LISOMU LA 12

Ki Sesagujangatya Guendalya Kulibola Bibilia?

INA

Kulibola Bibilia kubi kama safali. Hata hela, ibi changamotu. Wakati gongi, pangi gubi na shaka ana mbaka guendele kulibola Bibilia. Ndaba jaki kubi muhimu kuendele kujikasa? Ki sesagujangatya guendalya licha ja changamoto?

1. Ndaba jaki kulibola Bibilia libi lijambu muhimo?

“Lilobi lika Mungu libi lyomi na libi ni makili.” (Waebrania 4:12) Bibilia jibi na thamani kwasabu jiyeku mawasu na hisia ika Mungu kugueleke. Jugujangati kupata ujuzi, litumaini, na hekima ja sakaka. Lijambu lu muhimu kubi kwamba Bibilia jugujangati guba gu nkosi juka Yehova. Pagulibola Bibilia gugaluhusu makili gaki gafanya maisha gaku gabya bola.

2. Ndaba jaki kubi muhimu kuimanya thamani ya kweli ya Bibilia?

Kweli yeibi Mmbibilia ibi kama azina yeibi na thamani. Ndo sababu Bibilia jutujege mwoju ‘tulomba kweli na twilombesa kamwe.’ (Methali 23:23) Patuimanya thamani ya kweli ya Bibilia, tujikasa kuendele kulibola hata tukabili changamotu.—Soma Methali 2:4, 5.

3. Yehova juwesa kugujangatibo guendalya kulibola?

Kwa kuwa jwombi ndo muumba juwesa-yowa nu nkosi jwaku, Yehova jupala kugujangati gulibola kunhusu. Jwagupekia “hamu ni makili gukutenda.” (Soma Wafilipi 2:13.) Basi, ana wakati gongi gukosa hamu jukulibola au kupwata mambu ga gulibola, juwesa kugujangati. Juwesa kabe kugupeke makili gukushinda changamotu nu upinzani. Salila kuka Yehova ku ukawaida koni gundoba jugujangatya guendalya kulibola Bibilia.—1 Wathesalonike 5:17.

HEMBA NGANI

Linga jinsi eguwesa kuendale kulibola Bibilia licha ja kuba na shuguli hingi au pagukabili upinzani kuhuma kwa bangi. Halafu holalya jinsi Yehova ejuwesa kugujangati guendalya kulibola.

4. Hakikisa kwamba kulibola Bibilia libi lijambu muhimu kwaku

Wakati fulani pangi guhisi gubi na shuguli hingi ngani hivi kwamba ngasegubi na wakati gu kulibola Bibilia. Ki sekiwesa kugujangatila? Soma Wafilipi 1:10, halafu nndongalya maswali ganga:

Guholale gabi mambu bo gagabi “muhimu ngani” mu maisha?
Guwesa kuhenga ki ilikulibola Bibilia libya lijambu muhimu kwako?

Anagubei nsangi nndoo alafu gulenga kujonzuke imabu, imabu ngagikubi ni nafasi jukutosa
Anagulonguki imabu hoti mundoo gwiba ni nafasi ju kujonzuke nsangi. Ahela he, anagulonguki “mambu muhimu ngani” mumaisha, gwiwesa kugatimisa ni kabe gwiba na muda gu kuhenga mambu gangi

Kulibola Bibilia kutimisa uhitaji gwitu gu kiloho, yaani, uhitaji gwitu gu kummanya nu kunhabudu Mungu. Soma Mathayo 5:3, halafu nndongalya liswali lende:

Twinufaika bo ana twibona kulibola Bibilia kuba lijambu muhimu mumaisha gito?

5. Endalya kulibola licha ju upinzani

Wakati gongi, pangi bandu alenga kugutunu mwoju gukotuka kulibola Bibilia. Linga mfanu gwaka Francesco. Langia KIDEU, halafu nndongalya maswali gagapwata.

KIDEU: Jwapata Balaka Kukuhinakali (5:22)

Mu kideu hesi, familia na akakosi bika Francesco batenda bo pa jwapwagila mambu gajwaba julibolike?
Jwanufaika bo kukuendele kulibola Bibilia?

Soma 2 Timotheo 2:24, 25, halafu nndongalya maswali ganga:

Akakosi na bandu ba familia jaku ahisi bo kuhusu mambu gagulibola?
Kulengana ni mistali aje, gutakiwa kuhenga ki ana mundu fulani ngase jutogule kugubona gulibola Bibilia? Ndaba jakike?

6. Guntegamya Yehova jugujangatya

Patuendale kunhegale Yehova, ndo tamaa jitu jukunfulahisha ejizidi kujonzukeka. Hata hela, kuwesa kuba ngumu kuhenga mabadiliku mumaisha ili kutama kulengana ni iwangu yaki. Gwikata tamaa anaguhisi hela. Yehova jwagujangatia. Langia KIDEU, halafu nndongalya maswali gagapwata.

KIDEU: Yehova Jutujangati Kuhenga Mabadiliku (3:56)

Mu kideu hesi, Jim jwahenga mabadiliku bo ili anfulaisha Yehova?
Ki sesuguhutila kuhusu mfanu gwake?

Soma Waebrania 11:6, halafu nndongalya maswali ganga:

Yehova jwahengila ki ba “antaputa kwa bidii,” yaani, ba ajikasa kummanya nu kuhenga mambu gagunfulahisha?
Heli ligupundisa ki kuhusu jinsi Yehova ejuhisi pajwiibona jitiada yaku yukulibola Bibilia?

PANGI MUNDU JULALUKI: “Ndaba jaki gulibola Bibilia?”

Gwijibwa bo liswali hele?

MUHTASALI

Ingawa mala hingi nga lahisi kulibola Bibilia, kuhenga hela kuwesa kugujangati gutogulya maisha milele. Endalya kuntegame Yehova, najwombi jwagupekya balaka.