LISOMU LA 42
Bibilia jipwaga ki Kuhusu Useja na Ndoa?
Katika tamaduni fulani, aamina kwamba mundu ngasejuwesa kuba na laha ana ngasejupungiki ndoa. Hata hela, si bandu bowa baapungiki ndoa baabi na laha na si aseja bowa banga na laha. Bibilia jipwaga kwamba useja na ndoa ibi zawadi kuhuma kuka Yehova.
1. Kubi ni manufaa bo ga kuba mseja?
Bibilia jipwaga ana: “Jwokapi jojupunga ndoa jutenda sapi, lakini jwokapi jwangakupunga ndoa jwihenga sapi ngani.” (Soma 1 Wakorintho 7:32, 33, 38.) Kwi indela bo mseja juwesa ‘kuhenga sapi ngane’? Akristo aseja ngase abi ni lijukumu lu kuntunza mwenzi jwa ndoa. Kwa hiyu, abi nu uhulu gwingi. Ku mfano, baazi jabu awesa kupanu huduma jabu ku kuhami ku nchi najengi ili kuhubili abali njema. Lijambu muhimu ngani, awesa kutumi muda gwingi ngani kunhegale Yehova.
2. Gabi manufaa bo gu kupunga ndoa kishelia?
Kama ekubi nu useja, ndoa jibi ni manufaa ga pikajika. Bibilia jipwaga kwamba “abeli abi afadhali kuliko jumu.” (Mhubili 4:9) Heli libi la sakaka hasa kwa Aklisto baapwata kanuni ya Bibilia katika ndoa jabu. Aklisto baapunga ndoa kishelia aahidi kwamba bitenda kupalana, kueshimiana, nu kutunzana. Kwa hiyu, ajiisi abi salama ngani tofauti na munalomi nu mmbomba baatama pamu bila kupunga ndoa. Na ndoa jianda mazingila salama gu kwalea bana.
3. Yehova jubi ni maoni bo kuhusu ndoa?
Yehova pajwaanzisa ndoa ja kwanza jwapwaga ana: “Munalomi jwaaleka atati baki na amabu baki najwombi jwikamulana nu nhana mundu.” (Mwanzo 2:24) Yehova jupala nndomi nu nhana mundu apalana na atama pamu maisha gabu gowa. Juluhusu talaka ana mwenzi jumu jwa ndoa juhenga uzinzi. Katika hali kama hei, Yehova anzetakale mwenzi jwanga na hatia juamua ana jwitaputa talaka. a (Mathayo 19:9) Yehova jupomo Aklisto kuba ni mitala.—1 Timotheo 3:2.
HEMBA NGANI
Libola jinsi eguwesa kuba na laha nu kumfulahisha Yehova, gukubi gwe gubi gu mseja au gupungiki ndoa.
4. Tumia sapi zawadi ju useja
Yesu jugubona useja kuba zawadi. (Mathayo 19:11, 12) Soma Mathayo 4:23, halafu nndongalya liswali lende:
-
Yesu jwatumia bo zawadi ju useja kwatumiki atati baki na kwajangati bange?
Kama Yesu, Aklisto awesa kutogule zawadi ju useja. Langia KIDEU, halafu nndongalya liswali lelipwata.
-
Aklisto awesabo kutumi zawadi ju useja kwi indela ju kuthawabisha?
Bo, Gumanyiki?
Bibilia ngasejilogo umli gu kupunga ndoa. Hata hela, jaajege mwoju akakombu alendalya hadi ‘apeta upeu gu ujana,’ kipindi ambasu hisia ina makili ya ngonu iwesa kufanya kuba vigumu kuka nkombu kuhenga uamuzi kwa hekima.—1 Wakorintho 7:36.
5. Sagula mwenzi jwa ndoa kwa hekima
Kusagu mwenzi jwa ndoa jibi mojawapu ju uamuzi muhimu ngani gogwaguhenga. Soma Mathayo 19:4-6, 9, halafu nndongalya liswali lende:
-
Ndaba jaki Nklisto jutakiwa kuholale kumakini kabla ju kuhenga uamuzi gu kupunga ndoa?
