LISOMU LA 17

Yesu Jubi na Sifa Bole?

INA

Patulibola kuhusu mambu gajwapwaga Yesu nu kuhenga pajwabi pundema, tulibola sifa yeyutujangati kunhegale jombi na Atati baki. Baadhi ja sifa hei ye ihuti ibi yako? Nu tuwesa kunhiga Yesu mu maisha gito?

1. Yesu jufanana na Atati baki kwi indela bole?

Yesu koni jubi kumbinguni jwalingali Atati baki bunu upalani nu kulibola kuboka kwaki ku mamilioni ga miaka. Na hela juholale, nu kuhisi, nu kuhenga kama Atati baki. (Soma Yohana 5:19.) Yesu julangi sifa ya Atatibaki kikamili ivi kwamba jwapwaga: “Jokapi jojumweni nepani jwabweni Atati kabe.” (Yohana 14:9) Pagulibola kuhusu sifa ika Yesu, gwammanya Yehova sapi ngani. Kumfanu, huluma jika Yesu kuelake bandu jejilangi kwamba Yehova jutenda kugujali.

2. Yesu julangi bo kwamba ampai Yehova?

Yesu jwapwaga: “Ili undema gumanya kwamba naapai Atati, nhenga kama Atati ebahamulua.” (Yohana 14:31) Pajwabi pundema, Yesu jwalangia kwamba jwa apai ngani Atati baki ku kwatii ata pakwaba ngumu kuhenga ela. Kabe, Yesu jukapai kulonge kwahusu Atati baki nu kwajangati bangi aba nu ukosi gu pambipi na Yehova.—Yohana 14:23.

3. Yesu julangi bo kwamba jwapai bando?

Bibilia jipwaga kwamba Yesu ‘jwaapai ngani bandu.’ (Methali 8:31) Jwalangia kwamba jwaapai bandu ku kwajege mwoju nu kwajangati bila ubinafsi. Jwahenga miujiza jejalangia kwamba jubi na makili na kabe jwaulamaniya bandu. (Marko 1:40-42) Jwahengila bandu kwa fadhili bila ubaguzi. Manenu gaki gatenda kwafaliji nu kwapeke litumaini bandu bowa bina mwoju nnyoofu babunzogwaniya. Yesu jukabi tayali kuteseka na kuwa kwandaba jwaapai bandu bowa. Lakini jwa apai asa baapwata mafundishu gaki.—Soma Yohana 15:13, 14.

HEMBA NGANI

Libola kuhusu sifa ika Yesu. Nu gusungusa jinsi eguwesa kujiga upalani nu ukalimu gwaki.

4. Yesu jwa apai Atati baki

Yesu jutubekila mfanu gwa jinsi jukulangi kwamba tumpai Mungu. Soma Luka 6:12 na Yohana 15:10; 17:26. Baada ju kusoma kila liandiku, nndongalya liswali lende:

Tuwesa bo kunhiga Yesu nu kulangi kwamba tumpai Yehova?

Yesu jwaapai Atati baki bu kumbinguni na jwalongila nabu mala ingi kupete sala

5. Yesu jwajali bandu baabi uhitaji

Yesu jwalongulakya mahitaji ga bandu bangi. Hata pajwaba jusokiki jwatumia wakati na makili gaki kwajangati bandu. Soma Marko 6:30-44, alafu nndongalya maswali ganga:

Mu lisimulizi heli, Yesu jwalangia bo kwamba jwajali bange?—Linga nstali gwa 31, 34, 41, na 42.
Ki sesunchochia Yesu jwaajangatya bando?—Linga nstali gwa 34.
Kwa kuwa Yesu jwalangia sifa ika Yehova, heli lugupundisa ki kunhusu Yehova?
Guwesa kunhiga Yesu kwindela bo ili gulangia kwamba gwajali bange?

6. Yesu jubi nkalimu

Yesu jukabi nkalimu ingawa ngasejwabi na indu ingi ikimwili, nu jutujegala mwoju tuba twakalimu. Soma Matendo 20:35, alafu nndongalya liswali lende:

Kulengana na manenu haga gika Yesu, tuwesa bo kuba na laha?

Langia KIDEU, alafu nndongalya liswali lelipwata.

KIDEU: “Kubi na Laha Ngani Katika Kuboa”—Kisehemu (4:00)

Tuwesa kuboa katika indela ya, hata tukubi nganaindu ingi ikimwile?

Bo, gumanyiki?

Bibilia jutupundisa tusalila kuka Yehova kupete lihina lika Yesu. (Soma Yohana 16:23, 24.) Patusali kwindela eji, tulangi kwamba tulimanya lijambu lejuhengiki Yesu ili kutujangati tuba twa akosi bika Yehova.

BANDU FULANI APWAGA: “Mungu ngase jutujali patuteseka.”