LISOMU LA 19

Bo, Aka Mashahidi Baka Yehova ndo Akristo ba Sakaka?

INA

Twe twaka Mashahidi baka Yehova tuamina kwamba twe ndo Twakristo ba sakaka. Ndaba jakike? Sungusa msingi gwa mambu ga tuamina, liina litu la pakajika, nu upalani gotubinaku katijitu.

1. Ndo ki nsingi gwi imani jaka Mashahidi baka Yehova?

Yesu jwapwaga “lilobi [laka Mungu] ndo kweli.” (Yohana 17:17) Kama Yesu, masoba gowa aka Mashahidi baka Yehova ategami lilobi laka Mungu kuba nsingi gwi imani jabu. Holalya histolia jaka Mashahidi baka Yehova. Mmwisu ja kalne ja 19, kikundi sa wanafunzi ba Bibilia saanza kujisungusa Bibilia kwa makini. Mambu gabaamina gategamya Lilobi laka Mungu, hata pagatofautiana na mapundisu ga makanisa gangi. Alafu baanza kulonge na bandu bangi kuhusu kweli hei ya Bibilia. a

2. Ndaba jaki atukema twaka Mashahidi baka Yehova?

Yehova jupwaga kwamba babunhabudu ndo aka Mashahidi baki kwandaba atangasa ukweli kunhusu. (Waebrania 11:4–12:1) Kumfanu, nyakati ya zamani Mungu jwapwagila ana bandu baki: “Mwanganya mwaka mashahidi bango.” (Soma Isaya 43:10.) Yesu ankema “Shahidi Mwaminifu.” (Ufunuo 1:5) Hela, kuanzi mwaka gwa 1931, twaamua kulikema aka Mashahidi baka Yehova. Tukipuni kutukema kuliina heli.

3. Aka Mashahidi baka Yehova aiga bo upalani gwaka Yeso?

Yesu jwapai ngani wanafunzi hivi kwamba bakabi kama familia jaki. (Soma Marko 3:35.) Kwahiyu, aka Mashahidi baka Yehova abi familia ju pu undema powa junu umoja. Ndo sababu tukemana ndugu na dada. (Filemoni 1, 2) Kabe tutii amli aje: “Mugupala ushilika gwoa gwaka ndugu.” (1 Petro 2:17) Aka Mashahidi baka Yehova alangi upalani katika indela ingi, kumfanu, twajangati amini ajitu pu undema powa pa aitaji nsaada.

HEMBA NGANI

Libola kuhusu histolia jaka Mashahidi baka Yehova, nu gulinga uthibitishu gwa kwamba twe ndo twa Akristo ba sakaka.

Imani ja Akristo ba sakaka jitegame Bibilia nabombi bapundisa bangi mambu gabilibola

4. Bibilia ndo msingi gwa imani jitu

Yehova jwatabilia kwamba kweli ya Bibilia ikakuba wazi. Soma Danieli 12:4 na maelesu ga pai, alafu nndongalya liswali lende:

Bandu baka Mungu bakapata ki “kwa wingi” kukuendale kusungusa Bibilia?

Sungusa jinsi kikundi sa wanafunzi ba Bibilia, kujege nkati Charles Russell, ealibola Lilobi laka Mungu. Langia KIDEU, alafu nndongalya liswali lelipwata.

KIDEU: Kweli ya Bibilia Aiyeku Upya (7:46)

Mu kideu hesi, Charles Russell na wanafunzi ajaki ba Bibilia batumia indela bo kulibola Bibilia?

Bo, gumanyiki?

Nyakati yengi, tulekebisha baadhi ja mambu gatuamina. Ndaba jakike? Kama pe indu heibonikana wazi ngani lyoba palipita nu kuendele kubala, ndo Mungu ejutuyekuli Lilobi laki atua kwa atua. (Soma Methali 4:18.) Hela, ingawa Bibilia ngasejibadilika, tulekebisha mambu gatuamina kadili etuzidi kujielewa Bibilia.

5. Tutama kulengana ni liina litu

Ndaba jaki twasagula kutukema twaka Mashahidi baka Yehova? Langia KIDEU, alafu nndongalya liswali lelipwata.

KIDEU: Liina Lelututambulisha (2:56)

Ndaba jaki liina aka Mashahidi baka Yehova litendatufaa?

Ndaba jaki Yehova jwaasagwi bandu aba aka mashahidi bake? Kwa ndaba uwongo gwingi aguenizi kunhusu, enu jupala antambulisha kuba Mungu jwa sakaka. Holalya mapundisu gabeli gu uwongu kunhusu.

Baadhi ja dini yapundisa afuasi babu kwamba Mungu jupala atumia sanamu katika ibada. Bo, lifundishu heli libi la sakaka? Soma Mambo ya Walawi 26:1, alafu nndongalya maswali ganga:

Ukweli ndo kike? Yehova jubi na maoni bo kuhusu kutumi sanamo?

Baadhi jaka viongozi ba dini apundisa kwamba Yesu ndo Mungu. Bo, lifundishu heli libi la sakaka? Soma Yohana 20:17, alafu nndongalya maswali ganga:

Ukweli ndo kike? Bo, Mungu na Yesu ndo mundu ajolajola?
Guhisibo pagumanya kwamba Yehova jwatuma aka Mashahidi baki ili ahubilia ukweli kunhusu jwombi na Mwana jwake?

6. Tutei kupalana

Bibilia jipwaga Akristo apaswa kuungana kama iungu mbalimbali katika yega jika mundu. Soma 1 Wakorintho 12:25, 26, alafu nndongalya maswali ganga:

Akristo ba sakaka apaswa kwahenge ki Akristo ajabu paateseka?
Gulimanyiki lijambu bo kuhusu upalani gogubi mu miongoni mwaka Mashahidi baka Yehova?

Aka Mashahidi baka Yehova paateseka katika sehemu jimu pani pundema, aka Mashahidi ajabu puundema powa ajuku atua halaka ili kwajangati. Ili gulinga nfanu gumu, langia KIDEU. Alafu nndongalya liswali lelipwata.

KIDEU: Akaaji Buku Haiti Akabiliana ni Kimbonga Matthew (5:30)

Jitihada yaka Mashahidi baka Yehova yu kuboa nsaada yathibitishabo kwamba atei kwapala?

Akristo ba sakaka baalangi upalani bandu bahitaji nsaada

BANDU FULANI APWAGA: “Aka Mashahidi baka Yehova jibi dini inyai.”

Yehova jwaanza li kwakema abudu baki aka mashahide?

MUHTASALI

Aka mashahidi baka Yehova ndo Akristo ba sakaka. Twe ndo familia ja abudu ba abi puundema powa. Imani jitu jitegame Bibilia nu tutangasa ukweli kunhusu Yehova.