LISOMU LA 37
Maoni ga Bibilia Kuhusu Hela na Kasi
Bo, guwaiki kulemewa na mahangaiku kuhusu kasi au hela? Pangi kuwesa kuba vigumu kushuguliki mahitaji gitu na wakati gogogu kumpeke Yehova ibada jejustahili. Bibilia jutupeke ushauli goguwesa kutujangatila.
1. Bibilia jipwaga ki kuhusu kase?
Mungu jupala tutogulya kasi jitu. Bibilia jipwaga ana: “Ngakuba lijambu bola lejuwesa kuhenga mundu kuliku . . . kutogule kasi jaki ngumu.” (Mhubili 2:24) Yehova ndo mfanyakazi jojubi na bidii. Patunziga kukuhenga kasi kwa bidii, tunfulahisha nukulisika.
Kuhenga kasi kubi muhimu. Lakini ngasetupaswa kabisa kuluhusu kasi jibya muhimu kuliku ibada jitu kuka Yehova. (Yohana 6:27) Yehova jutuahidi kwamba anatwanndongulakya jwombi, jwatuandalia mahitaji gitu gi kimwili.
2. Bibilia jipwaga ki kuhusu hela?
Bibilia jipwaga ‘hela ndo ulinzi,’ lakini kabe jutuonya kwamba hela kajika jaki ngaseiwesa kutulete laa. (Mhubili 7:12) Kwahiyu jutujege mwoju twaipala hela ila ‘tulisika na indu yetubi nayu.’ (Soma Waebrania 13:5.) Patulisika na indu yetubi nayu, tujepa mahangaiku gukutaputa indu yingi ngani. Tujepa madeni gangakuba ga lasima. (Methali 22:7) Nutujepa hatali jukukina kamali au kunaswa niindela yukupata utajili gwa halaka.
3. Tuwesa bo kutumi hela yitu kuukalimo?
Yehova ndo Mungu nkalimu nutunziga patukuba “twakalimu, tayali kushiliki indu na bangi.” (1 Timotheo 6:18) Tuwesa kutumi hela yitu kuukalimu kukuboa misangu mulikutaniku na kwajangati bandu bangi baahitaji nsaada, hasa aabudu ajitu. Yehova jupendezwa hasa na nia jitu ju kuboa, bali nga kiasi setuboa. Patuboa kuukalimu kuhuma kumwoju, tukuba na laa na tumfulahisha Yehova.—Soma Matendo 20:35.
HEMBA NGANI
Libola manufaa ga kuba nu ntazamu gogusawaziki kuhusu kasi na jinsi ju kulisika.
4. Nheshimua Yehova kupete mazoea gaku gukuhenga kasi
Ukosi gwitu na Yehova gupaswa kutuchoche kuba nuntazamu gogufaa kuhusu kasi. Langia KIDEU, halafu nndongalya maswali gagapwata.
-
Mukideu hesi, gwatogulya ki kuhusu ntazamu guka Jason na mwenendu gwaki kukase?
-
Jason jwahenga ki ili kuba nuusawaziku kuhusu kase?
Soma Wakolosai 3:23, 24, halafu nndongalya liswali lende:
-
Kwa ndaba jaki ndo muhimu kuba nuntazamu gogufaa kuhusu kase?
Kuhenga kasi kubi muhimu. Lakini ngasetupaswa kamwe kuluhusu kasi jibya muhimu kuliku ibada jitu kuka Yehova
5. Tunufaika patulisika
Bandu bingi bijikasa kutaputa hela ingi kadili ekuwesikana. Lakini Bibilia jiboa ushauli tofauti. Soma 1 Timotheo 6:6-8, halafu nndongalya liswali lende:
-
Bibilia jutujege mwoju tuhenga kike?
Tuwesa kuba na laa hata tukubi na indu isokopi ngani. Langia KIDEU, halafu nndongalya liswali lelipwata.
-
Ingawa familia heyi ngaseibi na hela yingi, kwa ndaba jaki abi na laa?
Namna bo anatubi na indu yingi na twakali tukaipala kupata yingi ngane? Yesu jwaboa mfanu gogulangi atali jukutenda heniela. Soma Luka 12:15-21, halafu nndongalia liswali lende:
-
Gwiliboliki ki kubokana numfanu guka Yeso? —Linga nstali gwa 15.
Soma nu gulenginisa Methali 10:22 na 1 Timotheo 6:10. Halafu nndongalya maswali ganga:
-
Guwasali ndo lijambu bo lelibi muhimu ngane? Kuba gunkosi juka Yehova, au kuba na hela yingi ngane? Kwa ndaba jakike?
-
Ndo matatisu bo gagasababishwa nukutaputa hela yingi ngane?
6. Yehova jwatuandalya mahitaji gitu
Pakukuba vigumu kupata kasi au hela, tupata nafasi jukulangi anasakaka tuntegame Yehova. Langia KIDEU ili kulinga jinsi etuwesa kukabiliana na matatisu ga hela, halafu nndongalya maswali gagapwata.
-
Mukideu hesi, ndugu hoju jwaketangana ni milengu bole?
-
Jwahenga ki ili kukabiliana ni milengu je heje?
Soma Mathayo 6:25-34, halafu nndongalya liswali lende:
-
Yehova jwa ahaidi ki babundongulake bala?
BANDU FULANI APWAGA: “Lasima nhenga kasi kwa bidii ili kujiandali familia jango. Nganhwesi kuhudhuli mikutanu jilikutaniku kila juma.”
-
Ndo liandiku bo leluguthibitishi kwamba kulongulake ibada jaku kuka Yehova ndo uamuzi bola?
MUHTASALI
Tuitaji kasi na hela lakini mambu haga ngasegapaswa kamwe kutuhibalaki kuntumaki Yehova.
Gukajibwa bole?
-
Ndo ki sekiwesa kugujangati gubya nuusawaziku kuhusu kase?
-
Kulisika kuwesa kugunufaisha bole?
-
Guwesa kulangi bo kwamba guamina ahadi jika Yehova jakwaandali mahitaji bandu bake?
SUNGUSA NGANI
Sungusa gulinga ana ndo Bibilia jipundisa kwamba kubi mbaya kuba na hela.
Libola jinsi eguwesa kutumi hela yitu kwiindela jejumfulahisha Yehova.
“Bibilia Jipwaga Ki Kuhusu Kupia?” (Makala jejibi muntandau)
Bo, kukina kamali kubi na mazala gokape?
Linga lijambu lelunchochia mundu jojwabi mwii na jojukina-kamali jubadilisha gake.
“Napai Ngani Mashindanu ga Mfalasi” (Mnala gu Mlinzi, Novemba 1, 2011)
