LISOMU LA 31

Ufalme Guka Mungu Ndo Kike?

INA

Ufalme guka Mungu ndo ujumbi muhimu ngani Mmbibilia. Yehova jwitumia Ufalme hogu kutimisa kusudi laki la pamwanzu lukugufanya undema gubya paladisu. Ufalme hogu ndo kike? Tumanya bo kwamba guanziki kutawala? Ufalme hogu gutimisi mambu bole? Na gwitimisa mambu bo wakati goguika? Maswali haga gajibiwa mulisomu lende na masomu mabeli gagapwata.

1. Ufalme guka Mungu ndo ki, nu Mfalme jwaki ndo nyane?

Ufalme hogu ndo selikali jejwaanzisa mweni Yehova Mungu. Mfalme Juufalme hogu jubi Yesu Kristo, nujutawala kuhuma kumbinguni. (Mathayo 4:17; Yohana 18:36) Bibilia jipwaga ana kunhusu Yesu: “Jwitawala koni jubi Mfalme . . . milele.” (Luka 1:32, 33) Koni jubi Mfalme Juufalme guka Mungu, Yesu jwitawala bandu boa pundema.

2. Ndo akanya ba atawala pamu na Yeso?

Yesu jutawala pamu na bangi. “Bandu kuhuma mu kila likabila na luga na bandu nilitaifa . . . bitawala koni abi afalme panani ju undema.” (Ufunuo 5:9, 10) Ndo bandu ale babitawala pamu na Kristo? Tangu Yesu pajwahika pundema, mamilioni ga bandu abi afuasi baki. Lakini bandu 144,000 ndo pe baajenda kumbinguni kutawala pamu na Yesu. (Soma Ufunuo 14:1-4.) Akristo bangi boa baabi pundema bibya laia bu Ufalme hogu.—Zaburi 37:29.

3. Kwa ndaba jaki Ufalme guka Mungu gubi bola kuliku selikali ya bando?

Ingawa atawala ba selikali yaka wanadamu bilikasa kuhenga mambu gasapi, ngaseabi nuuwesu gukuhenga mambu goa gaapala. Baada ji kipindi sabu sukutawala kujomoka, huenda atawala bangi abinafsi awesa kuanza kutawala na ngasebaajali laia babo. Lakini kuhusu Yesu Ntawala ju Ufalme guka Mungu, ngakuba ntawala jongi jojwijukua nafasi jaki. Mungu “[jugujemiki] ufalme ambagu ngagwiangamizwi kamwe.” (Danieli 2:44) Yesu jwitawala undema gwoa ngajwikubi nuubagizi. Yesu jubi nu upalani, fazili, na haki, najwombi jwa apundisa bandu kwahenge bangi kwiindela jejeji, yaani, ku upalani, fazili, na haki.—Soma Isaya 11:9.

HEMBA NGANI

Sungasa gulinga kwa ndaba jaki Ufalme guka Mungu ndo selikali bola kuliku selikali yowa ya bandu.

4. Selikali jana makili jagutawala undema gwoa

Yesu Kristo jubi na makili gingi ngani gukutawala kuliku ntawala jwokapi katika histolia. Soma Mathayo 28:18, halafu ndongalia liswali lende:

Kwa ndaba jaki Yesu jubi na mamulaka ngolongu ngani kuliku ntawala jwokapi jwa selikali ya bando?

Selikali ya bandu itenda kubadilika-badilika, na kila selikali jitawala sehemu fulani ju undema. Lakini bo Ufalme guka Mungo? Soma Danieli 7:14, halafu nndongalya maswali ganga:

Kwa ndaba jaki jibilaha kumanya kwamba Ufalme guka Mungu “ngagwiangamizwe”?
Kwa ndaba jaki tutogule kumanya kwamba gwitawala undema gwoa?

5. Kubi lasima selikali ya bandu kubilasima ibokaje

Kwa ndaba jaki kubi lasima Ufalme guka Mungu guboa selikali ya bando? Langia KIDEU, halafu nndongalya liswali lelipwata.

KIDEU: Ufalme Guka Mungu Ndo Kike?—Kisehemu (1:41)

Utawala gwa selikali ya bandu gubi na matokeu bole?

Soma Mhubili 8:9, halafu nndongalya maswali ganga:

Bo, guwasali Ufalme guka Mungu gupaswa kuboa selikali ya bando? Kwa ndaba ja kike?

6. Atawala Buufalme guka Mungu aelegwa hali jitu

Kwa kuwa Mfalme jwitu, Yesu, jwawaiki kuba mwanadamu, juwesa ‘kugusikitiki udhaifu gwitu.’ (Waebrania 4:15) Akanalomi na akambomba aminifu 144,000 ambabu bitawala pamu na Yesu jwahagwi Yehova “kuhuma mukila likabila na luga na bandu ni litaifa.”—Ufunuo 5:9.

Bo, gufalijika kumanya kwamba Yesu na atawala ajaki aelewa hali ya bando? Kwa ndaba jakike?

Yehova jwahagwi akanalomi nakambomba kuhuma mumalezi mbalimbali atawala pamu na Yesu

7. Shelia yu Ufalme guka Mungu ibi bola ngani

Selikali jibeka shelia ambayu yukusudiwi kwanufaisha na kwalenda akalaia baki. Ufalme guka Mungu kabe gubi na shelia ambayu apaswa kuipwata akalaia bake. Soma 1 Wakorintho 6:9-11, kisha nndongalya maswali ganga:

Guwasali undema gwibya bo kila mundu pajwipwata shelia ika Mungo? a
Bo, guwasali Yehova jubi na haki jakwabeke shelia laia bu Ufalme gwake? Kwa ndaba jakike?
Ndo ki sekilangi kwamba bandu ambabu ngaseapwata shelia hei awesa kubadilika?—Linga nstali gwa 11.