Bibilia jiwesa kugujangati kumanya sifa ika mwenzi jwa ndoa jojugufaa. Lijambu muhimu ngane, sagula mwenzi jwa ndoa jo ampai Yehova. b Soma 1 Wakorintho 7:39 na 2 Wakorintho 6:14. halafu nndongalya maswali Ganga:
-
Ndaba jaki Nklisto jutakiwa kupunga ndoa pe nu Nkristo nnzake?
-
Guholale Yehova jwihisia bo twiamu kupunga ndoa na mundu jwanga kumpala Yehova?
Inyama ibeli yeibi tofauti ngani ana baikonga nila pamu, itenda kuumi. Hela hela, Nklisto jojupunga ndoa na mwenzi jwanga mwamini gampata matatisu gingi
6. Sitawisha maoni gika Yehova kuhusu ndoa
Katika Islaeli la kale, baazi ja akanalomi baapekya talaka aka ahana bundu kwa sababu ju ubinafsi. Soma Malaki 2:13, 14, 16, halafu nndongalya liswali lende:
-
Ndaba jaki Yehova jwaasuki bandu paatalikiana kwa sababu yanga yu nsingi gu Maandiko?
Uzinzi na talaka isababisha maumivu gingi kuka mwenzi jwanga na hatia na kabe kwa bana
Langia KIDEU, halafu nndongalya liswali lelipwata.
-
Ana gupungiki ndoa na mundu jwanga mwamini, guwesa kuhenga ki ili kuba na ndoa jina laha?
7. Pwata iwangu ika Yehova kuhusu ndoa
Pangi mundu jukahitajia kuhenga jitihada ingi ili kupwata iwangu ika Yehova kuhusu ndoa. c Lakini Yehova jwa abaliki baahenga hela. Langia KIDEU.
Soma Waebrania 13:4, halafu nndongalya maswali ganga:
-
Bo, guholale iwangu ika Yehova kuusu ndoa ifaa? Ndaba ja kike?
Yehova jutalaji Aklisto aandikisa kishelia ndoa na talaka yabu kwa sababu katika nchi ingi, heji jibi shelia jejibei selikali. Soma Tito 3:1, halafu nndongalya liswalii lende:
-
Ana gupungiki ndoa, bo, guakikisi kwamba ndoa ji ajiandikisi kishelia kuselikale?
PANGI MUNDU JUKALALUKYA: “Ndaba jaki gupunga ndoa? Munalomi nu mmbomba awesa kutama pamu bila kupunga ndoa.”
-
Gwe gubi ni maoni bole?
MUHTASALI
Useja na ndoa ibi zawadi kuhuma kuka Yehova. Aseja na bandu baapungiki ndoa awesa kuba na laha nu kulisika mu maisha ana aitama kulengana ni iwangu ika Yehova.
Gukajibwa bole?
-
Mundu juwesa bo kutumi sapi useja gwake?
-
Ndaba jaki Bibilia jipwaga kwamba Nklisto jutakiwa kupunga ndoa pe nu Nklisto nnzake?
-
Ki sekibi nsingi gukanzika gu Kimaandiku kuusu talaka?
SUNGUSA NGANI
Kujuku au kutoguleka “katika Bwana pe” kumaanisha kike?
“Maswali Kuhuma kwa Asomaji” (Mnala gu Mlinzi, Julai 1, 2004)
Linga ideu itatu ijipi yeiwesa kugujangati kuhenga maamuzi gasapi kuusu usumba na ndoa.
Libola ndaba jaki ndugu jumu juhisi kwamba lijambu le ampeki Yehova libi lina thamani kuliku indu yowa yejwiilei.
Gabi baazi ja mambu bo gajutakiwa mundu kuholale kabla ju kuamu kutengana au kutaputa talaka?
“Heshimua ‘Sejukiunganishi Mungu’” (Mnala gu Mlinzi, Desemba 2018)
a Linga Maelesu ga Ziada 4 kuhusu kutengana ana ngakuba hatia ju uzinzi.
b Ana gutama na mundu ambaju ngasegupungiki naku ndoa, guwesa kuamua kunndeka au kupunga naku ndoa, hogu gubi uamuzi gwaku.
c Mu tamaduni fulani, azazi atenda kuamu mundu jojwipunga ndoa na mwana au binti jwabu. Katika visa kama hei, azazi baabi nu upalani asungusa oti ana mundu hoju ampai Yehova, na si uwesu gwaki kwa hela, au jinsi bandu eammbona katika jamii.
