Yesu jwapundisa kwamba kubi lasima Akristo abatizwa. (Soma Mathayo 28:​19, 20.) Lakini ubatizu ndo kike? Na mundu jupaswa kuhenga ki ili juhikila lilengu hele?

1. Ubatizu ndo kike?

Linenu “batisa” libokana ni linenu likigiliki lelimaanisha “jingasa” nkati ja masi. Yesu pajwabatizwa, bunnzingasa nkati ja Losi lwa Yordani na alafu ‘jwapita mmasi.’ (Marko 1:​9, 10) Ahelahela, Akristo ba kweli baabatisa kukwajingisa kabisa nkati ja masi.

2. Ubatizu gumaanisha kike?

Mundu pajubatizwa, julangi kwamba julibei wakfu kuka Yehova Mungu. Mundu julibeka wakfu jinsi bole? Kabla jukubatizwa, jupia sala pikajika nukumpwagi Yehova kwamba jupala kuntumiki milele. Juahidi kwamba antumakya Yehova kanzika jaki, nilijambu muhimu ngani mumaisha gaki libya kuhenga mapenzi gika Mungu. Juamu ‘kujikana mweni nukuendale kupwata’ mafundishu nu mfanu guka Yesu. (Mathayo 16:24) Kulibeka wakfu nu kubatizwa kunnzangati mundu kuba nu uhusianu gwa pambipi na Yehova na bandu bangi babuntumaki Yehova.

3. Mundu jupaswa kujuku atua bo kabla jukubatizwa?

Kabla jukubatizwa, gupaswa kulibola kunhusu Yehova nu kusenga imani jejibi ni makili kwaki. (Soma Waebrania 11:6.) Kadili ujuzi ni imani jaku ejiendale kujonzukeka, ndo egwampala Yehova ngani. Bila shaka, gwipala kwapwagi bangi kunhusu nukutama kulengana ni iwangu yaki. (2 Timotheo 4:2; 1 Yohana 5:3) Mundu pajuanza kutama “kukunstahili Yehova ili kumpendesa kikamili,” kuwesikana kwamba jwiamua kulibeka wakfu kuka Mungu nu kubatizwa.​—Wakolosai 1:​9, 10. a

 HEMBA NGANI

4. Mambu gatulibola kubokana nu ubatizu guka Yesu

Soma Mathayo 3:​13-17 ili gulibola gingi kuhusu ubatizu guka Yesu. Halafu nndongalya maswali ganga:

• Bo, Yesu jukabi le mwana nkeki pabumbatisaje?

• Bumbatisa jinsi bole? Bo, bunnyunyila le mase?

Baada jukubatizwa, Yesu jwaanza kuhenga kasi ja kanzika jeampekya Mungu juhenga pani pundema. Soma Luka 3:​21-​23 na Yohana 6:​38, halafu nndongalya liswali lende:

• Yesu jwalongulakya kasibo mu maisha baada ju kubatizwa?

5. Guwesa kuhiki lilengu lu kubatizwa

Pamwanzu pangi gwibya na wasiwasi kuhusu kulibeka wakfu nu kubatizwa. Hata hela, guwesa kuhenga maendeleu hatua kwa hatua na pamwisu kupata ujasili gukuhenga uamuzi hogu muhimu. Ili gulinga baazi ja bandu baahengiki enihela, langia KIDEU.

Soma Yohana 17:3 na Yakobo 1:​5, halafu nndongalya liswali lende:

• Ki sekiwesa kunnzangati mundu jujiandia kwa ajili ju ubatizo?

1. Tulibeka wakfu kukumpwagi Yehova kwamba tupala kuntumiki milele

2. Patubatizwa twalangi atazamaji kwamba tulibei wakfu kuka Mungu

 6. Patubatizwa tujiunga na familia jika Yehova

Patubatizwa tujiunga na familia jejibi nu umoja ju pundema pani powa. Ingawa tuhumiki mu maeneu na malezi mbalimbali, twe twaboa tuamini mambu agalagala nu tutama kulengana ni iwangu ayelayela ya maadili. Soma Zaburi 25:14 na 1 Petro 2:​17, halafu nndongalya liswali lende:

• Mundu pajubatizwa jukuba nu uhusianu bo na Yehova na bandu bangi baantumakila?

 MUHTASALI

Yesu jwapundisa kwamba kubi lasima Akristo abatizwaje. Ili kuhiki lilengu heli mundu jupaswa kusenga imani jina makili kuka Yehova, kutamakulengana ni iwangu yaki, nu kulibeka wakfu kwaki.

Gukajibwa bole?

• Ubatizu ndo kike, na kwa ndaba jaki kubi muhimu kubatizwa?

• Gubi uhusianu bo kati ju kulibeka wakfu nu kubatizwa?

• Ibi atua bo ye jupaswa mundu kujuku kabla ju kulibeka wakfu nu kubatizwa?