Bibilia

INA

Bo, guwahiki kuhisi kwamba kubi ngumu kuanza kasi fulani ngolongo? Kabla jukuanza kasi heji, pangi gujibaginisa mu isehemu isoku isoku ili jiba lahisi kujikamilisha. Ndo ekubi kabe kuusu kusoma Bibilia. Pangi gulilaluki, ‘Nianzila kwako?’ Mulisomu lende, twisungusa mambu lahisi gaguwesa kuhenga ili gutogulya kusoma nu kulibola Bibilia.

1. Ndaba jaki tutakiwa kusoma Bibilia ku ukawaida?

Mundu jojusoma Bibilia au “shelia ika Yehova” ku ukawaida, jwiba na laha na jwitenda kufanikiwa. (Soma Zaburi 1:1-3.) Guwesa kuanza kukusoma Bibilia kwa dakika isokopi kila lisoba. Kadili eguzidi kulimanya lilobi lika Mungu, ndo egwitogulya ngani kusoma Bibilia.

2. Ki sesagujangatya gunufaika pagusoma Bibilia?

Ili gunufaika ngani pagusoma Bibilia, guitaji kujema kidogu nu kuholale mambu gagusoma. Gutakiwa kujisoma nu ‘kutafakali.’ (Yoshua 1:8, maelesu ga pai) Pa gusoma, lilalukya maswali kama ana: ‘Abali jenze jimbundisa ki kunhusu Yehova Mungo? Najitumia bo mu maisha gango? Niwesa bo kujitumi misitali jenu kwajangati bange?’

3. Guwesa bo kutenga wakati gukusoma Bibilia?

Bo, kubi vigumu kwaku kupata muda gukusoma Bibilia? Bingi bitu ahisi hela. Jikasa kutumi ‘sapi ngani wakati gwaku.’ (Waefeso 5:16) Guwesa kuhenga hela kukutenga wakati hususa gukusoma Bibilia kila lisoba. Baazi ja bandu atenga muda gukusoma Bibilia mapema asubuhi. Bangi apala kusoma mchana, pangi wakati gwa sakula su mchana. Na bangi asoma Bibilia pajioni kabla ju kugone. Gubi wakati bo gogwa gulengania gwenga?

HEMBA NGANI

Libola jinsi eguwesa kutogule kusoma Bibilia. Kabe, linga jinsi eguwesa kujianda sapi ili gunufaika ngani pagulibola Bibilia.

Kama pe etulibola kuipala yakula ya aina mbalimbali, nikabe tuwesa kulibola kutogule kusoma Bibilia

4. Libola kutogule kusoma Bibilia

Pangi nga laisi kuanza kusoma Bibilia. Hata hela, tuwesa ‘kukoa hamu’ ju kuhenga hela, kama pe mundu ejulibola kuyobale laza ja sakula kinyai. Soma 1 Petro 2:2, halafu ndongalya liswali lende:

Bo, guholale gwajisoma Bibilia kila lisoba, gwitogulya na gwibya na hamu jukuendale kujisoma?

Langia KIDEU ili gubona bandu fulani ebaanza kupala kusoma Bibilia. Halafu ndongalya maswali gagapwata.

KIDEU: Akakombu Bilibola Kulipala Lilobi Lika Mungu (5:33)

Mukideu hesi, bi ishinda changamotu bole?
Ki sesajangatya kuendale kukasi lilengu labu lu kusoma Bibilia?
Bahenga ki ili atogulya ngani kusoma Bibilia?

Madokezu ga jinsi ju kuanza:

Sagula tafsili jejitegemeka na jejieleweka ku ulahisi. Tumia Tafsiri ya Ulimwengu Mpya kama ana jipatikana mu luga jino.
Anza kusoma sehemu ye yuguhuti ngani. Ili kupata mapendekezu, linga chati “Gu Anza Kusoma Bibilia.”
Andika oloza ya sula ye gusomiki. Tumia “Chati ja Lekodi Jaku ju Kusoma Bibilia” jejibi mulichapishu lende.
Tumia ploglamu ja JW Library^®. Guwesa kutumi ploglamu heji kusoma nu kupelakane Bibilia koni gubi mahali pokapi, kukutumi simu au kifaa sengi si kielektroni.
Tumia nyongeza jejibi mu Tafsiri ya Ulimwengu Mpya. Jibi lamani, chati, na kamusi ambayu iwesa kugujangati gutogulya ngani kusoma Bibilia.

5. Jiandia kabla jukulibola Bibilia

Soma Zaburi 119:34, halafu ndongalya liswali lende:

Ndaba jaki kubisapi kusali kabla ju kusoma Biblia au pagujianda kulibola Bibilia?

Guwesa kunufaika bo ngani na kila kipindi sukulibola? Paguanda lisomu fulani mukitabu senzenu, lenga kutumi indela jejipwata:

Soma mafungu ga kwanza gilisomu heli.
Soma maandiku gaalogwi, nu gusungusa jinsi hegahusiana na abali heji.
Beka alama mu manenu au mafungu gimanenu gagajibu kila liswali; kuhenga hela kwagujangatya pandongale lisomu heli pamu na mwalimu jwaku.

Bo, gumanyike?

Aka Mashahidi bika Yehova atumi tafsili mbalimbali ya Bibilia. Hata hela, tupendale hasa Biblia Takatifu—Tafsiri ya Ulimwengu Mpya kwa sabu jibi sahihi, jibi laisi kujielewa, ni jitumi liina lika Mungu.—Linga makala jejibi mu ntandau, “Bo, Aka Mashahidi Bika Yehova abi na Bibilia Jabu Bene?”

BANDU FULANI APWAGA: “Kulibola Bibilia jibi kasi ngumu ngamaa. Mala hingi nguba nzokiki na ngasemi na muda gukulibola.”

Gwe gubi ni maoni bole?

MUHTASALI

Ili gunufaika ngani na Bibilia, panga latiba jukujisoma, salila ili gugaelagwa mambu gagusoma, na gujiandia kabla ja kila kipindi su kulibola Bibilia.