LISOMU LI 22

Guwesa bo Kwahubili Bangi Habali Njema?

INA

Pagulibola kweli ya Bibilia, pangi guwesa kuholale ana, ‘Kila mundu jupaswa kwimanya habali yenu!’ Sakaka, kila mundu jupaswa kupelakane ujumbi gongo! Lakini pangi gwijogapa kwapwagi bangi kuhusu mambu gagulibola. Musitulongalya jinsi eguwesa kushinda woga hogu na jinsi eguwesa kutogule kuanza kwapwagi bangi habali njema ya Bibilia.

1. Guwesa bo kwapwagi bandu bagwamanyiki mambu gagulibola?

Wanafunzi bika Yesu bapwaga ana: “Ngatuwesi kukotoka kupwaga kuhusu mambu ga tugabweni na ga tugajogwini.” (Matendo 4:20) Bigapai ngani mambu gabilibolikaje hivi kwamba bapala kwapwagi bandu bingi kadili ekuwesikana mambu ge haga. Bo, na gwe guhisi hela? Ana ahelahela, taputa fulsa ja kwapwagi kwa heshima bandu ba familia na aka akosi mambu gagulibola.—Soma Wakolosai 4:6.

Jinsi eguwesa kuanza

Pagulonge na bandu ba familia jaku, anzisa mazungumzu ga Bibilia kukupwaga: “Wiki jenze niliboliki lijambuleli pendesa.”
Longalya liandiku lelijege mwoju pamu nunkosi jwaku jojubi nngonzu au jojubi na mahangaiku.
Mfanyakazi nnzaku anajugulaluki guendale bole, mpwagila lijambu leguliboliki mulifunzu laku la Bibilia au munkutanu gulikutaniku.
Alangia aka akosi baku tovuti ja jw.org.
Aalika bangi mulifunzu laku la Bibilia, au gwalangia jinsi eawesa kuloba lifunzu la Bibilia mu tovuti ja jw.org.

2. Kwa ndaba jaki kubi muhimu kulibeke lilengu lu kuhubili pamu ni likutaniko?

Wanafunzi bika Yesu ngase baahubilia habali njema bandu babamanyiki pena. Yesu jwatuma “abeli abeli . . . katika kila lijiji” ili ahubilia. (Luka 10:1) Utalatibu hogu gukuhubili gwa apekya bandu bingi ngani nafasi jukupelakane habali njema. Kabe, wanafunzi bapata shangwi jingi ku kuhubili pamu. (Luka 10:17) Bo, gwe kabe guwesa kulibeke lilengu lukuhubili pamu ni likutaniko?

HEMBA NGANI

Sungusa jinsi eguwesa kushinda woga nukupata shangwi jejibokana nu kuhubili habali njema.

3. Yehova jwibya pamu na gwenga

Pangi baazi ja wanafunzi ba Bibilia ba apala kuanza kuhubili, bihangaishwa na jinsi bandu ebaabona, au jinsi bandu ebijetakya ujumbi.

Bo, gwe gujogopa kwapwagi bangi mambu

gagulibola? Ndaba ja kike?

Langia KIDEU, halafu nndongalya liswali lelipwata.

KIDEU: Nundoba Yehova Jumbekya Ujasili (4:05)

Aka Mashahidi akakombu haba bashinda bo woga gwabo?

Soma Isaya 41:10, halafu nndongalya liswali lende:

Sala jiwesa kugujangati bo ana gujogopa kuhubile?

Bo, gumanyike?

Kabla jukuanza kuhubili habali njema, aka Mashahidi bingi bika Yehova bawasalya ngaawesi kamwe kuhenga kasi heji. Ku mfanu, Sergey jujihisia kwamba ngasejufaa na kukabi vigumu kwaki kulonge na bandu. Lakini baada jukulibola Bibilia jwapwaga ana: “Ingawa nakabi na woga, naanza kwaelesa bangi kuhusu mambu ganilibolika. Kukushangaza, panalongila na bangi kuhusu Bibilia napata ujasili ngani. Kabe, imani ja jaimalika hata ngani.”

4. Gubya na heshima

Pagwapwagi bangi kuhusu habali njema, holalya lijambu legwipwaga na jinsi egwalipwaga. Soma 2 Timotheo 2:24 na 1 Petro 3:15, halafu nndongalya maswali ganga:

Guwesa kutumi bo ushauli gogubi mu maandiku ganga pagulonge na bangi kuhusu Bibilia?
Pangi baazi ja bandu ba familia jaku na aka akosi baku ngabijetake mambu gagwapwagila. Guwesa kuhenga kike? Gwijepa kuhenga kike?
Ndaba jaki kubi sapi kutumi maswali kwa busala badala ja kwalasimisa aamina mambu gagupwaga?

5. Kuhubili abali njema kuleta shangwi

Yehova ampekya Yesu kasi ju kuhubili

habali njema. Yesu jujibona bo kasi heje? Soma Yohana 4:34, halafu nndongalya maswali ganga:

Patukula posu jaasapi tuendalesa bwomi gwitu nu tupata laha. Ndaba jaki Yesu jwalenginisa kula posu nu kuhenga mapenzi gika Mungu, kujege nkati kuhubili habali njema?
Ana guholali gwitogulya mambu bo ku kuhubili habali njema?

Mapendekezu

Wakati gunkutanu gupikilanda ja wiki, pelakania jinsi eguwesa kuanzisa mazungumzu.
Longila na mwalimu jwaku kuhusu kujiandikisa ili gubya gwamwanafunzi mu nkutanu gupikilanda ja wiki. Migau jebagupekya mu nkutanu hogu jagujangatya gubya tayali kwapwagi bangi mambu gagulibola.
Tumia sehemu ya “Bandu Fulani Apwaga” au “Pangi Mundu Juwesa Kulaluki” mu masomu ganga Ili kuhenga mazoezi gukujibu maswali ga alaluki bandu au paagupenga.

PANGI MUNDU JUKALALUKYA: “Gubi na habali bo inyae?”