Twe tutenda dhambi, tuteseka, na kuwa kwa sabu bandu ba kwanza Adamu na Hawa ngase anzogwani Mungu. a Lakini tubi nilitumaini. Yehova juandi indela ju kutubeka hulu kubokana na laana ya dhambi na kuwa kupete Mwana jwaki, Yesu Kristo. Bibilia jipundisa kwamba Yesu jwaboa fidia kupete kuwa kwaki. Fidia ndo malepu gaagapia ili kumbeka mundu hulu. Yesu jwalepa fidia ku kuboa bwomi gwaki nkamilifu gu kibinadamu. (Soma Mathayo 20:28.) Yesu pajwadhabihua kwi hiali haki jaki ju kutama milele pundema, jutuhogulya indela ju kupata kabe bwomi nkamilifu gobuguhoa Adamu na Hawa. Kabe, Yesu jwalangia kwamba jwombi na Yehova atupai nga maa. Lisomu heli lagujangatya kuthamini ngani kuwa kuka Yesu.

1. Kuwa kuka Yesu kuwesa kutunufaisha bo leleno?

Kwa kuwa twe tubi twatenda dhambi, tuhenga mambu gingi ganga kumpendeza Yehova. Hata hela, ana tujuta ngani kwa sababu ja dhambi yetuhengiki nu kundoba Yehova kupete Yesu Kristo jutusamia nu kulikasa kabisa kusindwa kukyelubuki makosa haga, tuwesa kutogule ukosi gu pambipi pamu na Mungu. (1 Yohana 2:1) Bibilia jipwaga ana: “Kristo jwakuwa mala jimu kwa wakati gwoa kwa ajili ja dhambi, mundu mwadilifu kwa ajili ja banga aadilifu, ili junndongua mwanganya kuka Mungu.”​—1 Petro 3:​18.

2. Kuwa kuka Yesu kwatunufaisha bo wakati goguika?

Yehova antuma Yesu juboa bwomi gwaki nkamilifu gu kibinadamu “ili kila mundu joanhamini [Yesu] banhangamiza Ila juba nu uzima gu milele.” (Yohana 3:​16) Kupete dhabihu jika Yesu, Yehova jwiboa madhala gowa ga jwasababisha Adamu pajwasindwa kutii. Heli limaanisha kwamba ana tulangi imani katika dhabihu jika Yesu, twipata nafasi ju kutogule maisha milele mu undema paladisu!​—Isaya 65:​21-​23.

 HEMBA NGANI

3. Kuwa kuka Yesu kwatubeka hulu kubokana na dhambi na kuwa

1. Adamu jukabi munalomi nkamilifu jojwasindwa kunzogwane Mungu na hela jwa asababishia bandu bowa dhambi na kuwa

2. Yesu jukabi munalomi nkamilifu joanzogwania Mungu na kwahogule wanadamu indela ja kuba akamilifu nu kupata bwomi gu milele

4. Kuwa kuka Yesu kuwesa kwa anufaisha bandu bowa

 5. Fidia ndo zawadi jejugupeki Yehova

Aka akosi bika Yehova bijibona fidia kuba zawadi jeba apeki kibinafsi. Ku mfanu, soma Wagalatia 2:​20, halafu nndongalya liswali lende:

• Ntumi Paulo jwalangia bo kwamba jujibona fidia kuba zawadi jeampeki kibinafsije?

Adamu pajwahenga dhambi, jwombi na azau baki bowa bahukumula kuwa. Lakini Yehova antuma Mwana jwaki jukuwa, ili gwe gupata nafasi ju kutama milele.

Pagusoma mistali jejipwata, wasila jinsi Yehova ejwahisia pa ambona Mwana jwaki jukatesika. Soma Yohana 19:​1-7, 16-​18, halafu nndongalya liswali lende:

• Guhisi bo kuhusu lijambu leaguhengi Yehova na Yeso?

 MUHTASALI

Kupete kuwa kuka Yesu, Yehova juwesa kutusame dhambi itu, nu tupata fulsa ju kutama milele.

Gukajibwa bole?

• Ndaba jaki Yesu jwatenda kuwa?

• Kwi indela bo bwomi nkamilifu guka Yesu gwabya fidia jejilengana?

• Kuwa kuka Yesu kuwesa bo kugunufaisha?