LISOMU LA 46
Ndaba Jaki Gupaswa Kulibeka Wakfu Nu kubatizwa?
Tulibeka wakfu kuka Yehova patunhaidi kwa sala kwamba twantumakia jwombi kajika jaki nu kulongulake mapenzi gaki mu maisha. (Zaburi 40:8) Hatua jejipwata ndo kubatizwa. Pagubatizwa, gwalangi bangi kwamba gulibei wakfu. Uamuzi gukulibeka wakfu kuka Yehova ndo uamuzi muhimu ngani mu maisha. Ki se saguchochia guhenga uamuzi hogu muhimu ngani na gogwibadilisha maisha gako?
1. Ki sesunchoche mundu julibeka wakfu?
Tuchochewa nu upalani kulibeka wakfu kuka Yehova. (1 Yohana 4:10, 19) Bibilia jutuhimiza ana: “[Mpala] Yehova Mungu jwaku kwa mwoju gwaku gwowa na kwa nafsi jaku jowa na kwa malangu gaku gowa na kwa makili gaku gowa.” (Marko 12:30) Tulangi kwamba tumpai Mungu si ku manenu pena, ila kabe ku matendu gitu. Kama pe munalomi nu mmbomba ba apalini ngani eahamu kupunga ndoa, ahelahela kumpala Yehova kutuchoche kulibeka wakfu kwaki nu kubatizwa.
2. Yehova jwapeke balaka bo aka mashahidi baki bababatise?
Pagubatizwa, gujiunga na familia jika Yehova jina laa. Alafu gwalibonila upalani gwaki kwi indela yingi ngani na gwiendalya kunhegale ngani. (Soma Malaki 3:16-18.) Yehova jwibya kama atati kwaku, na kabe gwibya na familia ji kiloho jaka ndugu na dada pundema powa babumpala Yehova na kabe babugupala. (Soma Marko 10:29, 30.) Bila shaka, lasima gujukua hatua fulani kabla jukubatizwa. Gupaswa kulibola kunhusu Yehova, kumpala, na kuba ni imani kuka Mwana jwaki. Pamwisu, lasima gulibeka wakfu kuka Yehova. Anagujukwi hatua heyi nu kubatizwa, gwibya guanziki kujenda mmbalabala jejilongo ku bwomi gu milele. Linenu lika Mungu lipwaga ana: “Ubatizu . . . gunhoko mwanganya sajenu kabe.”—1 Petro 3:21.
HEMBA NGANI
Libola ndaba jaki kubi muhimu kwaku kulibeka wakfu kuka Yehova nu kubatizwa.
3. Twe twaboa tupaswa kusagu jotwantumikia
Mu litaifa la zamani la Israeli, baazi ja bandu awasalya kwamba akawesa kunhabudu Yehova na kabe mungu jwisoli Baali. Lakini Yehova antuma nabii jwaki Eliya julekibisha maoni haga gi isoli. Soma 1 Wafalme 18:21, halafu nndongalya liswali lende:
-
Aisraeli bapaswa kuhenga uamuzi bole?
Kama Aisraeli, twe kabe tupaswa kusagu jotwantumikia. Soma Luka 16:13, halafu nndongalya maswali ganga:
-
Kwa ndaba jaki ngasetupaswa kuntumiki Yehova na wakati gogo kuntumiki mundu au sindu senge?
-
Tunndangi bo Yehova kwamba tusagwi kuntumiki jwombe?
4. Wasalya upalani go jugulangi Yehova
Yehova jutupeki zawadi ingi ina thamani. Tuwesa kumpeke kike? Langia KIDEU.
Yehova jugulangi kwi indela bo kwamba jutei kugupala? Soma Zaburi 104:14, 15 na 1 Yohana 4:9, 10, halafu nndongalya maswali ganga:
-
Ibi zawadi bo kuhuma kuka Yehova ye yuguchoche ngani kunshukulo?
-
Zawadi heyi ifanya guhisia bo kunhusu Yehova?
Patujopa zawadi jetujipai, tuchochewa kundangi shuklani jojutupeki zawadi heji. Soma Kumbukumbu la Tolati 16:17, halafu nndongalya liswali lende:
-
Paguwasali mambu gowa gajuguhengi Yehova, guchochewa kuhenga kike?
5. Kulibeka wakfu kuleta balaka ingi
Bandu bingi aamina kwamba umaalufu, kasi jasapi, au hela yaafanya abya na laha. Bo, heli le lasakaka? Langia KIDEU, halafu nndongalya maswali gagapwata.
-
Ingawa mwanamichezu mu kideu hesi jwapai kukina mpila, ndaba jaki jwakotuka kukina mpila?
-
Jwaamua kulibeka wakfu kuka Yehova ila si kukina mpila. Bo, guwasali jwatei uamuzi gwasape? Ndaba ja kike?
Kabla mtumi Paulo ngasejubi Nkristo, jukabi na kasi jasapi ngani. Jwabya jusomi shelia ja ayahudi na mwalimu jwaki jukabi mashuhuli. Lakini jugaleka goti haga ili jubya Nkristo. Bo, Paulo le jwajutie? Soma Wafilipi 3:8, halafu nndongalya maswali ganga:
-
Ndaba jaki Paulo jwapwaga kwamba mambu gajwahenga kabla ja kuba Mkristo gabya “takataka inge”?
-
Uamuzi gwaki gundetila balaka bole?
-
Guwasali kibi ki sesifanya gubya na maisha bola, bo, kuntumaki le Yehova au kupwatali malengu gangi mu maisha?
Baada ja kuba Nkristo, Paulo jwapata faida ingi kuliku mambu gajugaleka
BANDU FULANI APWAGA: “Nga lasima guntumikia Mungu, togulya maisha.”
-
Ndaba jaki guwasali kubi muhimu kulibeka wakfu kuka Yehova?
MUHTASALI
Kumpala Yehova kutuchoche kulibeka wakfu kwaki nu kubatizwa
Gukajibwa bole?
-
Ndaba jaki tupaswa kumpala Yehova kwa mwoju gwitu gwowa nu kuntumaki jwombi kanzika jake?
-
Yehova jwapeke balaka bo aka Mashahidi baki babatise?
-
Bo, gupai kulibeka wakfu kuka Yehova?
SUNGUSA NGANI
Linga sababu jejumfanya mwanamuziki na mwanamichezu aamua kulibeka wakfu kuka Yehova.
Akakombu Alaluki—Nagatumia bo Maisha Gango?—Kukomboka Gagapetiki (6:52)
Sungusa sababu ngani yu kulibeka wakfu.
“Ndaba Jaki Gulibeka Wakfu Kuka Yehova?” (Mnara gu Mlinzi, Januari 15, 2010)
Mu kideu senze su muziki, linga shangwi jeajipata baalibei wakfu kuka Yehova.
Mulisimulizi “Kwa Miaka Jingi Nililalukya, ‘Ndaba jaki Tubi Twabome?’” Linga lijambu lelunchochia mmbomba fulani jusungusa mambu gajulongulakya mu maisha.
“Bibilia Jibadilisha Maisha” (Mnala gu Mlinzi, Novemba 1, 2012)
